Тема. Xizmet hám motivaciya (2s.). Joba

3. Miynet - Miynet etiw tábiyiy zárúrliklerge tiykarlanǵan xızmet bolıp, onıń maqseti álbette, qanday da bir materiallıq yamasa ruwxıy ónimllerdi jaratıw, jámiyettiń rawajlanıwına úles qosıw bolıp esaplanadı. Insan óziniń miyneti arqasında sanalı maqluqqa aylanǵan. Miynet xızmetiniń quramında miynet, is – háreket jatadı. Sonday – aq ata – babalarımız tárepinen jaratılǵan kásip – óner kónlikpelerin áwladlarǵa úyretiw, miynet xızmeti járdeminde ámelge asırılǵan. Kásiplik tájiriybelerdi qáliplesttiriw, jetilistiriw, ónim jaratıw hám onnan maqsetke muwapıq paydalanıw miynet xızmeti arqalı júzege shıǵadı.
Miynet xızmeti, jasaw ushın zárúrliklerdi qanaatlandırıw, keleshek ushın molshılıqtı támiyinlew, jaratılǵan ónimlerdi saqlaw, miyras sıpatında qaldırıw funkciyaların atqaradı. Sonıń ushın da miynet xızmeti professiogrammaǵa tiykarlanǵan halda túrli formada shólkemlestiriledi hám belgili joba, maqset tiykarında hár qıylı jaǵdaylarda ámelge asırıladı.
4. Motiv hám motivaciya. Dúnya psixologiyasında motiv hám motivaciya mashqalası boyınsha hár qıylı izertlewler alıp barılmaqta. Bul másele boyınsha K.Ushinskiy, I.Sechenov, I.Pavlov, A.Uxtomskiy, D.Uznadze, A.Leontev hám taǵı da basqalar bul mashqala boyınsha ózleriniń izertlew jumısların alıp bardı. Eń kóp tarqalǵan táriyplemelerge qaray motiv bul adamdı is – háreketke iytermelewshi kúsh yamasa zárúrlik jıyındısınan ibarat. Sonday – aq motiv túsinigine alımlar tárepinen tómendegidey anıqlama berilgen: A.Maslaudıń pikiri boyınsha motiv – bul zárúrlikler jıyındısı. S.L.Rubenshteynniń pikirinshe motiv – bul zárúrliklerdi seziniw hám onıń qanaatlandırılıwı. S.L.Rubenshteyn «Motivaciya – bul psixika arqalı ámelge asırıwshı determinaciya» dese, A.N.Leontev – motivti insan iskerligine baǵdarlanǵan anıq zárúrlikler hám onı qozǵatatuǵın waqıyalıq dep esaplaydı. Usı pikirlerden kelip shıǵıp motiv – belgili zárúrliklerdi qanaatlandırıw menen baylanıslı iskerlikke iytermelewshi sebep.
Sonday – aq shaxstıń motiv sheńberi onıń zárúrliklerinde, erklik sıpatlarında hám funkcional imkaniyatlarında óz sáwleleniwin tabadı. Motivtiń dúzilisine shaxstıń baǵdarlanıwı, onıń xarakteri, emocional jaǵdayı, qábileti, ishki keshirmeleri, xızmet hám biliw processleri kiredi. Emocional keshirmeler motivlesken faktorlar sisteması menen tıǵız baylanıslı boladı. Motiv mexanizmleri shaxs sıpatların qayta qurıw, olardı rawajlandırıw procesiniń aktivlesiwi túrinde júzege shıǵadı hám sonıń menen birge insannıń kamal tabıw procesine, xızmet ortalıǵı hám sharayatı áste yamasa tez ózgeriw motivleriniń jetilisiwi, turaqlasıwı sıyaqlı faktorlar tásir etedi. Insandı miynet xızmetinde qayta tárbiyalaw hám belgili pazıyletlerdi qáliplestiriw joqarıdaǵı pikirlerdiń mazmunınan ibarat.