Texnologiya tushunchasining tarixiy jarayoni va uni ta`limga moslashtirish tushunchasi mundarija kirish I bob. Texnologiyaning rivojlanish tarixi

Mehnat tarbiyasini tashkil etishda quyidagi vazifalar hal qilinadi:

1. 
   Shaxsga mehnatning mohiyatini chuqur anglatish;
   
2. 
   O’quvchilarning bilishga bo’lgan qiziqishlarini rivojlantirish;
   
3. 
   O’quvchilarni turli mazmunga ega mehnat ko’nikma va malakalari bilan qurollantirish;
   
4. 
   O’quvchilarda mehnat faoliyatiga ijobiy munosabatni shakllantirish;
   
5. 
   O’quvchilarni nazariy bilimlarni amaliyotda qo’llashga o’rgatish;
   
6. 
   O’quvchilarda mehnatga muhabbat uyg’otish, ularni mehnatsevarlikka, tejamkorlikka o’rgatish.
   

Texnologiya ta’limi o’qituvchisi rahbarligida o’quvchilar tomonidan bajariladigan aqliy va jismoniy harakatlar jarayonidan iborat bo’lib, yakuniy natijada ularning mehnat qurollari, vositalari va jarayonlari haqidagi bilimlarini hamda ma’lum sohadagi ishlab chiqarish mehnatini bajarish uchun zarur amaliy ko’nikma va malakalarni egallashlariga ongli ravishda kasb tanlashga hamda jamiyat va shaxs farovonligi yo’lida mehnat faoliyatida ko’nikishlariga imkon beruvchi shaxsiy sifatlarni va tafakkurlarni rivojlantirishga qaratilgan o’quv fanidir.
Maktabda texnologiya ta’limidan o’tkaziladigan mashg’ulotlar quyidagi vazifalarni amalga oshirishni nazarda tutadi:
– o’quvchilarda dastlabki nazariy va amaliy mehnat tajribalarini hosil qilish, zamonaviy texnika borasidagi bilimlari doirasini yanada kengaytirish, ularda kishilar mehnati va mehnat jarayoniga nisbatan ijobiy munosabatda bo’lishga tayyorlash;
– o’ziga topshirilgan har qanday ishni uddalay bilish, mehnatning o’ziga xos madaniyati va uning nazariy asoslarini egallash, o’z ishini va o’rtoqlarining ishlarini rejalashtirish hamda tashkil eta olishga o’rgatish;
– o’quvchilarni mehnat ta’limi mashg’ulotlari jarayonida aqlli, odobli, yaxshi axloqiy sifatlar shakllangan, did-farosatli hamda jismonan sog’lom qilib tarbiyalashni amalga oshirish.
1–4 sinflarda Texnologiya ta’limi mashg’ulotlari mazmuni va usullari o’qituvchilar tomonidan insonlarning umumiy mehnat va kasb faoliyatlariga doir dastlabki mehnat ko’nikmalarini o’zlashtirishga qaratilgan. O’quvchilar har bir mehnat harakatini ongli ravishda va shu harakatdan ko’zlangan maqsadga muvofiq shaklda bajarishga o’rgatib boriladi.
1–4 sinflarda Texnologiya ta’limi darsi haftasiga 1 soatdan o’qitiladi. 1 sinfda 33 soat, 2–4 sinflarda 34 soatdan jami 1–4 sinflarda 135 soat o’qitiladi.
O’quvchilar Texnologiya ta’limini amalga oshirish uchun quyidagi tashkiliy va uslubiy vazifalarni hal qilish lozim.