Thesis · January 2022 doi: 10. 13140/RG

2.1.1-jadval Respublika umumiy sanoatining tarmoq tarkibi¹⁶

	2010	2011	2012	2013	2014	2015	2016
Sanoat - jami	100,0	100,0	100,0	100,0	100,0	100,0	100,0
Tog‘-kon sanoati va ochiq konlarni ishlash	15,0	12,7	14,7	12,7	11,0	11,1	9,6
Ishlab chiqaradigan sanoat	73,8	77,2	75,8	78,3	79,9	79,0	80,3
Elektr, gaz, bug‘ bilan ta’minlash va havoni konditsiyalash	10,7	9,5	9,0	8,4	8,5	9,2	9,4
Suv bilan ta’minlash: kanalizatsiya tizimi, chiqindilarni yig‘ish va utilizatsiya qilish	0,5	0,6	0,5	0,5	0,6	0,7	0,7

Dunyoda qayta ishlash sanoati mamlakat iqtisodiyotini rivojlantirish uchun muhim va ahamiyatga ega tarmoq sifatida qaraladi. Sanoatning kuchli qayta ishlash sektori mamlakatning texnologik qudratini ifodalaydi. Uning kamayishi yoki qisqarishi iqtisodiyotning pasayishi belgisi sifatida qaraladi. Bu esa, o‘z navbatida qayta ishlash sanoatining muhim tarmoq ekanligini va ahamiyatliligini ifodalaydi¹⁷.
Mamlakatimizda sanoatning yetakchi tarmoqlarini modernizatsiyalash va diversifikatsiyalash, xom ashyo va yarim tayyor mahsulotlarni qayta ishlashning zamonaviy texnologiyalarini joriy etish, jahon bozorida yuqori raqobatdosh bo‘lgan ishlab chiqarishlarni manzilli qo‘llab - quvvatlash, ishlab chiqarishlar tarkibida qayta ishlovchi sanoat tarmoqlarining ulushini oshirishga bo‘lgan intilishlar natijasida respublikamiz qayta ishlovchi sanoat tarmoqlari barqaror rivojlanish tendensiyasiga ega bo‘ldi.
Statistik tahlillar shuni ko‘rsatadiki, qayta ishlovchi sanoat tarmog‘i (ishlab chiqaradigan sanoat) tuzilmasida 2010 yilda to‘qimachilik, kiyim, teri mahsulotlarini ishlab chiqarish 19,7 foizni, mashina va uskunalarni ishlab chiqarish, ta’mirlash va o‘rnatish, avtotransport vositalari, treylerlar, yarim pritseplar va boshqa tayyor metall buyumlarni ishlab chiqarish 20,7 foizni hamda oziq - ovqat, ichimliklar va tamaki mahsulotlarini ishlab chiqarish 24,5 foizni tashkil etgani holda mazkur tuzilmada yetakchilikni qo‘lgan kiritgan bo‘lsa, 2016 yilga kelib ushbu tuzilmada mashina va uskunalarni ishlab chiqarish, ta’mirlash va o‘rnatish, avtotransport vositalari, treylerlar, yarim pritseplar va boshqa tayyor metall buyumlarni ishlab chiqarish 12,4 foizni, to‘qimachilik, kiyim, teri mahsulotlarini ishlab chiqarish 21,0 foizni hamda oziq-ovqat, ichimliklar va tamaki mahsulotlarini ishlab chiqarish 30,2 foizni tashkil etgani holda mazkur tuzilmada yetakchilikni saqlab qoldi (2.1.2-jadval).