Томларватомқ

Йиғма темир-бетон плиталардан ўрнатиладиган топқопламалар


3.36. Йиғма темир-бетон плиталардан ўрнатиладиган томқопламалар чордоқли томёпмаларда қўлланади ва тўлиқ заводда тайёрланган панеллардан ташкил топган бўлиб, бу панеллар бир йўла юк кўтарувчи ва гидроизоляция вазифаларини бажаради; ягона конструктив ва монтаж элемент сифатида тайёрланади.
3.37. Бажарадиган вазифасига кўра томёпманинг темир-бетон элементлари қуйидагиларга бўлинади:
- томёпма плиталари (томқоплама панеллар), улар сув оқиб кетиши учун қия юзалар (нишаблар) ҳосил қилади;
- лоток плиталари (сув йиғувчи лотоклар), сувни йиғади ва ички сув қочириш тизимига чиқариб юборади;
- қопқоқ плиталар (тирқиш беркиткичлар), улар томқоплама панелларининг туташган жойларини ўзаро ёпади ва уларни бошқа тўсувчи конструкциялар билан бириктиради.
3.38. Гидроизоляция тури ёки усулига кўра томёпманинг темир-бетон элементлари қуйидагича бажарилади:
-мастикали, бўёвчи ёки сингдириладиган таркиблигидроизоляция билан (рулонсиз томқопламалар);
- қўшимча юзаки гидроизоляциясиз барча ҳимоя вазифаларини ўтайдиган атмосферабардошбетондан (қопланмайдиган томқопламалар).
3.39. Рулонсиз томқопламанинг темир-бетон томёпма элементлари сиқилишга мустаҳкамлиги бўйича В25 дан кам бўлмаган, сув ўтказмаслик маркаси W6 дан паст бўлмаган ва совуқбардошлилиги F200 дан паст бўлмаган бетондан тайёрланади. Қопланмайдиган томқопламалар учун сиқилишга мустаҳкамлиги бўйича синфи В25 дан кам бўлмаган, сув ўтказмаслик бўйича маркаси W8 дан паст бўлмаган, совуққа бардошлилиги бўйича маркаси F300 дан паст бўлмаган, кучлантирувчи ёки одатдаги бетон қўлланиши лозим.
3.40. Одатда чордоқли томёпма бўйлама конструктив схема бўйича, томқоплама панеллари сув йиғувчи лотокларга ва чордоқнинг ташқи деворига таянтирилган ҳолда ҳал қилинади, бунда панеллар лотокларга нисбатан симметрик жойлашган бўлади.
3.41. Чордоқли томёпмалар конструкцияси ҳарорат-намлик ва сейсмик таъсирларда панеллар туташувларида ва таянч узелларда деформация эркинлигини таъминлаб бериши лозим.
3.42. Томқоплама панеллари ва сув йиғувчи лотоклар одатда қовурғали, тўсин схемаси бўйича эгиладиган, нисбий салқилиги оралиқнинг 1/200 қисмидан катта бўлмаган ҳолда лойиҳаланади. Йиғма томёпмада кесилмайдиган конструкцияларнинг қўлланишига йўл қўйилмайди.
3.43. Томёпманинг темир-бетон элементлари қуйидаги турдаги арматура билан арматураланади:

• 
  оддий – ҳўл бўладиган сиртлар конструкция кесимининг сиқилган зонасида жойлашганида;
  
• 
  олдиндан кучлантирилган – ҳўл бўладиган сиртлар конструкция кесимининг чўзилган зонасида жойлашганида.
  

3.44. Темир-бетон томёпма элементларининг мустаҳкамликка, бикирликка ва дарзбардошликка ҳисоблари 2.03.01 ҚМҚ кўрсатмаларига мувофиқ амалга оширилиши лозим.
3.45. Томёпма элементларининг ташқи (юза) қатламидаги бетонда, уни тайёрлаш, омборга жойлаш, ташиш, монтаж ва эксплуатация қилиш жараёнларида чўзувчи кучланиш ҳосил бўлишига ва бунинг оқибатида дарз пайдо бўлишига йўл қўйилмайди.
Мастикали, бўяйдиган ва сингдириладиган таркиблар билан гидроизоляцияланган томқоплама элементларида қолипдан бўшатиш пайтида дарзларнинг қисқа вақтга очилишига йўл қўйилади.

46. 
    Ишчи чизмаларда томқоплама панеллар ва сувйиғувчи новлар ҳақида қуйидагилар кўрсатилиши керак:
    

• 
  “юзи пастда” холатда тайёрланиши. Бунда томқоплама элементларининг гидроизоляцияловчи қопламали юз сирти ГОСТ 13015 бўйича А2 дан паст бўлмаган категорияга ва изоляцияланмаган юз сирти А1 дан паст бўлмаган категорига мос бўлиши;
  
• 
  тахлаш, ташиш ва монтаж қилиш фақат ишчи холатда, тўсин схемасибўйича таянтириб амалга оширилиши.
  

3.47. Рулонсиз ва қопланмайдиган томқопламали томларда нишаблар қиялиги 5% дан кам бўлмаслиги, сув йиғувчи лотокларда 2% дан кам бўлмаслиги керак.
3.48. Томқоплама панелларининг ва тирқиш беркиткичлар токчаларининг қалинлиги 40 мм дан кам бўлмаслиги, сув йиғувчи лотоклар тубининг қалинлиги эса, ҳимоя қатламининг қалинлиги 20 мм бўлганда, 60 мм дан кам бўлмаслиги керак.
3.49. Томқоплама элементларининг бир-бири билан бирикувлари ва томнинг бошқа элементлари билан туташувлари сув қочириладиган юзадан камида 80 мм юқорида жойлашиши керак.
3.50. Йиғма темир-бетон плиталардан тайёрланган томқоплама элементлари, туташиш ва бирикиш чокларининг техник ечимларининг мисоллари 4-иловада келтирилган.
3.51. Йиғма темир-бетон томқоплама элементларининг барча туташиш ва бирикиш чоклари 4.9-4.11-бандларга мувофиқ ёпилиши лозим.
3.52. Томқоплама элементлари, туташиш ва бирикиш чокларининг техник ечимлари 4-иловада келтирилган.