Topshiriq. Nutq uslublarining har biriga matn tuzish

4.Publisistik uslub .
Respublika shoshilinch tibbiy yordam ilmiy markazi Jizzax filiali hamshirasi, jizzaxlik mahallasida yashovchi L.A. bir necha hamkasbining ishonchiga kirib, ularning nomiga turli banklardan kredit rasmiylashtirib olgan, deya xabar bermoqda IIV Axborot xizmati.
Unga ko`ra, Sharof Rashidov tumanida yashovchi L.E.ning nomiga 10 million so`m, G.R.ning nomiga ikkita bankdan 38 million so`m, T.B.ning nomiga 11 million so`m va Jizzax shahrining Olmazor mahallasida yashovchi G.J.ning nomiga esa 16 million so`m kredit olib, o`zining shaxsiy ehtiyojlari uchun ishlatib yuborgan.

5.Badiy uslub .
Qaro ko‘zum, kel-u, mardumliq emdi fan qilg‘il, Ko‘zum qarosida mardum kibi vatan qilg‘il. Yuzung guliga ko‘ngul ravzasin yasa gulshan, Qading niholig‘a jon gulshanin chaman qilg‘il. Takovaringg‘a bag‘ir qonidin hino bog‘la, Itingg‘a g‘amzada jon rishtasin rasan qilg‘il. Firoq tog‘ida topilsa, tufroqim, ey charx, Xamir etib yana ul tog‘da ko‘hkan qilg‘il. Yuzung visolig‘a yetsun desang ko‘ngullarni, Sochingni boshtin-ayoq chin ila shikan qilg‘il. Xazon sipohig‘a, ey bog‘bon, emas mone’, Bu bog‘ tomida gar ignadin tikan qilg‘il. Yuzida terni ko‘rub, o‘lsam, ey rafiq, meni Gulob ila yuv-u, gul bargidin kafan qilg‘il. Navoiy, anjumane shavqi jon aro tuzsang, Aning boshoqliq o‘qin sham’i anjuman qilg‘il.
Esse
O‘zbekiston kelajagi mening tasavvurimda
Har bir xalq, millat hamisha erkin yashashni xohlaydi va shunga intiladi. O’zbek xalqi ham o’zining ko’p yillik orzusiga 1991- yil 31-avgustda erishdi. Mustaqillik xalqning asrlar davomida ro’yobga chiqmagan orzu-maqsadlarining amalga oshishiga yo’l ochib berdi,/ Shunday orzularimizdan biri — ona tilimizning Davlat maqomiga ega bo’lishi edi. Garchand «Davlat tili haqida»gi Qonun mustaqillikgacha qabul qilingan bo’lsa-da, istiqlol yillarida ona tilimizning rivojlanishiga keng imkpniyatlar yaratildi, uni o’rganishga e’tibor ortdi.
Vatan sajdagoh kabi muqaddasdir. Vatan ostonadan boshlanadi. Vatan— bu oila, men tug’ilib voyaga yetgan go’sha, qo’ni-qo’shni, mahalla, qishloq, maktab, qo’yinki, men yashab turgan zamindagi hamma-hamma narsaj Vatanni onaga qiyoslaydilajci Onaning muqaddasligini la’riflashga so’z ojizlik qiladi. Shuning uchun ham Vatanni e’zozlab, uning har bir qarich tuprog’ini muqaddas bilamiz. Uning ravnaqi, tinchligi uchun hissa qo’shish, hamisha ogoh bo’lib yashash, ichki va tashqi dushmanlardan asrashni burchimiz deb bilamiz.
Har bir xalq o’z Vatanini nechun sevadi? Yer yuzida shunday yurtlar borki, yil — o’n ikki oy yoz bo’lmaydi yoki aksincha. O’shan-day yurtlarda yashovchilar ham Vatanini boshqa yurtga alishmaydilar. Nima uchun? Chunki bu yerda Vatan tuyg’usi, degan buyuk bir tushuncha bor. Har kimning kindik qoni to’kilgan joy — muqaddas, uning Vatani hisoblanadi. Mana shu tuyg’u bilan biz O’zbekistonni sevamiz.
O’zbekiston — tabiiy boyliklarga serob diyor. Bu boyliklarni asrab-avaylash har birimizning burchimizdir. Istiqlol davrida sanoatni, tadbirkorlikni rivojlantirishga katta e’tibor qaratilmoqdaj Xorij sarmoyalarini jalb etgan holda qo’shma korxonalar qurilmoqda. Tayyor mahsulotlar ishlab chiqarish, eksportni yo’lga qo’yishga harakat qilinmoqda. Tarixdan bilamizki, har bir davrning ijodkorlari Vatanni kuylashgan, madh etishgan. Mustaqillik yillarida istiqlol madh etilgan bir qator asarlar yaratildi.
O’zbekiston — kelajagi buyuk davlat. Uni biz har qadamda, yurti-mizning har kunlik faoliyatida sezib, ko’rib turibmiz. O’zbekistonning kelajagi ko’p jihatdan biz yoshlarning tarbiyasiga, barkamol avlod bo’lib yetishishimizga bog’liq. Shu ma’noda, milliy istiqlol g’oyasini qalbimiz va ongimiz bilan his etishimiz, milliy qadriyatlarni, tariximizni sevib o’rganishimiz, ularga sodiq bo’lishimiz kerak bo’ladi. Vatanni seving, ardoqlang. Chunki u ona kabi muqaddasdir!
Xulosa qilib aytganda , xalqimizning iqtisodiy va ma`naviy jihatdan yuksalishi , vatanimizda yashayotgan har bir fuqarolarning vatanga bo`lgan chuqur hurmati bilan ham belgilanadi . Biz O’zbekiston fuqarosi sifatida mamlakatimizda amalga oshirilayotgan katta o’zgarishlarda o’zimizning ham hissamiz borligini doimo his qilib turamiz. Bu esa bizni jamiyat hayotida yanada faol ishtirok etishga, o’z Vatanimizning haqiqiy vatanparvari, ongli fuqarosi bo’lishga da’vat etadi.
Biz Vatanimizni qanchalik sevsak , uning xususiyatlari shunchalik ortadi , bu yorug` olamda yurtning betakror va yagona ekanini his qilamiz , uning timsolida o`zimizni , o`z baxt iqbolimizni ko`ramiz !