Topshiriq Quyidagi vaziyatli holatni o‘qib chiqib berilgan har bir savolga to‘liq va aniq javoblaringizni bayon eting. Topshiriq pdf shaklida yuklanishi zarur. Baholash me’zoni

---

Topshiriq 
Quyidagi vaziyatli holatni o‘qib chiqib berilgan har bir savolga to‘liq va aniq javoblaringizni 
bayon eting. Topshiriq pdf shaklida yuklanishi zarur. 

Baholash me’zoni: 
Topshiriq har bir savolga berilgan javoblar qanday darajada atroflicha keng yoritilganligi 
hamda berilgan yechim va mulohazalarning amaliy ahamiyatiga qarab baholanadi. 
 
Qat’iy akademik qoidalar: 
1. Topshiriqni berilgan muddatda o‘z vaqtida topshirish talab etiladi. Berilgan muddat 
davomida topshiriq bajarilib yuklanmagan hollarda, qo‘shimcha imkoniyat taqdim 
etilmaydi. (Rasmiy ruxsat berilgan hollar bundan mustasno) 
2. Topshiriqni bajarish davomida ko‘chirish yoki ko‘chirtirish holatlari aniqlansa, 
ko‘chirgan va ko‘chirtirgan talabalarning barchasiga 0 ball va rasmiy ogohlantirish 
beriladi. Bunday holat qayta takrorlangan holatlarda umumiy fan uchun F (fail) 
qo‘yiladi va talaba(lar) fanni o‘zlashtirmagan deb hisoblanadi.
 
CASE STUDY 
Starbucks bosh direktori bo'lganidan bir yil o'tgach, Kevin Jonson Filadelfiyadagi 
Starbucks (qahvaxona) shahobchasida ikki qora tanli erkak hibsga olinganida yetakchilik 
sinoviga duch keldi. Erkaklar biznes hamkori bilan uchrashishni kutishgan, ammo 
kutishayotganda ular hech narsa sotib olishmagan. Do‘kon menejeri ulardan ketishni so‘ragan va 
ular u yerda kimdir bilan uchrashish uchun kelganliklarini tushuntirib, rad etishgan. Erkaklar 
ketishdan bosh tortgani uchun menejer politsiyani chaqirgan va politsiya ularni hibsga olgan. 
Ushbu holat Starbucks da o‘tigan boshqa bir mijoz tarafidan mobil telefoniga yozib olinib 
ijtimoiy tarmoqlarga joylagan va bu tarmoqda tez tarqalgan. Hibsga olingandan keyin bergan 
intervyusida videoni olgan ayol u yerda bir muddat o‘tirganini va hech narsa buyurmagan bo'lsa 
ham, undan hech kim chiqib ketishni so'ramaganini aytadi. Bundan tashqari, videoda qora tanli 
erkaklarning biznes sherigi hibsga olinganda paydo bo'lganligi va u menejer va politsiyadan 
erkaklar nima xato qilganini so'raganligi ham aks etgan. Keng jamoatchilik va hibsga guvoh 
bo‘lganlar buni kamsitish va irqchilik deb atadi. 
Bu payshanba kuni sodir bo‘ldi va keyingi dushanba kuni Jonson o‘sha menejer endi 
Starbucksda ishlamasligini aytdi. Hibsga olishlar norozilik namoyishlariga va voqeadan keyingi 
kunlarda Filadelfiya Starbucksda mijozlar kelib o‘tirib olib hech narsa buyurtma qilmaslik 
holatiga olib keldi. 
Ushbu voqeadan ko'p o'tmay Jonson videomurojaat orqali uzr so‘rab chiqdi va shunday 
dedi:
"Mijozlar tomonidan suratga olingan videoni tomosha qilish juda qiyin va undagi 
harakatlar bizning Starbucks missiyamiz va qadriyatlarimizni aks ettirmaydi. Har bir 
do'kon uchun ham xavfsiz, ham hamma uchun qulay muhit yaratish muhim ahamiyatga 

---

ega. Afsuski, bizning amaliyotimiz va mashg'ulotlarimiz yomon oqibatlarga olib keldi - 
Filadelfiya politsiya bo'limiga qo'ng'iroq qilish uchun asos noto'g'ri edi ". 
Voqea sodir bo'lgunga qadar Starbucks mijozlarni tark etishni so‘rash bo‘yicha kompaniya 
hech qanday siyosatga ega emas edi va qaror chiqarish har bir do‘kon menejerining ixtiyorida 
edi. Ushbu moslashuvchan siyosat tufayli Starbucks har kim pul sarflamasdan o‘tirishi mumkin 
bo'lgan joy sifatida jamoat markaziga aylangan edi. Jonson Starbucks "hamma uchun ham 
xavfsiz, ham mehmondo'st" muhit yaratish uchun ishlayotganini eslatib o'tdi… 
Vaziyat bo‘yicha savollar: 
1. Filadelfiya Starbucks voqeasidan keyin Kevin Jonson duch kelgan asosiy yetakchilik 
muammolari qanday? 
2. Voqea Starbucksning kompaniya sifatidagi obro‘siga ta’sirini qanday ta’riflagan 
bo‘lardingiz? 
3. Sizningcha, hodisaning asl sabablari nimada va bu holatni qanday qilib oldini olish 
mumkin edi? 
4. Starbucks voqeani hal qilish uchun qanday aniq harakatlarni amalga oshirishi kerak deb 
o‘ylaysiz va bu harakatlar asosiy muammolarni hal qilishda qanchalik samarali bo‘ladi? 
5. Voqeadan qanday saboq olish mumkin va boshqa kompaniyalar kelajakda shunga 
o'xshash hodisalardan qanday qochishlari mumkin? 
6. Voqeadan keyin ijtimoiy tarmoqlar qanday rol o‘ynadi va bu kompaniyalar va ularning 
jamoatchilik bilan aloqalar strategiyalariga qanday ta’sir ko‘rsatadi? 
7. Voqea qanday axloqiy mulohazalar bilan bog‘liq va kompaniyalar mijozlar xavfsizligi, 
xodimlarning ixtiyori va jamoatchilik bilan aloqalar muammolari kabi raqobatdosh 
manfaatlarni qanday muvozanatlashi kerak? 
8. Voqea Starbucksning xilma-xillik va inklyuzivlik tashabbuslariga qanday ta’sir qildi va 
kompaniya o‘z do‘konlari barcha mijozlar uchun mehmondo‘st va inklyuziv bo‘lishini 
ta’minlash uchun qanday choralar ko‘rishi mumkin?