Тошкент-2020 umumiy pedagogika (pedagogika nazariyasi)

1-topshiriq. “Fuqarolik insonga nima uchun kerak?” mavzusidagi munozarani o‘tkazishga doir ko‘rsatmalar

1. 
   O‘qituvchi savolni muhokama qilish uchun o‘rtaga tashlaydi va o‘ylash uchun bir daqiqa vaqt beradi.
   
2. 
   Talabalarning javoblari tinglanadi va doskaga ketma-ketlikda yozib boriladi. Garchi takrorlanish holati mavjud bo‘lsa ham, mazkur holatda hamma javoblarning yozib borilishi talab etiladi,.
   
3. 
   Hamma o‘z fikrini bildirib bo‘lgach, o‘qituvchi doskaga yozilganlarini talabalar bilan birgalikda muhokama qiladi va to‘g‘ri javoblar ajratib olinadi.
   

2-topshiriq. Fuqarolik tarbiyasining maqsad va vazifalariga doir blits-so‘rov savollari

1. 
   Fuqaro deganda nima tushuniladi?
   
2. 
   “Fuqaro”, “fuqaroligi bo‘lmagan shaxs” va “chet el fuqarosi” tushunchalariga izoh bering.
   
3. 
   Fuqarolik nima?
   
4. 
   Kimlar O‘zbekiston Respublikasi fuqarolari bo‘la oladi?
   
5. 
   Fuqarolarning burchlariga nimalar kiradi?
   
6. 
   Fuqarolarning majburiyatlari nimalardan iborat?
   
7. 
   Fuqarolarning ma’suliyati nimalardan iborat?
   
8. 
   Fuqarolik tarbiyasi deganda nimani tushunasiz?
   
9. 
   Fuqarolik tarbiyasining maqsadi nima?
   
10. 
    Fuqarolik tarbiyasining vazifalari nimalardan iborat?
    

3-topshiriq. Vatanparvarlik va baynalmilal tarbiyasining ijtimoiy ahamiyatiga oid topshiriqlar


3.1-topshiriq. “Vatanparvarlik, baynalmilallik va harbiy vatanparvarlik” mavzusida sayohat metodini tashkil etish va o‘tkazishga doir ko‘rsatmalar

1. 
   Talabalar uch guruhga bo‘linadilar hamda ularga “vatanparvarlik”, “baynalmilallik” va “harbiy vatanparvarlik” mavzusiga doir ijodiy ish tayyorlash vazifasi topshiriladi;
   
2. 
   Guruhlarda ishlash uchun vatman qog‘ozi, marker va skoch kabi jihozlar taqdim etiladi.
   
3. 
   Guruhlarda ishlash tartibini o‘qituvchi boshqarib borishi va talabalarning har birining ishtirokini ta’minlashi zarur.
   
4. 
   Talabalar ularga berilgan mavzu bo‘yicha ijodiy ishni tayyorlab bo‘lganlaridan so‘ng, uning taqdimotini amalga oshirishadi.