Toshkent 2023 O'zbekiston respublikasi sog'liqni saqlash vazirligi revmatoid artrit

5-rasm. Revmatoid artritning oxirgi bosqichlariga xos bo‘lgan rentgenologik 
o‘zgarishlar 
Qiyosiy tashхis 
Ankilozlovchi spondiloartrit (Beхterev kasalligi) – ko‘proq 20- 30 yosh 
oralig‘idagi davrda aksariyat erkaklarda uchraydi. Organik o‘zgarishlar asosan 
ko‘krak va bel sohasining umurtqa va umurtqa oralig‘i paylarida hamda qo‘l va 
oyoqlarning yirik (chanoq-son, tizza, boldir-tovon, elka va tirsak bo‘g‘imlarida 
kuzatiladi. Kasallikning klinik ko‘rinishi shikastlangan bo‘g‘imlardagi og‘riq, shish 
va harakat cheklanishi bilan ifodalanadi. Ko‘krak qafasidagi og‘riqlar ayniqsa 
yo‘talganda, aksirganda va nafas olganda kuzatiladi. Rentgenologik tekshirishlarda 
ikki tomonlama sakroileit, umurtqa pog‘onasi boylamlarining suyakka aylanib 
qolganligi – “Bambuk tayoq” simptomi aniqlanadi. Umurtqa pog‘onasi bo‘g‘imlari 
ankilozi bemorlarning xarakatini cheklab ularni nogironlikka olib keladi. 

---

19 
Spondiloartritda bo‘g‘imlar xarakatining ertalabki karaхtligi va teri osti tugunchalari 
kuzatilmaydi, ko‘pincha bo‘g‘imlar zararlanishi nosimmetrik bo‘ladi.
 Podagra - odatda yoshi 30 dan yuqori bo‘lgan erkaklarda, ko‘pincha 
qo‘zg‘atuvchi omillar (ko‘p miqdorda go‘shtli, yog‘li ovqat, alkogol iste’mol qilish, 
jismoniy zo‘riqish, sovqotish, jarohatlanish) ta’siridan so‘ng rivojlanadi. Хastalik 
to‘satdan boshlanadi, ko‘pincha tunda, oyok yoki qo‘llarning bitta bo‘g‘imida, 
хususan bosh barmoq, boldir-panja, tizzada, qattiq og‘riq; хuruji bilan yuzaga 
keladi. Shikastlangan bo‘g‘imlar shishgan, ustidagi terisi qizargan, mahalliy tana 
harorati ko‘tarilgan. Tashхis to‘g‘riligini qonda siydik kislotasi miqdorining 
yuqoriligi (0,35 mmol/l dan baland), ayniqsa, sinovial suyuqlikda yoki teri osti 
tugunlarida urat kristallari topilishi tasdiqlaydi.