Toshkent amaliy fanlar universiteti «tasdiqlayman»

Amaliyot natijalarini yakunlash va hisobotni himoya qilish
O‘quv-tanishuv malakaviy amaliyoti bo‘yicha yozilgan hisobot talaba tomonidan imzolanishi, amaliyot tugaganidan keyin belgilangan kundan kechiktirmasdan «Iqtisodiyot» kafedrasiga topshirilishi lozim. Hisobot bilan birga dastur, kundalik ham qo‘shib topshiriladi. O‘quv-tanishuv malakaviy amaliyoti bo‘yicha yozilgan hisobot topshirilgandan so‘ng kafedra mudiri tomonidan belgilangan rahbar ushbu hisobotni tekshirib, ijobiy baholangan taqrizini bergandan keyin, agarda, unda kamchiliklar ko‘rsatilgan bo‘lsa, ushbu kamchiliklar bartaraf etilishi shart. Hisobot tavsifnoma va xulosa bilan «Iqtisodiyot» kafedrasiga taqdim qilinadi. Ijobiy xulosa va taqrizga ega bo‘lgan hisobot kafedra professor-o‘qituvchilarning fikr-mulohazalarini inobatga olgan holda himoya qilishga qo‘yiladi.
O‘quv-tanishuv malakaviy amaliyoti bo‘yicha yozilgan hisobotni tekshirish va himoya qilish kafedra tomonidan belgilangan muddatda tuzilgan komissiya tomonidan o‘tkaziladi. Amaliyot 100 ballik tizim bo‘yicha baholanadi.
Amaliyot davrida talaba belgilangan tartibga rioya qilmasa, mehnat qonunchiligida belgilangan tartibga bo‘ysunmasa, universitetishki tartibini buzsa amaliyot rahbari universitet rektori nomiga bildirgi yozishga haqlidir.