Тошкент давлат иқтисодиёт университети ҳузуридаги илмий даражалар берувчи dsc

Тадқиқотнинг амалий натижалари қуйидагилардан иборат: 
транспорт хизматлари бозори хусусиятидан келиб чиқиб, маркетинг 
коммуникациялари тушунчасининг таърифи такомиллаштирилган; 
мақсадли сегментларга йўналтирилган маркетинг коммуникация 
воситаларини танлашга таъсир этувчи омиллар гуруҳларга ажратилган; 
йўловчи ташиш хизматлари бозоридаги истеъмолчилар хулқ-атвори 
ўзгаришига тезкор муносабат билдириш, маркетинг коммуникация 
жараёнларини назорат қилиш ва уларни таҳлил қилиш имконини берувчи 
маркетинг коммуникацияларини амалга ошириш алгоритми таклиф этилган; 
истеъмолчилар хулқ-атвори, географик жойлашуви ва даромадларини 
инобатга олган ҳолда йўловчи ташиш хизматлари фойдаланувчиларини 
мақсадли сегментларга тақсимлаш таклиф этилган; 
Тадқиқот натижаларининг ишончлилиги тадқиқот натижаларининг 
ишончлилиги уларни шаффофли иқтисодчи олимларнинг маркетинг 
тамойиллари борасидаги илмий-назарий фикрларини қиёсий ва танқидий 
таҳлил қилиш, Ўзбекистон Республикаси Давлат статистика қўмитаси, 
«Ўзтемирйўлйўловчи» АЖнинг статистик ва бухгалтерия ҳисоботлари, 
муаллифнинг маркетинг тадқиқотлари ҳамда бошқа расман эълон қилинган 
амалий маълумотлар таҳлилига асосланганлиги билан белгиланади. 
Тадқиқот натижаларининг илмий ва амалий аҳамияти. Тадқиқот 
ишининг илмий аҳамияти йўловчи ташиш хизматлари бозорини мақсадли 
сегментлаш ҳамда маркетинг коммуникация сиёсатини ишлаб чиқиш, 
транспорт корхоналарининг маркетинг коммуникация сиёсати дастурларини 
шакллантириш, истеъмолчилар билан коммуникацион алоқалар ўрнатиш 
тизимини яратишга бағишланган илмий тадқиқотларни амалга оширишда 
фойдаланиш мумкинлиги билан изоҳланади. 
Тадқиқотнинг амалий аҳамияти транспорт корхоналарида истиқболли 
маркетинг коммуникация дастурларини ишлаб чиқиш, мамлакат йўловчи 
ташиш салоҳиятини ошириш борасида қабул қилинаётган қарорлар ҳамда 
темир йўл транспорт фаолиятини ривожлантириш самарадорлигини оширишда 
қўллаш мумкинлиги билан белгиланади.