Toshkent farmatsevtika instituti dori vositalarining sanoat texnologiyasi

Tubatinalar.  Bu  maxsus  bolalar  amaliyotida  ishlatiladigan  dori  shakli  bo‗lib,  bo‗yni 
cho‗zinchoq  yumshoq  kapsulalardir.  Tabletka  yuta  olmaydigan  yosh  bolalar  tubatinaning 
bo‗ynini tishlab teshadi va uning chichdagi dori moddasini so‗rib oladi.  
Spansulalar.  Bu  qattiq  kapsulalar  turiga  kirib,  uning  tarkibidagi  dori  moddasi  turli  xil 
vaqtlarda  erishini  ta‘minlovchi  moyli  qobiqlar  bilan  qoplangan  mikrokapsulalar  yoki 
mikrodrajelar aralashmasidan iborat. 
Medulalar.  Qattiq  jelatina  kapsulalari  bo‗lib,  tarkibida  plyonka  bilan  qoplangan 
mikrokapsulalardan iborat.  
Spansula va medulalarning tarkibiga 3, 4 hatto 5 ta turdagi, har xil qobiq bilan qoplangan 
mikrokapsuslalarni  joylashtirish  mumkin.  Bu  yadroni  erish  vaqtini  uzaytirishi  bilan  dori 
moddasining ta‘sirini uzaytiradi. 
Keyingi  paytlarda  chaynash  uchun  mo‗ljallangan  yumshoq  elastik  kapsulalarni  ishlab 
chiqarish ham yo‗lga qo‗yilmoqda.      
Rektal kapsulalar to‗g‗ri ichak shilliq qavatida yuqori so‗rilish darajasiga ega bo‗lib, dori 
moddasini  boshqa  ta‘sirlarga  uchramasdan  yuqori  biosmaradorlikka  erishishiga  olib  keladi.  Bu 
kapsulalar ichak shilliq qavatiga hech qanday zararli ta‘sir ko‗rsatmaydi.   
Jelatin  kapsulalarning  sifati  uning  tarkibidagi  plenka  xosil  qiluvchilarning  tabiati  va 
miqdoriga  qarab  belgilanadi.  Bugungi  kunda  ularning  50  dan  ortiq  turlari  sanoat  miqyosida 
kapsula  ishlab  chiqarishda  ishlatilmoqda.  Masalan,  jelatin,  zein,  moylar,  parafin,  etilsellyuloza, 
metilsellyuloza,  polietilen,  neylon,  polivinilxlorid  va  boshqalar.  Kapsulalarni  olish  uchun  xom 
ashyo sifatida asosan jelatin ishlatiladi.   
Saqlanishi:  belgilangan  saqlanish  muddatini  ta‘minlaydigan  qaodoqlarda,  zarur  bo‗lsa 
sovuq joylarda saqlanadi. 
Jelatinaning olinishi 
 
Jelatinni  kapsula  olishda  qo‗llanilishining  asosiy  sababi  uning  suvli  eritmasi,  sovushi 
natijasida  qattiq  gelga  (lotincha  gelare  –  qotish)  aylanish  qobiliyatiga  ega  ekanligidadir.  U 
kollagen saqlovchi turli xil xom ashyolardan, ayniqsa yirik shoxli qoramolning suyak, tog‗ay va 
chayirlari va cho‗chqaning terisidan 2 xil usul, ya‘ni kislotali va ishqorli usullarni qo‗llash orqali 
olinadi. Ular bir-biridan izoelektrik nuqtalar (pH 7,0-9,0 va pH 4,7-5,0) bilan farqlanib, kislotali 
usulda olingan mahsulot jelatin ―A‖ va ishqorli usulda olingan mahsulot jelatin ―B‖ nomi bilan 
ma‘lum.  Jelatin  ―A‖  samaradorligi  yuqori  bo‗lsada  (yuqori  qattiqlikka  va  qovushqoqlikka  ega 
bo‗lgan  eritma  hosil  qiladi),  ishlab  chiqarish  amaliyotida  ko‗proq  jelatin  ―B‖  ishlatiladi.  Xom 
ashyo  turiga  va  olinish  usullariga  ko‗ra  jelatinni  fizik-kimyoviy  xossalari  o‗zgaradi.  Tashqi 
ko‗rinishi  bilan  u  rangsiz  yoki  sarg‗ish-tovlanuvchan,  xidsiz,  mazasiz,  egiluvchan  mayda 

47 
 
plastinkalar holida bo‗ladi. Jelatin kollagenni gidroliz mahsulotining bir qismi bo‗lib, uning oqsil 
molekulasining  asosida  19  ta  aminokislotadan  iborat,  polipeptid  zanjir  bo‗lib,  uning  tipik 
vakillari glitsin, prolin, oksiprolin, arginin, lizin, glyutamin kislotasi va boshqalar. U o‗zidan bir 
butun moddani tashkil  qilmasdan, 25 tagacha qovushqoqligi va 2 ta modifikatsiya b-zol-shakl va 
v-gel-shakllari  bilan  farqlanuvchi  fraksiyalar  sistemasidan  iboratdir.  Jelatin  makromolekulasi 
oddiy sharoitda tayoqchasimon vintli spiral shaklli bo‗lib, uning vitkalari vodorod bog‗lari bilan 
bog‗langan.  Haroratni  oshishi  bilan  vodorod  bog‗lari  uzilib,  tartibsiz  to‗pcha  hosil  qiladi, 
natijada oqsil cho‗kmaga tushadi. Harorat, muhit rN qiymati, erituvchi, eritmaning ion kuchalari 
o‗zgarishi hisobiga b-zol-shakl v-gel shaklga,  v-gel-shakl b-zol-shaklga o‗tib turadi, bu jarayon 
qaytardir.  20-25
0
S  haroratda  hosil  bo‗ladigan  molekulaning  spiral  shakli,  eritma  strukturaning 
qovushqoqligi va uning ivish xossasini ta‘minlaydi. Eritma haroratini 35-40
0
S gacha ko‗tarilishi, 
uning Nyuton suyuqligi xusutini
 
paydo qiladi.  
 
―Jelatin. Tibbiyot sanoatida ishlatish uchun xom ashyo‖ asosiy ko‗rsatkichlari keltirilgan 
DST 11293-89 bilan tasdiqlangan. 
Jelatina massasini tayyorlash. 
 
Jelatina  massasi  kapsulaning  sifatini  belgilovchi  asosiy  omil  bo‗lib  hisoblanadi.  Jelatin 
massasining asosiy tarkibi kapsulaning turiga qarab, turli miqdordagi jelatin, glitserin va suvdan 
iborat.  Qattiq  kapsulalar  uchun  massa  tarkibidagi  glitserinni  0,3%  gacha,  yumshoq  kapsulalar 
uchun  esa  u  20-25%  gacha  bo‗lgan  miqdori  tashkil  qiladi.  Massaning  tarkibiga  tibbiyot 
amaliyotida ishlatishga ruxsat etilgan turli xil yordamchi moddalar plastifikatorlar, bo‗yovchilar, 
aromatizatorlar, konservantlar va boshqalar qo‗shilishi mumkin. Plastifikatorlar kapsula umumiy 
massasiga nisbatan 50% gacha qo‗shilishi mumkin. Bu maqsadda sorbit, polietilensorbit (3-15%) 
oksietilen  bilan  (4-40%),  geksantropol,  polietilenglikol,  glitserin  va  boshqalar  ishlatiladi. 
Bo‗yovchi  moddalar  kapsulalarga  estetik  ko‗rinish,  xar  xil  nomdagi  kapsulalarni  bir-biridan 
ajratish uchun qo‗llaniladi. Bu maqsadda kelib chiqishi tabiiy bo‗lgan karmin kislotasi, xlorofil, 
nordon amarant  (qizil rang), v-karotin, noorganik bo‗lgan pigmentlar: sariq, qizil va qora temir 
oksidlari,  titan  II  oksidi  (oq  rang),  shuningdek  tibbiyot  amaliyotida  ishlatishga  ruxsat  etilgan 
organik  bo‗yoqlar  eritrozin  (qizil  rang),  tartrazin  (sariq  rang),  indigotindan  (ko‗k  rang) 
foydalaniladi.  Ularning  miqdori  bitta  kapsulada  50  mkg  dan  oshmasligi  kerak.  Qobiqni 
mikroblarga  qarshi  turg‗unligini  oshirish  uchun  konservantlardan  foylalaniladi.  Bu  maqsadda 
metil-  va  etilparaben  aralashmalari  (nipagin  i  nipazol)  (7:3  aralashmasidan  0,1-0,5%), 
shuningdek salitsil va sorbin kislotalarining ba‘zibir xosilalari (0,12% gacha), kaliy metabisulfit 
(0,2% gacha), benzoy kislotasi va natriy benzoat (0,05-0,1%) lardan foydalaniladi. 
 YUmshoq jelatin kapsulalarni 3 xil usulda tayyorlanadi: tomchilash, botirib olish va presslash. 
Tomchilash usulida yumshoq jelatin kapsulalarini olinishi. 
Tomchilash  usulida  yumshoq  jelatin  kapsulalarni  olishni  birinchi  marta  Gollandiyaning 
―Globex‖  firmasi  tomonidan  taklif  qilindi.  Bu  usul  ikkita  dozalovchi  forsunka  yordamida  bir 
vaqtning  o‗zida  jelatin  tomchisini  hosil  qilib,  ichiga  suyuq  dori  moddasini  joylashiga 
asoslangandir.  
Bir  vaqtning  o‗zida  suyultirilgan  jelatina  massasi  (2)  va  dozalovchi  qurilma  (3) 
tomonidan o‗tadigan dori moddasi (1) qizdirilgan truba yo‗li orqali koniksimon forsunkali truba 
shaklidagi  jixlerli  bo‗limga  (4)  o‗tib,  kapsulalar  ikki  fazali  konsentrik  oqim  natijasida  to‗ladi. 
Pulsator  (5)  yordamida  kapsulalar  ajratiladi  va  o‗zida  aylanuvchi  tizimli  kapsulalarga  shakl 
beruvchi,  ularni  sovutuvchi  va  aralashtiruvchi  sovutgichga  (7)  uzatiladi.  Kerakli  bo‗lgan 
sovuqlik maxsus nasos orqali ta‘minlanadi(6). 
SHakl  berilgan  kapsulalar  +14
0
S  xaroratgacha  sovutilgan  vazelin  moyi,  +4
0
S 
xaroratgacha  sovutilgan  zaytun  moyi  yoki  suyuq  parafinga  (8)  tushiriladi  va  kapsulalar 
sharsimon  shaklga  keladi.  Kapsulalar  vazelin  moyidan  ajratiladi,  yuqiladi  va  maxsus 
kameralarda  quritiladi.  Kameradagi  havo  oqimining  tezligi  kapsula  qobig‗idagi  namlikni 
yo‗qotish uchun 3 m/s bo‗lishi kerak.  

48 
 
Bu  usul  to‗la  avtomatlashtirilganligi  va  yuqori  samaradorligi  (soatiga  28000-100000), 
jelatinani  kam  sarflanishi,  chiroyli  tashqi  ko‗rinishi  hamda  gigienikligi  bilan  ahamiyatli. 
To‗ldirigan kapsulalardagi dori moddalarning miqdoridagi chetlanish ± 3%.  
YUqoridagi  afzalliklarga qaramay bu usul universal  hisoblanmaydi.  Bu usulda og‗irligi 
300  mg  dan  to  mikrokapsulalargacha  bo‗lgan,  shuningdek  zichligi  va  qovushqoqligi  moylarga 
yaqin  bo‗lmagan  dori  moddalar  yoki  ularning  eritmalaridan  yumshoq  jelatin  kapsulalarni 
tayyorlash imkoni kam.  
Bu usulda asosan yog‗da eriydigan A, E, D va K vitaminlari, shuningdek nitroglitserin va 
validol  eritmalari  kapsulalarini  tayyorlash  juda  qulay.  Bu  usulda  olingan  kapsulalar,  ularda 
choklarining yo‗qligi sabali boshqa usulda olingan kapsulalardan oson farqlash mumkin.   
Presslash usuli yumshoq jelatin kapsulalarni olish. 
  
Bu usulning mohiyati oldindan jelatin-glitserinli massadan iborat jelatina tasmasini 
tayyorlash va undan kapsulalarni preslashga asoslangan. Bu usulda oligan kapsulalar o‗zlarida 
gorizontal choklarini bo‗lishi bilan farqlanadi. Bu usulda kapsulalar olish uchun bir necha 
liniyalar mavjud bo‗lib, ular Germaniyaning ―KS-4‖, AQSH ning  ―Scherer‖, Angliyaning 
―Accogel Lederle‖ rusumli liniyalaridir.  
 
Bu  usulda  kapsulalar  ishlab  chiqarishga  mo‗ljallangan  dastlabki  qurilmalar 
kapsulalarning yarim hajmiga mos keluvchi qoliplardan iborat bo‗lgan. 
Oldindan  tayyorlangan  jelatina  tasmasi  suv  bug‗i  (45-55
0
S)  yordamida  qizdirilgan 
qolipga  joylashtiriladi  (B-rasm).  Natijada  tasma  sekin  astalik  bilan  yumshab  qolip  shaklini 
egallaydi,  so‗ng  hosil  bo‗lgan  jelatina  kapsulasining  yarmi  dori  moddasi  bilan  to‗ldiriladi. 
Ustidan  ikkinchi  jelatina  tasmasi  joylashtirilib,  qolipning  ikkinchi  qismi  bilan  berkitiladi  va 
presslanadi. Natijada aylana bo‗yicha chok hosil bo‗ladi.  
Bu qurilmaning ishlab chiqarish samaradorligi kam bo‗lganligi uchun oshqa turdagi 
takomillashtirilgan qurilmaga almashtirilgan.  
Amerikalik muxandis R.I.SHerer  yuqoridagi  qurilmani,  ikkita o‗zaro bir-biriga qarama-
qarshi tomonga aylanadigan qoliplar bilan ta‘minlangan barabanli presslarga almashtirgan.  
Qattiq  jelatin  kapsulalari  asosan  botirib  olish,  shuningdek  presslash  usullida  ham 
tayyorlanadi.   
YUmshoq  jelatin  kapusulalarini  botirib  olish  usuli  bo‗yicha  tayyorlash  (Gorkiy  KFZ 
usuli): 
Jelatin eritmasini tayyorlash 
Jelatin  massasini  yakorli  aralashtirgich  (25-30  ayl/daq)  bilan  jihozlangan  par  qo‗ylakli 
sirlangan  reaktorlarda  tayyorlanadi.  Bakterialar  va  zamburug‗larga  turg‗un  bo‗lgan  jelatin 
massasini olish uchun bino oyiga 2 marta,asbob-uskuna va apparatlar esa ish boshlashdan oldin 1 
soat davomida kuchli par bilan 1 soatdan sterilizatsiya qilinadi.   
 
 
 
 
 
 
 
 
 

49 
 
9-ma‘ruza. YUmshoq dori shakllari. Ularni tayyorlashda ishlatiladigan  
yordamchi moddalar. 
 
Reja 
1. YUmshoq dori shakllari (YUDSH), ya‘ni surtma, liniment, krem, pasta va gellar, ularni TDV 
orasida tutgan o‗rni  
2. YUDSHning ta‘rifi, tavsifi va tasnifi. 
3. YUDSH tayyorlashda ishlatiladigan yordamchi moddalar 
4. YUDSH tayyorlashda ishlatiladigan asoslar va ularning tasnifi 
 
Surtmalar  (Unguenta)  –  yumshoq  dori  shakllari  bo‗lib,  asosan  maxalliy  ishlatish  uchun 
mo‗ljallangan.  Ularning  dispers  muhitlari  shunday  reologik  (etarli  qovushqoqlik,  plastiklik  va 
psevdoplastik)  ko‗rsatkichlarga  egaki,  uning  natijasida  surtmalar  belgilangan  haroratda  ham 
o‗zining turg‗unligini etarlicha saqlab qola oladi. 
      Surtmalar  XI  DF  ga  rasmiy  dori  shakllari  ko‗rinishida  kiritilgan  bo‗lib,  teriga,  yaralarga  va 
silliq qavatlarga surtish uchun mo‗ljallangan.  
Bugungi  kunda  barcha  farmakologik  guruhlarga  mansub  bo‗lgan    dori  moddalaridan  surtmalar 
tayyorlash  imkoniyati  mavjud  bo‗lib,  ayniqsa  antiseptik  vositalar,  sulfanilamidlar,  gormon  
preparatlar,  antibiotiklar,  vitaminlar,  zamburug‗larni  davolashda  ishlatiladigan  dorilar  asosida 
surtmalar ishlab chiqarish keng yo‗lga qo‗yilgan.     
Dispers tizimiga ko‗ra yumshoq dori shakllari gomogen (qotishmalar va eritmalar) va geterogen 
(suspenzion, emulsion va aralash), konsistensiyasiga ko‗ra surtmalar, pastalar, kremlar, gellar va 
linimentlarga bo‗linadi. 
Qo‗llanilishiga qarab surtmalar dermatologik, uretral, burun, ko‗z, rektal va vaginal surtmalarga 
bo‗linadi.  Surtmalarni  bunday  tarzda  tasniflanishi  ularni  texnologik  va  biofarmatsevtik  nuqtai 
nazaridan  baholash  uchun  asos  bo‗lib  xizmat  qiladi,  qaysiki  bunda,  yaralarni  sirtini  qoplash 
uchun mo‗ljallangan surtmalarni aseptik sharoitda, ko‗z uchun mo‗ljallangan suspenzion tipdagi 
surtmalarni  esa  dori  va  yordamchi  moddalarni  maksimal  darajada  dispersligini  oshirgan  xolda 
tayyorlashni  taqozo  etadi.  SHuningdek,  tanlangan  texnologik  jarayon  biofarmatsevtik  nuqtai 
nazardan ham to‗g‗ri bo‗lishi kerak. 
Surtmalarning ishlatilishi: 
- teri va silliq qavatlarni tashqi muhit ta‘siridan himoya qilishda; 
- kuyganda yoki sovuq urish natijasida hosil bo‗lgan yaralarni davolashda;  
-teri  kasalliklarida  ularni  mahalliy  davolash  yoki  dori  moddasini  limfa  tomirlari  orqali  qonga 
so‗rilib, xar xil patologik jarayonlarga umumiy ta‘sir qilishini ta‘minlash uchun; 
-organizmning  bo‗shliqlarida yuzaga keladigan kasalliklarni davolashda;  
-to‗g‗ri  ichak  kasalliklarini  davolashda  va  shilliq  qavat  orqali  dori  moddalarini  organizmga 
rezorbtiv ta‘sirini ta‘minlash uchun; 
-ko‗z va burun kasalliklarida;  
-kosmetik  maqsadlar  uchun  (terini  yumshatish,  pigmentativ  dog‗larni  teridan  tozalash,  terini 
oziqlantirish) 
Surtmalar  dori  va  yordamchi  modda  –  asosdan  tashkil  topgan.  Uning  tarkibidagi  dori 
moddasining  soniga  qarab  surtmalar  oddiy  yoki  murakkab,  yordamchi  moddalarning  fizik 
kimyoviy xossalariga qarab esa bir, ikki yoki ko‗p fazali bo‗lishi mumkin.  
Ba‘zi  yordamchi  moddalar  bir  vaqtning  o‗zida  bir  nechta  vazifani  ham  bajaradi  ya‘ni 
yumshatuvchi,  namlovchi,  ko‗pik  hosil  qiluvchi  va  aralashtiruvchi  bo‗lib  ham  xizmat  qiladi. 
Korxona sharoitida surtmalar ishlab chiqarishning 11%ni tashkil qiladi. 
Surtmalarni  tarkibi  va  texnologiyasini  ishlab  chiqishda,  qadoqlashda,  saqlashda,  tashishda  va 
qo‗llanilishida  doimo  ularning  mikrobiologik  tozaligini  saqlab  qolish  choralari  ko‗rilishi  shart. 
Ularning  bu  ko‗rsatkichi  qo‗shimcha  tarzda  surtma  tarkibiga  konservantlarning  kiritilishi  yoki 
ishlab chiqarishni to‗g‗ri tashkil etish bilan ta‘minlanadi. Ochiq yaralarni davolash yoki terining 
kuchli zararlangan maydonlari uchun mo‗ljallangan surtmalar tarkibiga kiritilgan konservantlar 

50 
 
albatta steril bo‗lishi kerak.  
Surtmalarga qo‗yilgan talablardan yana biri ularni tayyorlash, saqlash va qo‗llash davomida bir 
xilligini  (dori  va  yordamchi  moddalarni  bir  xil  aralashganligi  va  fizik  jihatdan  turg‗unligi) 
ta‘minlashdir. Agar texnologik jarayon davomida surtmalarni bir xilligi buzilgan bo‗lsa mahsus 
namuna  olish  yo‗li  orqali  tanlangan  surtmalar  tarkibidagi  asosiy  ta‘sir  etuvchi  modda  miqdori 
aniqlaniladi. 
Dori  va  yordamchi  moddalarni  dispersligini  oshirish  bilan  tayyorlanadigan  surtmalarda  modda 
zarrachalarining o‗lchamlari alohida nazoratga olib boriladi. 
Surtma  tarkibi  va  texnologiyasi  uchun  asoslarni  tanlashda  quyida  keltirilgan  talablarga: 
surtmaning terapevtik samaradorligi,  zararsizligi, dori  moddasi bilan  o‗zaro mos  kelishganligi,  
ularning  reologik,  fizik-kimyoviy  xossalari,  mikrobiologik  turg‗unligi  va  saqlanish  muddatiga 
ta‘sir etmasligiga qarab tanlanash lozim. 
  Surtmalar texnologiyasida ishlatiladigan asoslarga  quyidagi talablar qo‗yiladi: 
-
 
zaruriy  reologik,  fizik-kimyoviy  xossalari  va  yaxshi  surtilish,  yuvilish  xossalariga 
ega bo‗lishi, 
-
 
dori  moddasi  bilan  o‗zaro  muttanosib  va  yaxshi  absorbsiyalash  xossasiga  ega 
bo‗lishi, 
-
 
tashqi  muhit  ta‘siridan  o‗zgarmasligi  va  dori  moddalarining  suvdagi  eritmalarini 
yaxshi qabul qilishi, 
-
 
farmakologik  nuqtai  nazaridan  indifferent,  terini  qitiqlamasligi  va  sezuvchanligiga, 
shuningdek terining boshlang‗ich rN ko‗rsatkichiga (3-4) ta‘sir qilmasligi, 
-
 
mikroorganizmlar yashashi va ko‗payishi uchun sharoit tug‗dirmasligi,  
-
 
qo‗llash uchun ko‗zda tutilgan maqsadga to‗g‗ri kelishi kerak. 
Bugungi kunga kelib, surtmalar uchun aloxida moddalardan tashqari bir necha xildagi asoslardan 
keng ko‗lamda foydalanilmoqda. Ular murakkab tizimli fizik-kimyoviy tuzilishlarga ega bo‗lib, 
ularning  katta  miqdordagi  assortimenti  surtmalarni  turli  yo‗nalishlar  bo‗yicha  turlicha 
tasniflanishiga sabab bo‗lmoqda.  
Gidrofob asoslar. 
 
Surtmalar tayyorlashda ishlatiladigan gidrofob asoslarga lipofil, uglevodorodli va silikonli 
asoslar kiradi. 
 
Lipofil  asoslar.  Bu  asoslar  moyli  va  mumli  asoslar  bo‗lib,  ular  o‗z  tarkibida  lipid 
guruhlarini  saqlaydi.  Ular  xossalari  bo‗yicha  teridan  ajralib  chiqadigan  moysimon  suyuqlikka 
o‗xshash  bo‗lib,  teriga  surtilganda  moyning  sezuvchanligini  bildiradi  va  moy  qoldiqlarini 
qoldiradi. 
 
1.  Moylar.  Ular  yog‗  kislotalarining  triglitseridlari  bo‗lib,  asosan  yumshoq  moylar  – 
cho‗chqa moyi va bir qator gidrogenlangan moylar, qattiq moylar – mol yog‗i, suyuq moylar – 
bir qator o‗simlik moylari. Bu moylar suvda erimaydi., spirtda kam eriydi, efir va xloraformda 
oson eriydi. 
 
CHo‗chqa  moyi  (Adeps  suillus  depuratus)  –  oq  rangli  bo‗lib,  yangi  bo‗lishi  kerak. 
SHuningdek uning erish harorati 34-36
0
S, kislota soni 2 undan kichik bo‗lib, tarkibida 62-68% 
triolein (S
17
N
33
SOON) va 35% tirpalmitin (S
15
N
31
SOON) va tristearin (S
17
N
35
SOON) saqlaydi. 
Surtmalar texnologiyasida eng yaxshi asoslardan biri. U teriga oson surtiladi, terini qitiqlamaydi, 
deyarli  barcha  dori  moddalari  bilan  yaxshi  kelisha  oladi  ularni  teri  orqali  so‗rilishiga  monelik 
qilmaydi. SHuningdek suv va sovun bilan yaxshi yuviladi.  
G‗oz  yog‗i  (Adeps  anserinum)  –  cho‗chqa  yog‗iga  nisbatan  ham  yumshoqroq  bo‗lib, 
asosan  sovuq  urgan  terini  davomlashda  ishlatiladigan  surtmalarni  tayyorlashda  samarali 
xisoblanadi.  
 
Mol  yog‗i  (Sebum  bovinum)  –  oq  rangli,  yangi  bo‗lishi  kerak.  Suyuqlanish  harorati  42-
50
0
S, tarkibida 55% tripalmitin va tristearin, 45% triolein saqlaydi. Suyuqlanish harorati yuqori 
bo‗lganligi  uchun  u  teriga  cho‗chqa  moyiga  nisbatan  yomon  surtiladi.  Qo‗y  yog‗ining  erish 
harorati 44-51
0
S bo‗lib boshqa ko‗rsatkichlari bo‗yicha mol yog‗i bilan bir xil.  
Gidrogenlangan  moylar  –  yumshoq  asoslar  bo‗lib,  ular  asosan  yumshoq  surtmasimon 

51 
 
maxsulotlarni  tayyorlashda  keng  qo‗llaniladi.    Ular:  salomas  yoki  gidromoylar  –  Adeps 
hydrogenisatum,  o‗simliklardan  olingan  salo  –  Axungia  vegetabilis  [88-90%  gidromoy  va  10-
12%  o‗simlik  moyning  qotishmasi],  aralashgan  moy  (kombijir)  –  Adeps  compositus  [55% 
salomas, 30% o‗simlik moyi va 15% mol, cho‗chqa yoki gidrogenlangan kit yog‗i]. 
 
O‗simlik moylari. Kungaboqar moyi (Oleum Helianthi), o‗rik moyi (Oleum Persicorum) 
va  boshqa  bir  qator  o‗simlik  moylari  asosan  mol  yog‗i  va  mumlar  bilan  birgalikda  ishlatiladi. 
Natijada bir qator xossalari bilan cho‗chqa moyiga  yaqin bo‗lgan qotishmalar hosil bo‗ladi.  Bu 
moylarda kislota soni 2,25-2,5 dan ortmasligi kerak.  
 
Moylarning  asosiy  kamchiligi  bu  havoda  ayniqsa  suv  ishtirokida  tez  buzilishi  bo‗lib, 
farmakologik  indifferentlik  ularning  yangiligiga  bog‗liq.  Moylardan  og‗ir  metall  oksidlari  va 
tuzlari  shuningdek,  perekislar  va  ozonidlardan  iborat  bo‗lgan  surtmalarni  tayyorlashda  asos 
sifatida  foydalanish  mumkin  emas.  Sababi  ular  moylarning  strukturasini  o‗zgartirib,  asos 
sifatidagi  xossalariga  putur  etkazadi.    Bu  maqsadda  bir  qator  tabiiy  va  sintetik  antioksidantlar 
sintez  qilingan  bo‗lib,  ularning  ba‘zilari  tabiiy  holda  masalan  o‗simliklarda  ham  uchrashi 
mumkin.  (tokoferollar).  Sintetik  antioksidantlardan  yuqori  faollikka  ega  bo‗lgan  va  fiziologik 
nuqtai  nazaridan  bezarari  bu  butiloksianizol  (BOA)  va  butiloksitoluoldir  (BOT).    Ularning  har 
ikkisi ham moylarning turg‗unligini oshirishda 0,02% gacha ishlatishga ruhsat etilgan. O‗simlik 
va  hayvon  moylari  ularning  tarkibidagi  tabiiy  tokoferollarning  miqdoriga  qarab  belgilanadi. 
Moylardagi  oksidlanish  jarayoni  ularning  tarkibidagi  yodning  miqdoriga  bog‗liq  bo‗lib,  yod 
asosan  vodorod  peroksidini  parchalash  uchun  sarflanadi.  YAngi  cho‗chqa  va  mol  yog‗ida 
perekis soni 0,03 dan ortmasligi kerak.   
 
 Mumlar.  Ular  o‗z  tarkibida  yog‗  kislotalari  va  yuqori  molekulyar  masali,  bir  atomli 
spirtlarning murakkab efirlarini saqlaydi. Surtma asosi sifatida mumlardan lanolin, spermatset va 
asalari mumi ishlatiladi. 
 
Lanolin (Lanolinum) – efir, spirt va erkin yog‗ kislotalarining murakkab, tabiiy birikmasi 
bo‗lib,  u  sovunlanganida  teng  miqdordagi  kislota  va  spirtni  xosil  qiladi.  Lanolinning 
sovunlanmaydigan qismi 50% ni tashkil qiladi. Uning tarkibidagi moddalarning umumiy miqdori 
70% dan ortadi. 
Tozalangan  lanolin  –  qo‗ng‗ir  sariq  rangli,  qovushqoq,  o‗ziga  xos  hidli  massa.  Suyuqlanish 
harorati  36-42
0
S,  suvda  erimaydi,  lekin  150%  miqdoridagi  suv  bilan  emulgirlash  mumkin. 
SHuning  uchun  ayniqsa  surtmalar  texnologiyasida  suvsiz  lanolin  (Lanolinum  anhydricum)  dan 
foydalanish maqsadga muvofiqdir. Bunday lanolin bilan tarkibida ko‗p miqdorda suvli eritmalar 
saqlovchi  surtmalarni  ham  tayyorlash  mumkin.  Suvsiz  lanolin  tarkibidagi  suvning  miqdori  1% 
dan, kislota soni 1 dan   ortmasligi lozim. Lanolin spirtda qiyin eriydi, 100 qism suvsiz lanolin, 
40 qism 70% spirt bilan dag‗al dispers sistema xosil qiladi. Glitserin bilan suvsiz lanolin yaxshi 
kelishadi (100 qism suvsiz lanolinga 120-140 qism glitserin). Efir va xloroformda yaxshi eriydi. 
Teri orqali yaxshi so‗riladi, u o‗z tarkibi bilan odam terisidagi moysimon moddalarga yaqin. Teri 
va  shilliq  qavatlarni  odatda  qitiqlamaydi,  kimyoviy  jihatdan  ancha  turg‗un,  garchand  uning 
yuzasida oksidlanish jarayoni sodir bo‗lishi bilan rangining o‗zgarishi kuzatilsa ham. U  yuqori 
qovushqoqlikka  va  yopishqoqlikka  ega  bo‗lganligi  uchun  ham  ko‗proq  boshqa  asoslar  bilan 
birgalikda  ishlatiladi.  Suvli  lanolin  Lanolinum  hydricum  –  7  qism  suvsiz  lanolin  va  3  qism 
suvdan  iborat.  Suvli  lanolin  tarkibidagi  suvning  miqdori  32%  ni  tashkil  qiladi.  Uni  qizdirish 
bilan emulsiyani parchalash mumkin.