Тўп олиб юриш

---

Тўп олиб юриш 
 
Тўп олиб юриш ёрдамида ўйинчи ҳар хил жойга кўчиб юриши 
мумкин. Бунда тўп доим ўйинчи назоратида бўлади. Тўп олиб 
юришда югуриб, (баъзан юриб) тўпга турли хил зарба берилади. 
Зарба бериш кетма-кет ва турли маромда, оёқ билан ёки калла билан 
ижро этилади. Тўп олиб юришнинг таснифи 38-расмда берилган. 
Тўп олиб юриш-нинг баъзи усуллари мустақил аҳамиятга эга 
бўлмай, ўйинда ўз ҳолича камдан-кам қўлланилади. Аммо уларни 
тўп олиб юришнинг бошқа хиллари билан бирга қўшиб олиб бориш 
ўринли бўлади. Масалан, сон ёки калла билан тўп олиб юриш 
жиҳатдан ноўрин. Лекин ўйинда кўпинча шундай вазиятлар юзага 
келиб қоладики, унда тўпни олдин бир неча марта каллада уриб, 
кейин сонда озроқ ўйнатиб, пировардида оёқ билан керакли усулда 
олиб юришга ўтилади.
Оёқ билан тўп олиб юриш. Тўп олиб юришнинг бу асосий 
усули югуриш ҳамда тўпга оёқ билан турли усулларда зарба бериб 
боришнинг бирга қўшилганидир. Югуриш ва тўпга оёқ билан зарба 
бериш техникасининг таҳлили алоҳида-алоҳида юқорида берилган. 
Шунинг учун тўп олиб юришнинг энг муҳим деталлари ва 
хусусиятларига тўхталиб ўтамиз. 
Тўп олиб кетаётганда, тактик вазифалардан келиб чиқиб тўпга 
ҳар хил куч билан зарба берилади. Каттароқ масофани тез босиб 
ўтиш керак бўлса, тўпни ўзидан 10-12 м узоқлаштириб югурилади. 
Бунда рақиб қаршилик кўрсатса, тўпни олдириб қўйиш мумкин. 
Шунинг учун тўпни узлуксиз назорат қилиб бориш ва 1-2 м дан 
ортиқ узоқлаштириб юбормаслик керак. Шунинг билан бирга тўпга 
тез-тез зарба беравериш ҳам тўп олиб юриш тезлигини камайтириб 
юборишини унутмаслик лозим. 

---

38-расм. Тўпни олиб юриш усуллари таснифи 

---

Кўрилган иккала ҳолда ҳам зарба бериш учун махсус 
силкиниш ҳаракатларини қилишнинг зарурати йўқ. Орқа-даги оёқда 
депсиниш зарба бериш учун тайёрлов фазаси бўлади. Таянч оёқ 
тўпнинг ёнгинасига қўйилади. Силкинувчи оёқ тўп томон ҳаракат 
қилиб зарба беради. 
Тўп олиб юришнинг ўйинда энг кўп қўлланиладиган бир неча 
тури бор. Улар бир-биридан зарба бериш усули билангина фарқ 
қилади (39-расм).