Transport vositalarida ishlatiladigan nometal materiallar

 
Plastmassalarni kesilishga bo’lgan mustahkamligini tekshirish. 
Bu usul malum o’lcham va shakldagi plastmassa namunalarini 2 ta tekislik 
orasida kesganda kesuvchi uchlarni aniqlashga asoslangan. Kesish deformatsiyasini 
xuddi metall (masalan tunikani) qaychi bilan kesishga o’xshatish mumkin. 
G’ovaksimon va qalinligi 2 mm dan kam bo’lgan listli materiallar uchun bu usul 
yaramaydi. Sinashni istalgan sinash mashinasida o’tkazish mumkin. Bunda 
yuklanishni o’lchashda yo’l qo’yiladigan xatolik topiladigan yuklanish miqdorining 
1% dan ko’p bo’lmasligi kerak. Kesilishga bo’lgan mustahkamligini aniqlovchi 
moslama namunani mahkam siqib turadigan va uning o’rta qismida ikki tekislik 
bo’yicha kesa oladigan bo’lishi kerak. Kesuvchi pichoq va tayanchlar toblangan 
qattiq po’latdan tayyorlanadi.
Pichoqni qalinligi 4..6 mm gacha bo’lgan namunalarni kesishda (15+0,5)mm 
qalinligi 6…10 mm gacha bo’lgan namunalarni kesishda esa (25+0,5)mm bo’ladi. 
Pichoqning eni esa ikkala holda ham 16 mm dan kam bo’lmasligi kerak. 
Sinash uchun topg’ri burchak kesimli quyidagicha o’lchamli brus ko’rinishidagi 
namunalar ishlatiladi. Uzunligi kamida l=100 mm; eni v=15+0,5 mm; qalinligi 
h=15+0,5 mm. Agar bunday o’lchamli namunalarni tayyorlash mumkin bo’lsa, u 
vaqtda namuna qalinligi, eni va uzunligini quyidagicha o’zaro nisbatidan foydalansa 
ham bo’ladi. 
h:b:l=1,0:1,5:10 bunda namunaning qalinligi 4 mm dan kam bo’lmasligi 
kerak. Qatlamli plastiklardan namunalar sinashni qatlamlarga nisbatan ham 
perpendukilyar, ham paralel o’tkazish mumkin, bo’ladigan qilib olish kerak. 
Qalinligi 10 mm dan yuqori bo’lgan plitalardan namunalar tayyorlashda faqat 
ularni bir tomonidan kesib yoki egovlab kerakli o’lchamga keltiriladi. Sinash uchun 
olingan namunalar soni beshtadan kam bo’lmasligi kerak. Sinashni boshlanishidan 
oldin har bir namunani eni va qalinligi 0,01 mm aniqlikgacha o’lchab olinadi.