Tungi Toshkent

“Tungi Toshkent” hujjatli film
Hujjatli film yaratishdan maqsad Toshkent shaharining ichki qatnov va piyodalar yo‘lakchasini yoritish bilan bog‘liq muammolarni ko‘rsatish va hal qilishga doir chora-tadbirlar haqida video tayyorlash va odamlarga oz bo‘lsada yordam berish. Toshkent shahri ichki va tashqi mehmonlarga to‘la hisoblanadi. Shu sababli ham shaharning tungi ko‘rinishi muhim ahamiyat kasb etadi. Filmning boshlanish qismida shaharning ko‘p yoritilgan va yoritishi past bo‘lgan ko‘chalar ko‘rinish beradi va muammolar sekin birma-bir sanab o‘tiladi. Film davom etaverganda muammolar qanchalik ko‘p va muammolarga odamlarning munosabati o‘rganiladi. Toshkent shahar mehmonlari bilan “Blitz so‘rovnoma” o‘tkaziladi.
2-qism. Muammoli vaziyatning davom etishi. Bu qismda elektr chiroqlari oyiga qancha eletr tokini sarf qilishi haqida “Toshshaharnur” DUK yordamida ma’lumotlar yig‘iladi. Elektr energiyasini tejashga harakat qilinadimi yoki shunchaki sarf harajatlarga befarq bo‘lishadimi? Har bir savolga javob topiladi.
3-qism. Muammoning yechilishi. Toshkent shahri xoh piyoda xoh mashinada harakatlanayotgan inson bo‘lsin doimo yo‘llar yorug‘ va charog‘on bo‘lishi kerak. Shu munosabat bilan amalga oshirilayotgan ishlar to‘g‘risida atroflicha o‘rganiladi va shu borada Prezidentimiz qarorlari va uning ijrosi o‘rganiladi. Toshkent shahri harakatlanish uchun qulay zonaga aylantirilayotganligi haqida o‘rganishlar olib boriladi