Turistlarning ekskursiya qilishdan maqsadi mundarija: kirish

1. Ekskursiya xizmatlari hikoyasining mohiyati
Hikoya qilish ham namoyish, koʻrsatish kabi ekskursiya jarayonining asosiy qismidir. Ular yordamida ekskursiyaning mavzu, maqsad va vazifalariga mos obʻyektlar haqida malumotlar beriladi. Hikoya qilish jarayoni koʻrsatishning ajralmas qismidir va unga boʻy sunadi, aynan shu bilan ekskursiya maruzadan farq qiladi. (maruzada illyustrativ materiallar koʻrsatish shart emas). Shuni yodda tutish kerakki, ekskursiya obʻyektlari haqida asosiy taassurotlarni, uning tarixiy, madaniy voqealar bilan bogʻliqligini sayyohlar aynan hikoya qilish orqali bilib oladilar. Hikoya ham marshrutdan tashqari va aniq obʻyektlarsiz mavjud boʻlmaydi.
Hikoya induktiv metod asosida yaralishi mumkin, yani xususiylikdan umumiylikka, kuzatuvdan xulosaga. Yoki deduktiv- yani umumiylikdan xususiylikka. Ekskursiya amaliyotida koʻpincha induktiv metoddan foydalaniladi, yani koʻrish obʻyektini tahlil qila turib, gid umumiy xulosalarga keladi.
Ekskursiya maqsadiga erishish mavzularning toʻliq yoritilishi hikoya qilishning toʻgʻri tanlangan metodik usullariga bogʻliq. Bu usullar ekskursiya malumotlari, oldindan sharhlash, tasvirlash, tushuntirish, sitatalardan foydalanish, adabiy montaj.
Ekskursiya malumotlari- obʻyektlar haqida loʻnda, aniq harakteristikasi, faktlarning toʻplamidir. Malumotda obʻyekt haqida faqat asosiy faktlar beriladi: nomi, qurilgan yili, muallifi, oʻlchamlari...
Ekskursiyaning bu metodik qoʻllanmasida masalan, “Ostankino” minorasi haqida quyidagicha malumot beriladi: “Ostankino televizion minorasi, 1967-yilda qurilgan, balandligi 537metr, konstruktor N.Nikitin, memorlar A.Batalov va D.Burdin.”
Hikoya qilishning bunday metodik usulidan mazkur obʻyekt ekskursiya jarayonida ikkinchi darajali obʻyekt boʻlsa, foydalaniladi(sharhli, koʻprejali ekskursiyalarda).
Oldindan sharhlash- hikoya qilishning bunday metodik usuli sayyohlar boy, qiziqarli ekskursiya obʻyektlari toʻplangan joyda kelib qolganlarida ishlatiladi.Bu yerda obʻyektlar shunchalik koʻpki sayyohlar u haqda tezroq bilishni istaydilar(Xivadagi Ichan-halʻa, Samarqanddagi al-Buxoriy majmuasi, Moskvadagi Qizil maydon). Bunday paytda gid obʻyektning nomi va u haqda qisqacha malumot berishi kifoya(bu obʻyekt texnologik xaritaga kiritilmagan boʻlishi ham mumkin).Bu bilan u sayyohlarning qiziquvchanligini(lyubopitstvo)tinchlantirib, marshrut boʻyicha yana obʻyektlarni hikoya qilaveradi.
Tasvirlash- bu obʻyekt haqida toʻliq malumotlarni hikoya qilish, uning asosiy xususiyatlari va sifatlarini sanab oʻtish, obʻyekt bilan bogʻliq asosiy voqealarni tasvirlashdir. Masalan, yana shu “Ostankino” minorasini endi tasvirlab beramiz:
“Ostankino televizion minorasi, 1967-yilda qurilgan, balandligi 537metr. Uning konstruktori N.Nikitin, memorlar A.Batalov va D.Burdin. U balandligi 384metrli beton stvoldan iborat.Undan 50 qavatli bino balandligi kabi metall truba –antenna koʻtarilgan. Minora har biri 3.5 ming tonna ogʻirlikni koʻtara oladigan 10 ta beton asoslarga suyangan(opora).
Minoraning har xil qavatlarida tomosha qilish maydoni qurilgan va u yerga tezyurar liftda chiqish mumkin. Eng yuqori maydonchaga chiqish uchun 80 soniya vaqt kerak. 320 metrli balandlikda minorani uch qavatli “Sedmoye nebo” restorani halqasi qamrab olgan. Restoran minora atrofida sekin aylanadi.
Tinch, osuda havoda minora tayanch nuqtadan 2 metrgacha har tomonga ogʻishi mumkin. Qattiq shamolda esa, ogʻish 13 metrgacha boradi. ”
Obʻyektni tasvirlash metodidan masalan, avtobusli ekskursiyada, sayyohlar avtobusdan tushmaganlarida foydalaniladi. Tasvirlash 2-3 daqiqadan oshmasligi kerak.
Tushuntirish- bu metodik usul yordamida obʻyektning ichki xususiyatlari oydinlashtiriladi, biror-bir hodisa, fakt sababi aniqlashtiriladi, chuqur tahlil qilinadi.
Masalan, yana oʻsha “Ostankino”minorasini olsak.Ekskursiyada bu asosiy obʻyekt boʻlsa, gid oʻz hikoyasida quyidagi malumotlarni ham kiritishi mumkin: Minoraning maxsus konstruksiyasi tufayli uning mustahkamligi taminlangan. Bu mustahkamlik shuni hisobidanki, minora asosi tagida suzuvchi grunt stobilat yotibdi va oʻziga xos tayanch plita unga minoraning katta bosimini bir maromda taqsimlaydi.”Ostankino” minorasi beton stvollarining mustahkamligi unga ishlatiladigan 10000 ta qoʻrgʻoshimli(stal)trosslar bilan armaturalangan konstruksiyasi hisobidandir.
Izohlash- ishlab chiqarish jarayonida, obʻyekt namoyish etilayotganda bu metoddan foydalaniladi. Masalan, ishlab chiqarish korxonalarida tashkil etilgan ekskursiyalarda yigʻish sexida ishlayotgan konveyerlar(traktor,kombayn, avtomobil yigʻish sexida) harakati kuzatilayotganda gid qisqa malumotlar yordamida guruh kuzatayotgan jarayonni izohlaydi. Barcha etibor obʻyekt, hodisa, voqealarning maxsus xususiyatlariga qaratilishi shart.
Sitatalardan foydalanish- tarixiy voqealarni yorqin ifodalash, sayyohlar koʻz oldida obrazlar, hodisalarni jonlantirish maqsadida tarixiy hujjatlar, adabiy asarlardan qisqa bir parchani matnga kiritishdir. Sitata qisqa, loʻnda , aniq, kerakli joyda va vaqtda ishlatilishi shart. Sitatalardan meyoridan ortiq foydalanish ham notoʻgʻri, sayyohlar gidning mavzu boʻyicha shaxsiy fikri yoʻq deb oʻylashadi.
Sitatalarni 10x15 sm oʻlchamli kartochkalarga yozish kerak. Bu ayniqsa, yangi mavzu boʻyicha ekskursiya ilk marotaba olib borilayotgan boʻlsa. Gid sitatani toʻliq qogʻozga qarab oʻqimasligi, eshituvchilarga qarashi va har zamondagina qogʻozga koʻz tashlashi mumkin.
Adabiy montaj- bu hikoya qilishning murakkab metodik usulidir.Unda bir yoki bir necha mualliflar badiiy asarlaridan, xotira daftarlaridan, hujjatlardan, maqolalardan parchalar tanlanadi va gid undan voqealar yoki mashhurlar obrazini qayta tiklashda foydalanadi.
Tanlangan parchalardan tayyorlangan matn mano va badiiy jihatdan yaxlit boʻlishi kerak. Sayyohlar nima haqida gap ketayotganini, voqealar dinamikasini his etishlari muhimdir.
Adabiy montaj usuli adabiy va tarixiy mavzuli ekskursiyalarda qoʻllaniladi. Gidlar bu usuldan kam foydalanadilar, chunki bu usul ulardan adabiyot va tarixni yaxshi bilishlarini, artistlik qobiliyatini talab qiladi.