U. ǴAfurov, Q. Sharipov

BILIMIŃIZDI SÍNAP KÓRIŃ!
1. Isbilermenlik túsinigi neni ańlatadı?
2. Ne ushın isbilermenlik bazar qatnasıwshıların háreketke baǵdar-
lawshı xızmet bolıp esaplanadı?
3. Isbilermenlik uqıplılıǵı qanday ózgeshelikler arqalı kórinedi?
4. Ne ushın isbilermenlik islep shıǵarıw faktorları arasında eń áhmiyetlisi 
bolıp esaplanadı?
5. Isbilermenliktiń tiykarǵı táreplerin túsindirip beriń.
6. Isbilermenlik ayrıqsha shaxs, jámiyet hám mámleketke qanday payda 
keltiriwi múmkin?
7. Kimler isbilermen bola aladı?
8. Isbilermenlikti baslaw ushın neler zárúr?
TEMA BOYÍNSHA ÁMELIY TAPSÍRMA 
HÁM SHÍNÍǴÍWLAR
Test: «Siz isbilermenlik uqıbına iyesiz be?»
Usı test siziń isbilermenlik uqıbıńız dárejesin bahalaw imkaniyatın 
beredi. Sorawlarǵa «Awa» yaki «Yaq» dep juwap beriń.
1. Baslaǵan isińizdi qanday da bir tosqınlıqlar payda bolıwına 
qaramastan aqırına jetkere alasız ba?
2. Óz qararıńızda qatań tura alasız ba yaki sizdi ańsat ǵana 
pikirińizden qaytarıw múmkin be?
3. Siz juwapkershilikti moynıńızǵa alıwdı, basqarıwdı jaqsı kóresiz 
be?
4. Átirapıńızdaǵılardıń húrmet hám isenimine iyesiz be?
5. Densawlıǵıńız jaqsı ma?
6. Dárhal nátiyjege erispeseńiz de tań atqannan kún batqanǵa 
shekem miynet etiwge tayarsız ba?
7. Basqalar menen pikirlesip hám birge islesiwdi qáleysiz be?
8. Tańlaǵan jolıńızdıń tuwrılıǵına basqalardı isendire alasız ba?
9. Sizge basqalardıń ideyası hám pikirleri túsinikli me?

---

8
10. Siz ózińiz is baslawdı qálegen tarawıńız boyınsha tájiriybeńiz 
bar ma?
11. Siz ámeldegi salıqqa tartıw, is haqını esaplaw, buxgalteriyalıq 
esabatlardı júrgiziw qaǵıydaları menen tanıssız ba?
12. Siz usınbaqshı bolǵan tovar yaki xızmetke ózińiz jasap atırǵan 
qala yaki wálayatta talap bar ma?
13. Sizde marketing yaki finans tarawı boyınsha baslanǵısh 
bilimler bar ma?
14. Siz jasap atırǵan qalańız (wálayat)da siz tańlaǵan baǵdardaǵı 
basqa isbilermenlerdiń jumısları jaqsı ketip atır ma?
15. Ijaraǵa alıw ushın gózlep júrgen imaratıńız bar ma?
16. Siz óz kárxanańızdı xızmettiń birinshi jılında támiyinlep 
turıw ushın jeterli finanslıq qarjıǵa iyesiz be?
17. Sizde ózińiz shólkemlestirip atırǵan kárxananı finanslastırıwǵa 
aǵayinler hám tanıslardı tartıw imkaniyatı bar ma?
18. Zárúr materiallardı jetkerip beriwshi támiynatshılardı názerge 
alıp qoyǵanbısız?
19. Siziń názerińizde ózińizde jetispeytuǵın bilim hám tájiriybege 
iye qánigeler bar ma?
20. Ózińniń jeke jumısqa iye bolıw — siziń tiykarǵı ármanıńız 
ekenligine isenesiz be?