ULÍWMA ORTA BILIMLENDIRIW MEKTEPLERI FIZIKASÍN
OQÍTÍW MAQSETI, MAZMUNÍ, METOD HÁM QURÍLMALARÍ,
NÁTIYJELERIN PROEKTLEWDÍŃ TEORIYALÍQ TIYKARLARÍ
Ministrler Keńesiniń 2017-jıl 6-apreldegi 187-san qararı menen Mámleketlik
bilimlendiriw standartı qabıl etildi. Bul mámleketlik bilimlendiriw standartı
ulıwma orta bilimlendiriwdiń mamanlıq talapları ulıwma bilimlendiriw pánleri
boyınsha bilimlendiriw mazmunınıń májbúriy minimumı hám juwmaqlawshı
maqsetlerge, oqıw júklemeleri kólemine hám de bilimlendiriw sıpatına qoyılatuǵın
talaplardan ibarat bolıp, ol tómendegilerden qáliplesken:
bilim — úyrenilip atırǵan maǵlıwmatlardı eslep qalıw hám qaytıp túsindirip
beriw;
kónlikpe — úyrenilip atırǵan bilimlerdi tanıs jaǵdaylarda qollana alıw;
mamanlıq – úyrenilgen bilim hám qáliplesken kónlikpelerdi biytanıs
jaǵdaylarda qollana alıw hám jańa bilimler payda qılıw;
kompetenciya — alınǵan bilim, kónlikpe hám mamanlıqlardı kúndelikli
xızmette qollana alıw qábileti.
Ózbekstan Respublikasında bilimlendiriwdiń úzliksizligi, oqıwshı shaxsı hám
qızıǵıwshılıqlarınan kelip shıǵıp, olardıń jas ózgesheliklerine sáykes túrde
tómendegi tayanısh kompetenciyalar qaliplestiriledi.
