g) Maktab oshxonasida:
ovqatlanishdan oldin va keyin qо‘llarini yuvish;
umumiy ovqatlanish joylarida belgilangan tartib-qoidalarga rioya qilish;
taomlarni olishda «navbatga turish» tartibiga rioya qilish;
tirbandlik holatida ustozlar, yosh bolalar va qizlarga hurmat kо‘rsatish;
ovqatlanish vaqtida shovqin solmaslik;
issiq va suyuq ovqatlarni olishda va iste’mol qilishda ehtiyotkorlik kо‘rsatish;
oshxonadan olingan ovqat va ichimliklarni oshxonaning о‘zida iste’mol qilish;
ovqatlangandan sо‘ng idishlarni yig‘ishtirib qо‘yish.
d ) Maktab kutubxonasi va axborot resurs markazi (ARM)da:
kutubxona va ARM xodimlari bilan xushmuomalada bо‘lish;
kitoblar va jihozlarga ehtiyotkorona munosabatda bо‘lish;
baland ovozda sо‘zlashmaslik va boshqa kitobxonlarga xalaqit bermaslik;
qog‘oz va boshqa chiqindilarni qoldirib ketmaslik;
kitoblarni olish va topshirish tartib-qoidalariga rioya qilish.
ye) Sport majmualarida:
sport majmuasiga xos bо‘lgan kiyim va poyabzallarda kirish;
sport inventarlaridan oqilona va samarali foydalanish;
mashg‘ulotlardan keyin sport inventarlarini belgilangan joylarga qayta topshirish;
sport majmuasining belgilangan tartib-qoidalariga tо‘liq rioya qilish.
Bundan tashqari, о‘quvchilarga quyidagilar tavsiya etiladi:
о‘zining namunaviy xulqi va bilimi bilan atrofdagilarda о‘quvchilik odobi haqida ijobiy taassurot hosil qilishga intilish;
kо‘cha-kо‘yda bemaqsad yurmaslik, kattalarga hurmatda, kichiklarga izzatda bо‘lish, jamoat transportlarida keksa, nogiron va yosh bolali yо‘lovchilarga joy berish;
doimo komillikka intilish, halollik va adolat bilan hayot kechirish kabi olijanob fazilatlarni chuqur anglash;
о‘z maktabi manfaati, uning sha’ni va nufuzi tо‘g‘risida qayg‘urish, ularni saqlashda jonkuyarlik qilish va ularga hurmat bilan munosabatda bо‘lish.
Do'stlaringiz bilan baham: |