263
dunyoqarashdir. Diniy dunyoqarashning xalq ongiga singib, qal-
bida chuqur ildiz otib ketishining boisi shundan iboratki, ular oddiy
kishilarning ruhiyatiga moslab, ularning hissiyoti, tafakkuriga ta’sir
etadigan va ko‘p vaqtgacha esda saqlanib qoladigan yorqin
obrazlar, afsona va rivoyatlar shaklida izhor qilinishidadir.
Falsafiy – tabiiy va ijtimoiy borliqni nazariy qabul qilishga,
shaxsning borliqqa nisbatan falsafiy
munosabatiga asoslangan
dunyoqarash. “Falsafa” tushunchasining o‘zi (qadimgi grek tilidan
tarjima qilinganda “fal” – muhabbat,
intilish, ishtiyoq, “sofa” –
donishmandlik, so‘zma-so‘z tarjima qilinganda esa “falsofa”)
“donishmandlikka intilaman” ma’nosini anglatadi.
Mifologik va
diniy dunyoqarash hissiy a’zolarimiz orqali erishilgan ma’lumotlar
asosida shakllansa, falsafiy dunyoqarash hissiy va aqliy a’zolarimiz
tufayli ilm-fan yordamida to‘plagan bilimlar yig‘indisidir. Falsafiy
dunyoqarash kishilarga tabiat, jamiyat,
inson tafakkuri
rivojlanishining umumiy qonuniyatlari haqida ma’lumot beradi.
Shu bilan birga u insonni qurshab turgan olamni, dunyoni va uning
taraqqiyot qonunlarini bilish mumkinligini,
bilish esa murakkab,
ziddiyatli jarayondan iboratligini tasdiqlaydi.
Ijtimoiy-siyosiy dunyoqarash kishilarning obyektiv mavjud
bo‘lgan siyosiy hayotga
nisbatan siyosiy qarashlari, siyosiy
faoliyatga nisbatan munosabatlarining
umumlashtirilgan tizimi
ijtimoiy-siyosiy dunyoqarash deb ataladi.
Do'stlaringiz bilan baham: