20
Pedagogik tajriba ham bir qator shartlarga amal qilgan holda
tashkil etiladi. Xususan:
1) tajribaning maqbul loyiha (dastur) asosida uyushtirilishi;
2) tadqiqot ilmiy farazining
puxta asoslanishi;
3) tadqiqot obyektlari va usullarining to‘g‘ri tanlanishi;
4) tajriba o‘tkazilish vaqti hamda davomiyligini aniqlanishi;
5) zarur pedagogik shart-sharoitlar (asbob-uskuna,
jihozlar,
vositalar)ning yaratilganligi;
6) tajriba ma’lumotlarini umumlashtirish,
tahlil qilish va
natijalarni qayta ishlash.
Pedagogik tajriba yakunida olingan natijalarga asoslanib
umumiy xulosaga kelinadi va ilmiy-metodik
tavsiyalar ishlab
chiqiladi.
Matematik-statistik metod tajriba-sinov ishlari, shuningdek,
umumiy holda tadqiqotning samaradorlik darajasini aniqlash
maqsadida qo‘llaniladi, muammo holatini ifodalovchi ko‘rsat-
kichlar maxsus matematik formulalar
yordamida qayta tahlil
etiladi. Yakuniy qiymat tadqiqot samarasini ifodalovchi asosiy
ko‘rsatkich hisoblanadi.
Ayni vaqtda, pedagogik yo‘nalishda,
tadqiqotlar olib borishda Styudent, Ko‘virlyag, Rokich, V.P.Bes-
palko hamda V.V.Grechixin metodlaridan keng foydalanilmoqda.
Nazorat uchun savol va topshiriqlar?
1. Pedagogikaning ilmiy-tadqiqot metodlariga nimalar kiradi?
2. Pedagogika va uning mazmuni haqida gapiring.
3. Pedagogika fanining maqsad va vazifalari nimalardan iborat?
4. Pedagogika fanining asosiy kategoriyalariga nimalar kiradi?
5. Pedagogikaning boshqa fanlar bilan aloqasi haqida gapiring.
6. Pedagogika fanlari tizimini izohlang.
