Umumiy pedagogika o‘zbekiston Respublikasi Oliy va o‘rta maxsus ta’lim vazirligi tomonidan darslik
Download 2.64 Mb. Pdf ko'rish
|
UMUMIY PEDAGOGIKA MAVLOMOVA (Восстановлен)
9. Ekologik tarbiya “Ekologiya” tushunchasi ilk bor nemis zoologi E.Gekkel tomonidan qo‘llanilgan. Ekologik tarbiya ijtimoiy tarbiyaning muhim tarkibiy qismi hisoblanadi. Ekologik tarbiya (grekcha “oikos” -turar joy, makon, “logos” - fan) o‘quvchilarga dastlabki ekologik bilimlarni berish, mavjud ekologik bilimlarini boyitish, ularda tabiat va atrof-muhit muhofazasini tashkil etish ko‘nikma va malakalarini shakllantirishga qaratilgan pedagogik jarayondir. O‘zbekiston Respublikasida tabiat va atrof-muhit muhofazasini tashkil etishga alohida e’tibor qaratilmoqda. Bu yo‘lda amalga oshiriluvchi ijtimoiy-ekologik harakat mazmuni “O‘zbekiston Respublikasining Atrof-muhitni muhofaza qilish Milliy harakat rejasi”da o‘z ifodasini topgan. Tabiat va atrof-muhitni muhofaza qilish, shuningdek, ekologik muammolarning ijtimoiy xavfi xususida to‘xtalib, O‘zbekiston Respublikasi Birinchi Prezidenti I.A.Karimov quyidagi fikrni qayd etadi: “Ekologik xavfsizlik muammosi allaqachon milliy va mintaqaviy doiradan chiqib, butun insoniyatning umumiy muammosiga aylangan. Ekologiya hozirgi zamonning keng miqyosdagi keskin ijtimoiy muammolaridan biridir. Uni hal etish barcha halqlarning manfaatlariga mos bo‘lib, sivilizatsiyaning 301 hozirgi kuni va kelajagi ko‘p jihatdan ana shu muammoning hal qilinishiga bog‘liqdir”. O‘quvlarda tabiatga nisbatan to‘g‘ri munosabatni qaror toptirish, mehr-muhabbatni uyg‘otish, atrof-muhit musaffoligiga erishish ekologik muammolarni hal etish yo‘lida muhim bosqich sanaladi. Ekologik ta’lim o‘quvchiga aniq maqsadga muvofiq, izchil, tizimli va uzluksiz ravishda nazariy ekologik bilimlarni berishga yo‘naltirilgan ta’limiy jarayonidir. Nazariy ekologik bilimlar (ekologik ong) hamda atrof-muhit va tabiat muhofazasi yo‘lida olib borilayotgan faoliyat birligi ekologik madaniyatni shakllantirishga xizmat qiladi. Ekologik ong tabiat va atrof-muhitning mavjud holati, ularni muhofaza etish borasidagi tushunchalarning ongdagi ifodasi bo‘lib, u murakkab ijtimoiy- psixologik hodisa sifatida namoyon bo‘ladi. Ekologik faoliyat esa ekologik bilimlarga tayanilgan holda tabiat va atrof-muhit muhofazasini ta’minlash borasida amalga oshirilayotgan xatti- harakatlar majmui demakdir. Ekologik madaniyat o‘quvchining ijtimoiy talablarga muvofiq tabiat va atrof-muhit muhofazasini tashkil etish qobiliyati. Ekologik tarbiya ijtimoiy tarbiyaning yana bir muhim tarkibiy qismi bo‘lib, uni tashkil etish jarayonida quyidagi vazifalar hal etilishi zarur: 1. O‘quvchilarning ta’lim jarayonida o‘zlashtirgan ekologik bilimlarini yanada oshirish. 2. Ularning tabiat va atrof-muhit ekologiyasi to‘g‘risidagi tasavvurini boyitish. 3. O‘quvchilarda tabiat va atrof-muhit muhofazasini ta’minlash ijtimoiy zaruriyat ekanligi to‘g‘risidagi e’tiqodni shakllantirish. 4. O‘quvchilarda ekologik faoliyat ko‘nikma va malakalarni tarbiyalash hamda ularning tabiat va atrof-muhit muhofazasini ta’minlash jarayonida faol ishtirok etishlariga erishish. Oila va jamiyatda tashkil etilayotgan ekologik tarbiya- ning suhbat, davra suhbati, ekskursiya, bahs-munozara, ijodiy tanlovlar, uchrashuv, ijtimoiy-foydali mehnat (shanbalik, xashar, ko‘kalamzorlashtirish) kabi shakl hamda suhbat, kuzatish, amaliy 302 faoliyatni tashkil etish, rag‘batlantirish va jazolash kabi metodlar yordamida tashkil etish o‘quvchilarda ekologik madaniyatni qaror topishini ta’minlaydi. O‘quvchi tarbiyasida ishtirok etayotgan subyektlarning shaxsiy namunalari, o‘quv manbalari, badiiy adabiyotlar, ommaviy axborot vositalari (shu jumladan, internet) materiallari va ularning g‘oyalari o‘quvchilarda ekologik madaniyatni shakllantirishning muhim vositalari sanaladi. “Ekologiya” tushunchasi ilk bor nemis zoologi E.Gekkel tomonidan qo‘llanilgan. Ekologik tarbiya ijtimoiy tarbiyaning muhim tarkibiy qismi hisoblanadi. Ekologik tarbiya (grekcha “oikos” -turar joy, makon, “logos” -fan) o‘quvchilarga dastlabki ekologik bilimlarni berish, mavjud ekologik bilimlarini boyitish, ularda tabiat va atrof-muhit muhofazasini tashkil etish ko‘nikma va malakalarini shakllantirishga qaratilgan pedagogik jarayondir. Ekologik ta'lim deganda o‘quvchilarga berilishi lozim bo‘lgan tabiat bilan inson orasidagi munosabatlarni ifodalovchi bilimlar tizimi tushuniladi. Ekologik tarbiya esa insonning atrof-muhitga nisbatan munosabatini tarbiyalashdir. Ekologik ta'lim-tarbiya umumiy ta'lim-tarbiyaning yangi shakli va tarkibiy qismi bo‘lib, maktabda barcha fanlarni o‘qitishda amalga oshirilishi ko‘zda tutiladi. Ekologik ta'lim-tarbiyadan bosh maqsad ham yosh avlodga atrof-muhit va uning muammolariga ongli munosabatni shakllantirishdan iboratdir. Ekologik tarbiyalash jarayonida yoshlarni yashab turgan tabiatimiz boyliklarini tejab- tergashga, uni muhofaza qilishga o‘rgata boriladi. Atoqli pedagog V. A. Suxomlinskiy “Bolalarga jonim fido” asarida “Men bolalar “Alifbe”ni ochib, birinchi so‘zini g‘ijjalab o‘qishlariga qadar avval dunyodagi eng ajoyib kitob-tabiat kitobini mutolaa etishlarini istardim” deb ta'kidlaganidek, bu boradagi barcha ishlarni bolaning kichikligidanoq boshlash maqsadga muvofiqdir. Ekologik tarbiyada o‘quvchilarni o‘z maktabini; yashaydigan muhiti-shahar va qishloq ko‘chalarini ko‘kalamzorlashtirish, mevali va manzarali daraxt ko‘chatlari ekish, hiyobonlarni, suv havzalarini ozoda saqlash, uy hayvonlariga qarash kabi ishlarda 303 kuchi yetgancha qatnashishga jalb etish katta ahamiyatga ega. Ekologik savodxonlik va madaniyat, avvalo, oiladan boshlanadi. Ekologik duyonqarashni shakllantirishning negizi oiladagi tarbiyaga bevosita bog‘liqdir. Agar bu masala oilada to‘g‘ri yo‘lga qo‘yilmagan bo‘lsa, uni maktablarda, keyingi ta'lim bosqichlarida hamda mehnat jarayonlarida qaror toptirish qiyin bo‘ladi. Ajdodlarimiz bola tarbiyasi masalasiga alohida e'tibor bilan qaraganlar va bu borada ibratli an'analarni vujudga keltirganlar. Bolalar go‘daklik chog‘laridanoq axloqiy va mehnat tarbiyasini oilada boshlaganlar. Ularda mehnatga muhabbat, atrof-muhitga hurmat, obodonchilik va ko‘kalamzorlashtirish hissi sabot bilan singdirilgan. Masalan, atrofni ifloslantirmaslik uchun axlatlarni alohida chuqurchalarga tashlash; xojatxonalarni ariq, soy, buloq suvlaridan uzoqroq joyda kovlash; yong‘in chiqmasligi chorasini ko‘rish; turli ehtiyojlar uchun yashnab turgan daraxtda emas, balki qurib qolganlaridan foydalanish; nihollarni sindirib, payhon qilmaslik; qushlarning uyasini buzmaslik kabi xatti-harakatlar shakllantirilgan. Oila davrasida farzandlarga “Suvga tuflama, uni iflos qilma, chunki barcha jonivorlar uni ichib bahra oladi”, “Gullab turgan mevali daraxtning shoxini sindirma, u meva beradi, uni o‘zing iste'mol qilasan”, “Pishib yetilmagan uzumni uzma, agar uzsang katta gunoh ish bo‘ladi. Chunki unda ahli mo‘minning nasibasi bor” ‒ deb pandu-nasihatlar qilganlar. Islomdan avval zardushtiylik dinida tabiatni, xususan, suvni iflos yoki isrof qilgan kishi 400 darra kaltaklangan. Suvga hurmat islom dinimizda ham saqlanib qolgan. Mana shu hurmat ta'sirida xalqda ko‘plab maqollar, rivoyatlar, ibratli hikoyalar, ertaklar vujudga kelgan. Ekologik ta'lim va tarbiyalash tizimi bolalar bog‘chalarida, umumiy ta'lim maktablarida, keyingi ta'lim bosqichlarida hamda mehnat jamoalarida davom ettiriladi. Ekologiya fani hozirgi bozor munosabatlari davrida ko‘pgina tarmoqlarga ega: o‘simliklar ekologiyasi, zooekologiya, tuproq ekologiyasi, inson ekologiyasi va boshqalar. Ekologiya fani tanlab olingan bir yoki bir necha obyektning yashash sharoitini yoki normalarini o‘rganadi va yashashning optimal darajasini aniqlashga yordam beradi. Bu yo‘nalishdagi ishlar bizga ekologik bilimlarni yetkazadi, ammo bu 304 bilan insoniyat cheklanib qolmaydi. Davr talabiga ko‘ra, yana boshqa yo‘nalishda ham ish olib borishni talab etmoqda. U ham bo‘lsa ekologik tarbiya masalasidir. Ekologik tarbiya albatta ekologik bilim asosida shakllanadi, lekin u o‘ziga xos xususiyatlarga ham ega. Ekologik tarbiya insonda tabiatga nisbatan to‘g‘ri, oqilona munosabatni shakllantirish masalasi ustida ish olib boradi va o‘z oldiga talabalarda ekologik madaniyatni shakllantirishdek maqsadni qo‘yadi. Ekologik tarbiyaning mazmuniga ekologik onglilik, ekologik his-tuyg‘ular (tabiatga, insonlarga, hayotga nisbatan munosabatlar) kiradi. Shunday qilib, ekologik tarbiya inson hayotida, jamiyatda, vatanda muhim ahamiyat kasb qiladi. Ekologik tarbiyaning shakllanishiga ekologik bilimlarni egallash bilan bir qatorda ekologik munosabatlarni ham shakllantirib borish zarur bo‘ladi. Ekologik munosabatlarga: 1. Hayotga munosabat. 2. Yaxlitlik hissini tarbiyalash. 3. Javobgarlik hissini tarbiyalash. 4. Tabiat go‘zalliklarini his etish kabi komponentlarni kiritish mumkin. Inson umrining asosiy qismi oila davrasida kechganligi uchun uning kamoloti tarbiya, iqtidor, salomatlik kabi tushunchalar bilan uyg‘undir. Chunki bularning asoslari aynan oilaviy muhitda shakllanadi. Oila shunday maskanki unda hayotning davomiyligini ta’min- lovchi shaxs shakllanadi. Oila, jamiyat va tabiatda bugungi kunda shunday muammolar paydo bo‘lmoqdaki, bularni osonlikcha hal etib bo‘lmaydi. Bu muammolar eng avvalo, ekologiya, salomatlikni saqlashga tegishli. Aholi istiqomat qilayotgan joylarni, ularni o‘rab turgan atrof- muhitni tezroq sog‘lomlashtirish, go‘zal tabiatimizga rahna solmaslik, odamlarni turli kasalliklardan asrash, avaylash va kasalliklarning oldini olish eng muhim masalalardan hisoblanadi. Shuning uchun oilada ekologik tarbiyani shakllantirish juda katta ahamiyatga ega. 305 Ekologik xavf mavjud bo‘lib turgan holatda, bu bilan faqat mutaxassislar shug‘ullanishi lozim yoki ekologik tarbiyani faqat tarbiyachilar yoki o‘qituvchilar beradi deb hisoblab, qo‘l qovushtirib o‘tirish noto‘g‘ri. Ekologik tarbiyani avvalo, eng mustahkam va xotirada umrning oxirigacha saqlanib qoladigan qismini ona va ota – ya’ni oila beradi. Oilada bolani kichik yoshdan ekologik tarbiyaga o‘rgatishda quyidagi omillar mavjud: - milliy qadriyatlar, diniy, qadimiy urf-odatlarni tushuntirib borish; - shaxsiy ibrat, ya’ni, ota-onaning amalda tabiatni asrashga harakat qilishi, bevosita o‘z faoliyatlari orqali buni isbotlab berishi. Ota-ona, bobo-momolarni e’zozlash, kattalarga hurmat, kichiklarga izzat, oilani muqaddas bilish, er-xotin o‘rtasidagi muomalada teng huquqlilik farzandlar tarbiyasiga mas’ullik, qarindoshlik urug‘chilik munosabatini me’yorida olib borish, yaxshi qo‘shnichilik munosabatlarini o‘rnatish – bular umumin- soniy qadriyatlarning eng oddiy ko‘rinishlaridir. Chunki oila vakillari tor darajadagi qiziqishlaridan umuminsoniy qadriyatlarga ko‘proq yaqin bo‘lishi, odamlar o‘rtasidagi milliy, irqiy, ijtimoiy farq¬larga falsafiy qaray bilishlari kerakligini hayot ko‘rsatmoqda. Ilmiy tarbiya esa bolaga dastlabki ekologik ko‘nikmalar paydo bo‘lgandan so‘ng, mustahkamlovchi omillar sifatida singdiriladi. Masalan, ekologiyaga oid maqolalarni sodda bir tarzda sharhlab tushuntirishni, oilaviy dasturxon ustida suhbat chog‘ida ekologik fojialar har bir insonning aybi bilan yuzaga kelishini isbotlab berish orqali amalga oshiriladi. Ko‘rgazmali tarbiya esa bevosita onaning xatti-harakati orqali bola mustaqil ish bajara oladigan yoki ona bilan birga ish qila boshlagan bir paytda olib boriladi. Masalan, uydagi gullarni ehtiyotkorlik bilan, hayvonlar, qushlarni mehr bilan parvarishlashi, suv, gazning tejab ishlatilishi va boshqa ishlarni olib borishi, shuningdek, ko‘chalarning go‘zal joylarini alohida ko‘rsatish, yoki chiqindi uyumlarini, sindirilgan daraxt, toptalgan o‘t-o‘lanlarni bolaga ko‘rsatib, unday ishni qilgan bolalarni yaxshi inson bo‘lib yetisha olmasligini misollar bilan aytish orqali amalga oshiriladi. 306 Aslida, bu tarbiya uzluksiz, mantiqiy izchillik bilan har doim davom etishi lozim. Bunday tarbiya uchun avvalo, ota-onaning o‘zlari ekologik ma’lumotga ega bo‘lishi zarur. Hech bir oila yo‘qki o‘z farzandlarining barkamol bo‘lishini xohlamasa, hech bir zot yo‘qki, go‘zal, xushhavo, serobgarchilik yurtni istamasa. Zero, ekologik tarbiya barkamol insonning o‘zagidir. Oilada bola o‘simlik va hayvonlarni e’zozlash, avaylash mohiyatini tushunmasa va bilmasa, kundalik turmushda unga o‘rgatilmasa, bolaning umumiy tarbiyasida tabiatni qadrlash, e’zozlash fazilatlari va u bilan bog‘liq axloqiy va insoniy ko‘nikmalari yetishmaydi. Hozirgi sharoitda ekologiya muammosi axloqiy ongning bu masalaga oid tomonlarini chuqur va har tomonlama o‘rganish ilmiy uslubiy asoslangan amaliy tavsiyalar berish kerakligini taqozo etmoqda. Umuman olganda, inson umrini qamrab oladigan ekologik ta’lim-tarbiya tizimini takomillashtirish payti keldi. Bugungi kunda tabiat va uning boyliklariga nisbatan bo‘layotgan ehtiyotkorlik ko‘pgina obyektiv ehtiyojlar tufayli emas, balki ekologik madaniyatsizlik, tabiatdagi o‘zaro aloqadorlikni tushunmaslik oqibatida sodir bo‘lmoqda. Tabiatga yetkaziladigan salbiy ta’sir asta-sekin kishilar hayoti uchun xavf tug‘dirishini aholi, ayniqsa yoshlar ongiga singdirish darkor. Yoshlarni ekologik ruhda tarbiyalash dastavval oilada boshlanadi. Xalqimizda bola boshdan degan naql bor. Yoshlikdagi to‘g‘ri tarbiya kamolotni ta’minlaydi. Ekologik tarbiyaning o‘ziga xos va juda murakkab xususiyatlarini hisobga olgan holda, uni ekologik ma’naviyat va ommaviy tarbiya ishlarining muhim tarmoqlaridan biri sifatida yuqori darajaga ko‘tarmoq kerak. Bizning farzandlarimiz kamolotga yetishlari uchun oilada sog‘lom muhit barqaror bo‘lishi lozim. Oila asosi er-xotin orasidagi munosabatlar samimiy, bir- biriga mehribon bo‘lib, yolg‘on gaplarsiz, gumonsiz ochiq chehra, shirin so‘z orqali kechishi oiladagi ruhiy va ma’naviy muhitning sozligini ta’minlaydi. Shu o‘rinda birinchi navbatda oilada ota- onaning ekologik ma’lumotlar bo‘yicha pedagogika madaniyatini hamda uni amalda qo‘llashga o‘rgatish bilan ta’lim berish muammolarini ham hal etish darkor. Shuningdek, oilada bolalarga ekologik tarbiya haqida ma’lumot berish hamda hayotda qo‘llashga 307 o‘rgatuvchi ko‘nikma va milliy urf-odatlarni shakllantirish lozim. Bu muhim muammoni hal qilmay oilada bolalarni ekologik tarbiyalash mushkuldir. Inson hayoti bilan tashqi muhit o‘rtasidagi bog‘liqlikni hech kim inkor etmaydi. Lekin uni ko‘pincha yuzaki tushunamiz. Aslida, mana shu nuqtayi nazar, tasavvur insonni tashqi olamdan ajratib qo‘yishi mumkin. Ekologik madaniyat, eng avvalo, insonning o‘z-o‘zini bilishidan boshlanadi. Ekologik madaniyat sohibi bo‘lish, tabiatga zarar keltirish emas, balki uning gullab yashnashi, yanada yaxshilanishiga hissa qo‘shish, unga yomon munosabatda bo‘lganlarga qarshi mardonavor kurashmoq ham demakdir. Download 2.64 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling