317
o‘yinlar va sport o‘yinlariga tayyorlaydigan o‘yinlarni mashq qilish
kiritiladi.
Gigiyenik gimnastika. O‘quvchilarning
jismoniy jihatdan
to‘g‘ri o‘sishlari uchun kundalik ertalabki gimnastika yoki
zaryadka katta ahamiyatga ega. Kishi sog‘lig‘ini
mustahkamlash,
uning kun buyi charchamay, normal ishlash qobiliyatini ta’minlash
va unda turmushda zarur bo‘ladigan muhim gigiyenik ko‘nikmalar
hosil qilish – gigiyenik gimnastikaning vazifasidir. Ertalabki
gimnastika ochiq havoda yoki derazasi (fortochkasi)
ochib
qo‘yilgan xonada uyqudan turish bilanoq qilinadi. Bu gimnastika
barcha muskullarning ishtirok etishini ko‘zda tutadigan bir necha
mashqlar va suv protsedurasidan iborat bo‘ladi. Lanjlik, ta’sir-
chanlik, betoblik sezilganida, ishtahasizlik
va uyqusizlik paydo
bo‘lganida darhol shifokorga murojaat qilish va gimnastika
mashg‘ulotini vaqtincha to‘xtatish lozim.
Bolani har kuni ertalabki
gimnastika bilan shug‘ullanishga odatlantirishda ota-onalar va
o‘qituvchilarning o‘zlari namuna ko‘rsatishlari
juda katta rol
o‘ynaydi.
Sport gimnastikasi. Boshlang‘ich sinflarda o‘quvchilarga
jismoniy tarbiya dasturi asosida umumiy
jismoniy tayyorgarlik
beriladi. Bu yoshdagi o‘quvchilar sport gimnastikasi bilan to‘la
shug‘ullanmaydilar, uning oddiy elementlari bilangina tanishadilar.
Ularning yoshi ulg‘aygan sari sport gimnastikasi darsda ham,
darsdan tashqi jismoniy tarbiya mashg‘ulotlarida ham borgan sari
katta o‘rin egallay boshlaydi. Sport gimnastikasi mashg‘ulotlarini
ehtiyotlik bilan o‘tkazish, jismoniy
yuklamani sinchiklab
taqsimlash, o‘smir organizmiga ortiqcha nagruzka berib yuborishga
yo‘l qo‘ymaslik kerak.
Do'stlaringiz bilan baham: 
