Usi maqalada Rubia tinctorum ósimligi tamiriniń biologiyaliq qásiyetleri hám ximiyaliq quramindaǵi elementler muǵdari, bul ósimlik tamiriniń medicinada isletiliwi haqqindaǵi maǵliwmatlar jaritip berilgen

Annotaciya
Usi maqalada Rubia tinctorum ósimligi tamiriniń biologiyaliq qásiyetleri hám ximiyaliq quramindaǵi elementler muǵdari, bul ósimlik tamiriniń medicinada isletiliwi haqqindaǵi maǵliwmatlar jaritip berilgen. Marena áyyemnen sidik aydawshi, asqiniw keselliklerine qarsi, tınıshlantıratuǵın zat retinde isletilingen. Házirgi zaman xaliq medicinasında Marenanın’ tamiri este saqlawdi kúsheytiriwde, revmatizmdi emlewde hám sınǵan súyeklerdi tez pitiwine járdem beriwshi preparat retinde isletiledi. Ilimiy medicina Marena tamırınınıń oksalat hám fosfat tasların eritiw hám shiǵariw qásiyetleri anıqlanǵan. Bunnan tısqarı onıń sidik aydawshi hám spazmolitikaliq qásiyetleri anıqlanǵan.


Kirisiw
Búgingi kúnde dúnya kóleminde jergilikli shiyki ónimler tiykarinda paydali dári ónimlerin jaratiwdi rawajlandiriw tarawinda ilimiy izleniwlerdi joqari dárejede shólkemlestiriw hám milliy farmacevtika bazarin sipatli dári ónimleri menen támiyinlew barisinda keń qamrawli shara ilajlar ámelge asirilmaqta. Usi baǵdarda ámelge asirilǵan shara ilajlar tiykarinda básekige shidamli preparatlardi tábiyiy ósimlik shiyki ónimleri tiykarinda islep shiǵariwdi shólkemlestiriw barisinda bir qatar áhmiyetli ámeliy nátiyjelerge erisilmekte. Boyoqdor róyan (Rubia tinctorum) ósimligi túrleriniń biologiyasin úyreniw hám jergilikli shiyki ónimlerden tábiyiy dári ónimlerin ajıratıp import ornin basiwshi arzan hám sapalı preparat tayarlaw dáslepki shiyki zat bazaların jaratıw jumısları aktual áhmiyetke iye. Bunday preparatlardi Rubia Tinctorum dárilik ósimliginen ajıratıp, medicinalıq ámeliyatta hám xalıq xojaliǵida paydalanıw múmkin.