Узбекистон республикаси олий ва урта махсус таълим вазирлиги карши мухандислик иктисодиёт институти иктисодиёт факультети

МАЪРУЗА -8 ТОВАРЛАР ВА ТРАНСПОРТ ВОСИТАЛАРНИНГ АЙРИМ ТУРЛАРИНИ БОЖХОНА ЧЕГАРАСИДАН ОЛИБ УТИШ РЕЖИМЛАРИ


Режа:
8.1. Товарлар транзити божхона режими.
8.2. Вактинча олиб кириш ва чикиш режимлари.
8.3. Эркин божхона зонаси ва эркин омбор режимлари.
8.4. Айрим товар ва транспорт воситаларни божхона чегарасидан олиб утиш.


Адабиётлар: 2,4,6,8,10,11,14,16.


Таянч иборалар


Товарлар транзити, вактинча олиб кириш, вактинча олиб чикиш, эркин божхона зонаси, эркин омбор, айрим товар ва транспорт воситаларни олиб утиш тартиби.


8.1. Товарларнинг транзити божхона режими шундай режимки, бунда товарлар Узбекистон Республикасининг икки божхона органи уртасида, шу жумладан чет давлат худуди оркали, бож, соликлар ундирилмасдан, шунингдек товарларга насбатан иктисодий сиёсат чораларини кулламасдан божхона назорати остида олиб утилади (БКнинг 21-моддаси).
Товарлар транзити режими Узбекистон Республикаси божхона органининг рухсати буйича берилади, бирок БКнинг 21-моддасига мувофик Узбекистон Республикаси конун хужжатлари билан хорижий давлатлар ва улар иттифокларининг юридик ва жисмоний шахсларни камситишга ёки уларнинг манфаатларини бошкача тарзда чеклашга каратилган харакатига жавоб тарикасида товарлар транзити рад этилиши мумкин.
Товарлар транзити, агар Узбекистон Республикаси Хукумати томонидан бошкача хол белгиланмаган булса, Узбекистон худудида исталган йуллар ва йуналишлар буйича амалга оширилиши мумкин. Жунатувчи божхона органи транспорт воситаси имкониятларидан, мулжулланган йуналишдан ва ташишнинг бошка шартларидан хамда чекланган муддатдан келиб чикиб товарни бориш пунктига етказиб бериш муддатини белгилаши мумкин.
Товарларнинг транзит олиб утилишининг яна икки шарти мавжуд. Биринчи шарт: товарлар ташиш пайтида узгаришсиз холда колиши керак, транспортда ташиш ва саклашнинг нормал шароитларида табиий эскириш ёхуд камайиш окибатидаги узгаришлар бундан мустасно. Иккинчи шарт: ушбу товарлардан транзитдан бошка бирор-бир максадда фойдаланилмаслиги керак.
Агар Узбекистон Республикаси божхона органида ташувчи ёки унинг транспорт воситаси ушбу шартларга риоя килишни кафолатламайди, деб тахмин килиш учун асос мавжуд булса, божхона органи транспорт воситаси зарур даражада жхозланиши ёхуд божхона хамкорлигида ташилиши шарти билан товарларнинг транзит божхона режими остида жойлаштирилишига йул куйишга хаклидир. Транспорт воситаси зарур даражада жихозланиши ёки божхона ташувчиси томонидан ташилиши билан боглик харажатларни транзит режими остида товарни ташувчи кутаради ва ушбу харажатлар Узбекистон Республикаси божхона органлари томонидан копламайди.
Бож туловлари туланган холда, шу жумладан депозитга зарур суммани утказиш йули билан, товарлар транзити вариантини хам куллаш мумкин. У бирор-бир сабаб билан транзитнинг юкорида санаб утилган шартларига риоя килиш таъминланмайдиган холларда кулланилади.
БКнинг 62-моддасига мувофик товарлар транзити учун ташувчи жавоб беради. Бу шуни англатадики, товарлар Узбекистон Республикаси божхона органининг рухсатисиз берилганда, улар юк келиб тушиш божхона органига элтиб берилмаганда ёки йукотилганда ташувчи ухшаш товарларни эркин муомалага ёки экспортга чикаришнинг божхона режимларида туланиши керак булган бож туловларини тулаши керак.
Куйидаги холларда ташувчи томонидан бож туланмайди:

• 
  товарлар халокат ёки енгиб булмас куч таъсири окибатида йук булган ёхуд кайтариб булмайдиган тарзда кулдан кетиши;
  
• 
  камомад табиий эскириш ёки нормал ташиш ва саклаш шароитида камайиши;
  
• 
  хорижий давлатлар органлари ва мансабдор шахсларнинг Узбекистон Республикаси конун хужжатларига хилоф хатти-харакатлари натижасида товарлар эгаликдан чикиб кетиши холларида (БКнинг 62-моддаси).
  

БКда (63-модда) шунингдек ташувчининг халокат юз берган ёки енгиб булмас куч таъсир этган такдирда товарларни транспорт воситасидан туширган холдаги мажбуриятлари хам тартибга солинган.
Ташувчи:

• 
  товарларнинг бут сакланишини таъминлаш ва улардан бирон-бир тарзда фойдаланишига йул куймаслик учун барча зарур чораларни куриши;
  
• 
  ишнинг холатларини, товарлар ва транспорт воситаларининг каерда эканлигини Узбекистон Республикасининг энг якин божхона органига дархол хабар килиши;
  
• 
  товарларнинг Узбекистон Республикасининг энг якин божхона органига ташиб келтирилишини ёки Узбекистон Республикаси божхона органининг мансабдор шахслари товарлар турган жойга олиб келинишини таъминлаши шарт.
  

Санаб утилган вазиятларда барча харажатларни ташувчи кутаради, божхона органи бу харажатларни копламайди.


8.2. Вактинча олиб кириш (олиб чикиш) шундай режимки, бунда божхона худудида ёки ундан ташкарида товарлардан бождан, соликлардан тула ёки кисман озод этилган холда ва товарларга нисбатан иктисодий сиёсат чоралари кулланмасдан фойдаланишга йул куйилади (БКнинг 22-моддаси).
Вактинча олиб кириш (олиб чикиш) режимига жойлаштириладиган товарлар узгартирмасдан кайтарилиши лозим, табиий эскириш ёхуд нормал ташиш ва саклаш шароитларида камайиш окибатидаги узгаришлар бундан мустасно (БКнинг 22-моддаси, 2-кисми).
Мазкур божхона режимининг батафсил таърифини келтирамиз.

1. 
   Товарлар олиб утилиши йуналиши - кейинчалик кайтадан олиб чикиб кетган холда Узбекистон Республикаси божхона худудига олиб кириш ёхуд кейинчалик кайтадан олиб кирган холда мамлакатимиз божхона худудидан олиб чикиш. Ушбу режимлардан бири танланган такдирда божхона чегараси икки марта кесиб утилиши керак (агар вактинча олиб кирилгандан (олиб чикилгандан) кейин бошка божхона режими тугрисида ариза берилмаган булса).
   
2. 
   Олиб утиш максади - мамлакатимизда ёки унинг ташкарисида вактинча фойдаланиш максадида олиб кириш (олиб чикиш).
   

Вактинча олиб кириш билан вактинча олиб чикиш уртасидаги фаркни тушуниш учун куйидаги мисолни куриб чикамиз.
Айтайлик, Хамза номидаги театр чет элга гастролга жунаб кетмокда. Гастрол муддати тамом булгандан кейин мамлакатимизга кайтариб олиб кириладиган ва вактинча олиб чикилгандан кейин кайтариб олиб кириш сифатида расмийлаштириладиган театр реквизитлари вактинча олиб чикиш режимида расмийлаштирилади. Бошка бир вазият: хорижий театр мамлакатимизга гастролга келар экан, узининг театр реквизитларини вактинча олиб кириш божхона режимида расмийлаштиради, оркага кайтиб кетар экан, кайтадан олиб чикиш тугрисида ариза беради.
Шундай килиб, вактинча олиб кириш ва вактинча олиб чикиш - вактинча олиб кириш (олиб чикиш) божхона режимининг тенг хукукли мустакил кисмларини ташкил этади.
Мазкур божхона режими Узбекистон Республикаси божхона органининг белгиланган тартибда расмийлаштириладиган рухсатномаси асосида берилади.
Божхона органлари вактинча олиб кириш (олиб чикиш) режими остида жойлаштирмайдиган товарлар руйхати буйича вактинча олиб кириладиган (олиб чикиладиган) товарларнинг ишончли айнанлигини таъминлаш имконияти мавжуд булмаса, уларни жойлаштиришга рухсат бермасликка хаклидир (БКнинг 22-моддаси, 5-кисми).
Узбекистон Республикаси конун хужжатлари билан белгиланган холларда мазкур режимга факат кайта олиб чикиш (олиб кириш) мажбурияти берилган такдирдагина йул куйилади. Вактинча олиб кириш (олиб чикиш) режимига жойлаштириладиган товарларни бож ва соликлар тулашдан тула ёки кисман озод килиш конун хужжатларида белгиланади. (БКнинг 22-моддаси, 3-кисми).
БКнинг 23-моддасига мувофик товарларни вактинча олиб кириш (олиб чикиш) режимига жойлаштириш мумкин булган муддат божхона органлари томондан бундай олиб кириш (олиб чикиш)да Узбекистон Республикаси божхона органи томонидан белгиланади, бирок, товарлар бундай режимда туришининг муддати икки йилдан ошмаслиги керак. Божхона органи товарларнинг айрим тоифалари учун анча узокрок муддатлар белгиланиши мумкин. Товарларнинг айрим тоифалари учун муддатларни узайтириш божхона органлари томонидан конун хужжатлари билан белгиланган тартибда амалга оширилади.
Товар белгиланган муддат тугагунга кадар унга нисбатан ваколати булган шахс томонидан божхона худудидан ташкарига олиб чикилиши ёки у ерга олиб кирилиши ёхуд бошка божхона режимига жойлаштириш лозим.
Белгиланган муддатлар тамом булган кунда кайтарилмаган вактинча олиб кирилган (олиб чикилган) товарларни бошка божхона режимига жойлаштириш хакида ариза берилиши ёхуд товар Узбекистон Республикаси божхона органи эгалик киладиган божхона омборига вактинча саклаш режимига жойлаштирилиши керак (БКнинг 23-моддаси, 2-кисми).
Агар товарлар халокат окибатида ёки енгиб булмас куч таъсирида йук булганлиги ёки мутлако йуколганлиги, табиий эскириши ёки нормал ташиш ва саклаш шароитида камайиши туфайли етищмаслиги ёхуд чет давлат органлари ёки мансабдор шахсларнинг Узбекистон Республикаси конун хужжатларига хилоф хатти-харакатлари натижасида шахснинг эгалигидан чикиб кетганлиги Узбекистон Республикасининг чет элдаги дипломатия ваколатхоналари ёки консуллик муассасалари томонидан тасдикланса, товарларни вактинча олиб чиккан ва уларни белгиланган муддатда кайтариб олиб кирмаган шахс божхона органлари олдида жавобгар булмайди (БКнинг 23-моддаси, 3-кисми).
Мазкур божхона режими тавсифи хотимасида шуни таъкидлаш керакки, товарларни вактинча олиб кириш (олиб чикиш)да ундириладиган божлар, соликларнинг умумий суммаси божлар, соликлар тулашдан кисман озод килган холда, товарлар экспортнинг божхона режимига мувофик эркин муомалага чикарилганда ёки олиб чикилганда олиб кириш (олиб чикиш) пайтида туланиши керак булган божлар, соликлар суммасидан ортик булмаслиги керак. Агар курсатиб утилган суммалар тенг булган такдирда, товар эркин муомалага чикарилган ёки экспорт божхона режимига мувофик олиб чикилган деб хисобланади. Бирок ушбу товарга нисбатан иктисодий сиёсат чоралари кулланилмаслиги шарт.
Вактинча олиб чикиш (олиб кириш) режими кулланилишига мисоллар келтирамиз:

• 
  серияси булмаган буюртмаларни бажариш учун асбоб-ускуналарни олиб кириш, уларни харид килиш фойдали булмаса ва иш бажарилгандан кейин улар кайтариб олиб чикиб кетилганда;
  
• 
  уни сотиб олиш хакида карор кабул килишдан олдин синаш максадида асбоб-ускуналарни вактинчалик олиб кириш;
  
• 
  куп оборотли тарани (контейнерлар, яшиклар, гишт тагликлари), кургазма экспонатларини олиб чикиш;
  
• 
  мамлакатга бир-икки йилга келадиган шахс томонидан мебель, техника, аппаратларининг олиб кирилиши.
  

8.3. Эркин божхона зонаси ва эркин омбор шундай режимларки, бунда чет эл товарлари муайян худудлар ва жойларда бож, соликлар ва иктисодий сиёсат чоралари кулланилмасдан жойлаштирилади ва ишлатилади, Узбекистон товарлари олиб чикишда кулланиладиган шартларга кура жойлаштирилади ва ишлатилади.
Давлатнинг божхона чегараси эркин божхона зоналари ва эркин омборлар периметрлари хисобланади. Эркин омбор режими остида жойлаштирилган товарлар олиб киришда ундириладиган бож, соликлар ва уларга иктисодий сиёсат чоралари кулланилишига нисбатан давлатнинг божхона худудидан ташкаридаги товарлар сифатида каралади.
Товарлар эркин божхона зонаси ва эркин божхона омбори режимларида чекланмаган муддатларгача туриши мумкин (БКнинг 27 моддаси, 3-кисми).
Эркин божхона зоналари ва эркин омборлар доирасида олиб кириладиган, олиб чикиладиган ва сакланадиган товарлар хисобга олиниши керак, улар билан юз берадиган хар кандай узгаришлар хисобга олиш хужжатларида акс эттирилиши зарур. Улар тугрисида шунингдек Узбекистон Республикаси ДБК белгилайдиган тартибда божхона органларига хисобот такдим этилиши керак (БКнинг 27-моддаси, 6-кисми).
БКнинг 28-моддасига мувофик товарлар эркин божхона зоналари ва эркин омборлардан Узбекистон Республикаси божхона худудининг колган кисмига ёхуд мамлакат божхона худудидан ташкарига олиб чикилишида бож, соликлар хамда иктисодий сиёсат чоралари товарларнинг келиб чикишига караб кулланилади.
Товарнинг келиб чикиши тугрисидаги сертификат булмаган такдирда товарга: олиб чикилаётганда экспорт божи, соликлар ва иктисодий сиёсат чораларини кулланиш максадларида Узбекистон товари деб, бошка максадларда олиб чикилаётганда эса чет эл товари деб каралади.
Узбекистон Республикасидан ташкарига олиб чикилиши лозим булган товарлар эркин божхона зоналари худудидан ва эркин омборлардан божхона худудига кайтарилганда ёхуд белгиланган муддатларда улар амалда олиб чикиб кетилмаган такдирда, конун хужжатларида назарда тутилган тартибда бож, соликлар, шунингдек уларнинг фоизлари туланади (БКнинг 28-моддаси, 4-кисми).
Бож туланиши учун товарларни эркин божхона зонасига олиб кирган ёки уларни эркин омборга жойлаштирган шахс жавоб беради.
Эркин божхона зонаси ва эркин омбор режимлари конун хужжатларига мувофик белгиланади (27-модданинг 2-кисми).
Эркин божхона зонаси режими амал килаётган худудда бинолар, иморатлар ва иншоотлар барпо этишга божхона органи билан келишган холда йул куйилади (БКнинг 27-моддаси, 6-кисми).
Эркин божхона органи режими Узбекистон Республикаси ДБКнинг лицензияси асосида (у берилганлиги учун йигим ундирилади) эркин омбор деб эълон килинган бинога ёки бошка жойга татбик этилади.
Эркин омборларнинг эгалари Узбекистон Республикасининг юридик ва (ёки) жисмоний шахслари булиши мумкин (БКнинг 54-моддаси), улар куйидагиларга мажбурдирлар:

• 
  саклашга куйилган товарлар ва транспорт воситаларини олиш имкониятини истисно этиш, божхона назорати бундан мустасно;
  
• 
  божхона назорати амалга оширилишига тускинлик килмаслик;
  
• 
  эркин омбор таъсис этишга берилган лицензия шартларига риоя килиш: божхона органлари мансабдор шахсларнинг омборлардаги товарлар билан танишишини таъминлаш, божхона назоратини ва божхона расмийлаштирувини амалга ошириш учун уларга бевосита божхона омборида бино, асбоб-ускуналар ва алока воситаларини бериш.
  

Эркин омбор сифатида фойдаланиладиган бино ёки бошка жой бу жой ва у ерда турган товарлар устидан божхона назорати таъминланадиган килиб жихозланиши керак. Зарурият балганда эркин божхона омбори икки томонлама кулфу калит билан жихозланган булиши, улардан бири божхона органида булиши зарур.
Агар лицезия уни бериш тугрисида карор кабул килиш учун мухим ахамиятга эга булган маълумотлар асосида берилган булса, эркин омбор таъсис этишга берилган лицензия божхона органлари томонидан бекор килиниши мумкин (БКнинг 59-моддаси).
Эркин омбор эгаси Божхона кодекси талабларига риоя килмаган ёки лицензия бундан кейин давлатимизнинг иктисодий сиёсатига мувофик келмай колган холларда у тегишли божхона органи томонидан кайтариб олиниши мумкин. Кайтариб олиш кайтариб олиш тугрисида карор кабул килинган санадан бошлаб амал килади (БКнинг 59-моддаси).
Лицензияни кайтариб олиш ва бекор килишдан ташкари, агар эркин омбор эгаси уз хукукларини суиистеъмол килаяпти деб хисоблаш учун етарлича асос мавжуд булса, божхона органи лицензиянинг амал килишини уч ой муддатгача тухтатиб туриши мумкин.
Лицензия бекор килинганда ва кайтариб олинганда у берилганлиги учун туланган йигим кайтарилмайди. Бундай холларда эркин омбор вактинча саклаш омборига айланади. Уларда товарларни саклашнинг умумий муддати олти ойдан ошмаслиги керак. Бунда товар такрорий божхона расмийлаштирувидан утиши зарур. Тугатилаётган омборда саклашнинг бутун даврида (товар тушган пайтдан бошлаб) унинг эгасидан Узбекистон Республикаси божхона органлари томонидан таъсис этилган вактинча саклаш омборлари учун белгиланган саклаш учун божхона йигимлари ундирилади (БКнинг 59-моддаси).
Эркин омбор лицензиянинг амал килиш муддати тугагандан кейин ёхуд унинг эгасининг хохишига кура тугатилган такдирда бундай карор кабул килинган санадан бошлаб эркин омбор вактинча саклаш омборига айланади. Унда товарларни саклашнинг умумий муддати олти ойдан ошмаслиги керак, бунда омбор эгаси, тугатилган ёки лицензия кайтариб олинган холларда булгани сингари, Узбекистон божхона органлари томонидан таъсис этилганвактинча саклаш омборлари учун белгиланган йигимларни тулайди.
Эркин савдо зоналарида ва эркин омборларда у ерга жойлаштириладиган товарлар билан ишлаб чикариш ва тижорат операцияларини содир этишга йул куйилади, уларни чакана сотиш бундан мустасно. Шу билан бирга конун хужжатлари билан товарларнинг хусусиятидан келиб чикиб, операцияларни амалга оширишга муайян чеклашлар ва такиклар жорий этилиши, товарларнинг айрим тоифаларини эркин божхона зоналарига олиб утиш ёхуд уларни эркин божхона зоналарига олиб утиш ёхуд уларни эркин омборларга жойлаштиришга такиклар белгиланиши мумкин.
Бундан ташкари, божхона органлари БК коидаларига ва Узбекистон Республикасининг бошка конун хужжатларига риоя килмаган айрим шахсларга эркин савдо зоналарида ва эркин омборларда товарлар билан операцияларни амалга оширишни такиклашлари ёхуд уларнинг эркин садо зоналари ва эркин омборларга киришларини рад этишлари мумкин (БКнинг 27-моддаси, 4-кисми).
Пировардида шуни кайд этиш зарурки, божхона иши тугрисидаги Узбекистон Республикаси конун хужжатларига риоя килинишини таъминлаш учун божхона органлари етарли асослар мавжуд булган такдирда эркин божхона зоналари ва эркин омборлардаги товарлар устидан божхона назоратини амалга оширишга хаклидирлар (БКнинг 59-моддаси). Мазкур коида контрабанда буюмларини, жумладан, осори атикалар, курол-ярог ва гиёхвандлик моддаларини утказиш учун эркин божхона зоналаридан ва эркин омборлардан фойдаланиш имкониятини йукка чикаради.


8.4. Товарлар ва транспорт воситаларининг айрим турларини божхона чегарасидан олиб утиш тартиби. БКнинг 9-моддасида айрим товарлар ва транспорт воситаларини Узбекистон Республикасига олиб кириш ва олиб чикиш таъкикланиши мумкин булган асос мавжуд. Яъни: «давлат хавфсизлигини таъминлаш, жамоат тартибини саклаш, маънавият, инсон хаёти ва саломатлигини саклаш, атроф мухитни мухофаза килиш, Узбекистон Республикаси хамда бошка мамлакатлар халкларининг бадиий, тарихий ва археологик бойликларини, мулк хукукини, шу жумладан интеллектуал мулк объектларига булган хукукни, олиб кирилаётган товарларни истеъмол килувчиларнинг манфаатларини химоя килиш, шунингдек Узбекистон Республикасининг конун хужжатлари хамда халкаро шартномаларига мувофик айрим товарлар ва транспорт воситаларини Узбекистон Республикасига олиб кириш ва Узбекистон Республикасидан олиб чикиш такикланиши мумкин».
Божхона чегараси оркали олиб утиш такикланган товарлар ва транспорт воситалари, агар Узбекистон Республикасининг конун хужжатларида ёки харкаро шартномаларида бу товар ва транспорт воситаларини мусодара килиш назарда тутилмаган булса, дархол Узбекистон Республикасидан ташкарига олиб чикиб кетилиши ёхуд Узбекистон Республикаси худудига кайтарилиши шарт (БКнинг 9-моддаси, 2-хатбоши).
Товарлар ва транспорт воситалари дархол олиб чикиб кетилмаган ёки кайтарилмаган такдирда улар Узбекистон Республикаси божхона органига карашли булган омборга вактинча саклаш режими остида жойлаштирилади. Саклаш муддати уч суткадан ошмаслиги керак. Товарлар ва транспорт воситалари олиб чикилиши ва кайтарилиши билан боглик барча хужжатларни товарлар ва транспорт воситаларини олиб утувчи шахс ёхуд ташувчи кутаради (БКнинг 9-моддаси, 3-кисми).
Товарлар ва транспорт воситаларини божхона чегарасидан олиб утишдаги чекловлар халаро мажбуриятлардан, ички бозорни химоя килиш зарурлигидан келиб чиккан холда, шунингдек чет давлатлар ва улар иттифокларининг хукукни камситувчи ёки Узбекистон Республикасининг манфаатларини камситувчи бошка харакатларига жавоб чораси тарикасида конун хужжатларига мувофик белгиланиши мумкин (БКнинг 10-моддаси).