Узбекистон республикаси согликни саклаш вазирлиги тиббий таълимни ривожлантириш маркази андижон давлат тиббиёт институти

Клиникаси. Оддий герпеснинг куп кузатиладиган жойлари, бу табиий тешиклардир (бурун канотлари, огиз бурчаклари, лаб (herpeslabialis), жинсий аъзолар). Дастлаб битта жойда, баъзи холларда икки ва ундан ортик жойларда, чегараланган гиперемия юзасида майда, тарик катталигига ёки унча катта булмаган нухот улчамидаги пуфакчалар пайдо булади. Хар бир учогда пуфакчалар сони хар хил булиб, 2-3 тадан то 8-10 тагача, баъзида ундан хам куп булади. Пуфакчалар гурух-гурух булиб жойлашади, ичида тиник экссудат кузатилиб, 2-3 кун утгач у харалашади. Баъзан пуфакчалар кушилиб 1-1,5 см диаметрдаги пистончали куринишдаги куп камерали пуфакларни хосил килишади. Кейинчалик пуфак ичидаги суюклик, агар у мацерация ёки ишкаланиш кузатиладиган жойда жойлашмаган булса, котади ва урнида саргиш-кулранг калок пайдо булади, 5-6 кун утгач эса тукилиб, унинг урнида бироз гиперемиялашган ёки пигментли дог колади. Ишкаланиш ёки мацерация сохалари кузатиладиган терида ёки шиллик каватлардаги пуфаклар ёрилиб, улар урнида кизил рангдаги полициклик шаклдаги эрозиялар пайдо булади. Пуфакларни тошиши санчиш, ачишиш, огрик ва баъзи холларда атрофдаги тукиманинг шишиши билан кечади. Беморнинг умумий холати узгармайди. Лимфатугунлар катталашмайди. Баъзи бир касаллардагина узини нохуш сезиш, мушакдаги огриклар, калтираш кузатилади. Тана харорати 38-39⁰ С кутарилиши мумкин. Касаллик 1-1 ½ хафта ичида тугаши мумкин. Агар иккиламчи инфекция шу жараёнга кушилса беморни тузалиши бироз чузилиши мумкин.
Учукни куйидаги турлари тафовут килинади: 1. Абортив шакли (енгил тез утиб кетади); 2. Шиш шакли (шиш билан кечади); 3. Огир шакли (огир кечувчи); 4. Ураб олувчи ёки белбогсимон шакли; 5. Рецидив (тез-тез кайталаниб турувчи).
Оддий герпеснинг кйталаниб турувчи шакли йил давомида мавсумга боглик булмаган холда кайталаниб туриши мумкин. Баъзи бир беморларда касаллик ойда 3-4 марта кайталаниши хам мумкин. Клиникаси оддий герпеснинг клиник манзарасидан фарк килмайди. Уни кайталанишига куйидаги мойиллик факторлари сабаб булиши мумкин: ута совкатиш ёки кизиб кетиш, инфекцион касалликлар билан огриш, кон касалликларига чалиниш, масалан лейкоз, рак ва бошкалар. Бу касалликларнинг хужайра иммунитетини тушириб юборади. Аёлларда яна менструаль цикл вактида хам касаллик кузгалиши мумкин.