Uzum marketpleysi bilan ishlash bo'yicha ko'rsatmalar Uzum Business qanday ishlaydi

#
 8.2 Promo-kodlar (reklama kodlari) 
Ushbu yorliq sizga do'konlaringiz uchun promo-kodlarni yaratish va ularni reklama maqsadlarida, 
jumladan, do'koningizni targ'ib qilish uchun bloggerlarni jalb qilish uchun foydalanish imkonini 
beradi. Xaridor promo-koddan foydalanganda chegirma sizning daromadingizdan to'liq 
qoplanishini va marketpleys komissiyasi miqdoriga hech qanday ta'sir qilmasligini tushunish 
muhimdir. Uzum komissiyasi tovar uchun 100% to'langandek to'liq yechib olinadi. 
Promo-kod faqat siz yaratgan do'kon uchun amal qiladi. Promo-kod uchun chegirma miqdori 
foydalanuvchining savatida do'koningiz mahulotlari umumiy pul miqdorining 50 foizidan 
oshmasligi kerak. Shu munosabat bilan reklama kodini yaratish uchun formadagi barcha 
maydonlar talab qilinadi. 
Promo-kodni yaratishda tizim avtomatik ravishda do'kon prefiksini belgilaydi. Bu har bir sotuvchi 
o'ziga xos mazmunga ega so'zlar bilan reklama kodini yaratishi uchun amalga oshiriladi, masalan 
0001-BLACKFRIDAY. Mahsulotlaringiz va doʻkonlaringizni reklama qilishda bloggerlarni qulay 
tarzda jalb qilishingiz uchun funksionallik ustida ham faol ishlayapmiz. 
Shuningdek, siz o'zingiz yaratgan barcha promo-kodlarni ko'rish, foydalanish sonini va har bir 
promo-kod uchun jami marketing xarajatlarini tahlil qilish imkoniga egasiz. Turli marketing 
platformalarida va kreativlarda turli promo-kodlardan foydalanish sizning reklama 
kampaniyalaringiz samaradorligini o'lchash imkonini beradi. 
#
 8.3 Aksiyalar taqvimi 
Ushbu yorliqda siz marketpleysdagi barcha joriy reklama aksiyalarini ko'rishingiz va ularda ishtirok 
etish uchun quyidagi shartlarga javob beruvchi mahsulotlaringizni qo'shishingiz mumkin. Shartlar 
turli xil bo'lishi mumkin: 

minimal chegirma 

muayyan toifaga mansub mahsulot 

tovarlarning minimal qiymati 

aksiyadagi tovarlaringizning umumiy soni 

---


aksiyadagi mahsulotlar soni bo'yicha umumiy cheklov 

aksiya taqvimiga ko'ra mahsulot faqat bitta aksiyada qatnashishi mumkin 
Siz o'z mijozlaringizga yaxshi sharoitlarni taqdim eta olishingiz uchun biz ba'zi aktsiyalarida aksiya 
a'zolari uchun tovarlarni sotish bo'yicha komissiya miqdorini kamaytiramiz. 
Aksiyalar taqvimida quyidagi yorliqlar mavjud: 

Faol - hozir ishtirok etishingiz mumkin bo'lgan barcha joriy aksiyalar; 

Muvofiq - mahsulotingiz ishtirok etishi mumkin bo'lgan faol aksiyalar; 

Ishtirok etmoqdaman - mahsulotlaringiz hozirda ishtirok etayotgan faol aksiyalar; 

Tugallangan - siz ishtirok etgan tugallangan aksiyalar; 

Barcha aksiyalar — aksiyalar arxivi. 
Aksiyada qatnashish uchun “Ishtirok etish” tugmasini bosing, mahsulotlarni tanlang va yangi narx 
belgilang. Agar siz aksiyaga qo'shgan mahsulotingizning narxi komissiya oralig'ida keyingi 
darajaga o'tsa, biz komissiya hajmini aksiyaga kirishdan oldingidek saqlab qolamiz. 
Misol: aksiya boshlanishidan oldin mahsulot narxi 4 250 000 so’m (komissiya 3%), aksiyada 
chegirma bilan esa narx 2 500 000 so’mgacha tushadi (bu narx 5 foiz komissiyaga to’g’ri keladi). 
UZUM tariflariga ko’ra, bu narx oralig’ining bir darajaga o’zgarishi, demak, aksiyaga boshlangandan 
so'ng ham komissiya miqdori o’zgarmaydi va 2 500 000 so’mning 3 foizini tashkil qiladi. ::: 
Agar chegirmali narx sotuvdan oldingi narxdan g'ayritabiiy ravishda farq qilsa va komissiya 
oralig'ida ikki yoki undan ko'p darajaga yuqori bo'lsa, biz komissiyani yakuniy sotish narxidan 
hisoblaymiz. 
Misol: aksiya boshlanishidan oldin mahsulot narxi 4 250 000 so’m (komissiya 3%), aksiyada 
chegirma bilan esa narx 49 000 so’mgacha tushadi (bunday narx 20 foiz komissiyaga to’g’ri keladi). 
Bu narxning bir necha pog'onaga g'ayritabiiy ravishda pasayishi hisoblanib, aksiya taqvimi bo'yicha 
chegirmadan so'ng mahsulot bo'yicha yakuniy komissiya sotuv narxidan hisoblab chiqiladi va 20 
foizni tashkil qilaadi. ::: 
Aksiya boshlanishidan oldin siz doimo joriy "Yechib olish" summasini ko'rasiz.
Odatda, biz maksimal narxni ko'rsatamiz, undan yuqori narxni bunday savdoda o'rnatish mumkin 
bo'lmaydi. Boshqa o'xshash raqobatli tovarlar orasida mahsulotingiz potentsial xaridorlar uchun 
yanada jozibador bo'lishi uchun siz har doim chegirma hajmini ko'proq o'rnatishingiz mumkin. 
Bir mahsulotning turli xil variantlari (rangi, o'lchami va hokazo) uchun siz har xil narxlar 
belgilashingiz mumkin, lekin shartlarga ko'ra narxlar mumkin bo'lgan maksimal qiymatdan yuqori 
bo'lmasligi kerak.