Va ekspluatatsiya instituti m. Z. Musajonov s. B. Raximjonov
Download 1.75 Mb. Pdf ko'rish
|
avtoservis korxonalari bosh rejalari tahlili va bosh rejani ishlab chiqish uslubi
|
7. Xorijiy firma ATXKSlari texnik–iqtisodiy ko’rsatkichlari. Xorijiy avtomobillarga texnik xizmat ko’rsatish stansiyalari loyihalarida texnologik 61 hisob natijalari keltirilgan. Ularning texnik iqtisodiy ko’rsatkichlari taxlili ko’rsatishicha katta ATXKSlarda avtomobil turar joylari aniqlanganda yangi sotiladigan avtomobillar, ijara avtomobillari, mijozlar avtomobillari, tamir vaqtida berib turiladigan avtomobillar turar joylari, hamda kelgusida kengayish maydonlari hisobga olinishi ko’zda tutilgan. Masalan Daewoo ATXKSlar uchun yillik sotiladigan avtomobillar soniga bog’liq holda ekspluatatsiyadagi avtomobillar soni, ishchi postlari soni, mexaniklar, hodimlar sonlari, bino ichidagi xonalar maydoni yuzasi, ochiq maydondagi turar joylar yuzasi keltirilgan. Ammo avtomobillarning yillik yurgan yo’li, ish hajmi, avtomobil turkimi (o’ta kichik, kichik, o’rta) ishlatilish sharoiti, stansiya ish tartibi o’zgarganda yuqoridagi texnik – iqtisodiy ko’rsatkichlar o’zgarishi haqida ma’lumotlar keltirilmagan. Zamonaviy Daewoo yengil avtomobillarining solishtirma ish hajmi –0.8…1.2 ishchi soat /1000 km sobiq ittifoq yengil avtomobillar solishtirma ish hajmi 2.0…2.7 ishchi soat /1000 km dan 2–3 martta kam. Stansiyaning ish tartibi ham Daewoo yengil avtomobillari uchun oylik ish kunlari soni D o =22.2 kun, VAZ loyihasida yillik ish kuni D y =253 kun, 2 almashinuv qabul qilingan. Xorijiy firmalar ATXKSlarda tashqi funksional va tashqi nofunksional mintaqalariga katta e’tibor berilgan, ishlab chiqarish binosining oldida ekspluatatsiya qilingan avtomobillarni sotish uchun turar joy, mijozlar avtomobillari uchun turar joy, stansiya xizmatchilari avtomobillari uchun turar joy, avtomobillar sinov maydoni va boshqalar ko’zda tutilgan. Shuning uchun firmalar ATXKSlarining texnik–iqtisodiy ko’rsatkichlari taxlilida loyihaning dastlabki ma’lumotlari, TXK va JT solishtirma ish hajmi, bino va inshoatlar tarkibi, xizmat ko’rsatiladigan amallar ro’yxati, xizmat ko’rsatishning universal (bir necha turkumdagi avtomobillarga xizmat ko’rsatadigan) yoki maxsus (bitta turkumdagi avtomobillarga xizmat ko’rsatadigan) stansiya ekanligiga, firma tajribasida qo’llaniladigan binolarning bir butun (blokli) yoki ayrim–ayrim (povilionli) qurilishiga e’tibor berish lozim. |
