Vi bob. Bolalar va о‘smirlarning ratsional ovqatlanishi

Guruhli о‘yin maydonlari uchastkaning asosiy elementlaridan bо‘lib, toza havoda о‘yinlar va mashg‘ulotlarni о‘tkazish uchun mо‘ljallanadi. Jihozlashda bolalar faoliyatining yoshga doir о‘ziga xosligi nazarda tutilishi lozim. Guruhli о‘yin maydonlarining joylashtirilishi ularning muayyan guruh xonalaridan chiqish va umumiy jismoniy tarbiya maydoniga joylarining qulay bog‘lanishini ta’minlab, turli guruhlar harakat yо‘llarining kesishishini istisno qilish kerak. Guruhli о‘yin maydonlarini hisoblaganda, umumiy tipdagi maktabgacha muassasalarda bir о‘ringa kamida 7,2-7,5 m² olinishi tavsiya etiladi.
Maktabgacha yoshdagi bolalar uchun о‘yin maydonchalarini uchastkadan tashqarida joylashtirishga ruxsat beriladi.
Guruhli maydonchalarni rejalashtirishda tinch о‘yinlar, tezkor faoliyat, erkin individual yoki jamoaviy о‘yinlar uchun mо‘ljallangan hududlar aniq ajratilib qо‘yilishi lozim. Xududlar mos jihozlar va qoplama bilan ta’minlangan bо‘lishi kerak. Tinch о‘yinlar hududi bevosita soyabon tagida joylashtiriladi. Bolalarning faol harakati hududi gimnastika va tо‘p о‘yiniga mо‘ljallanib, aniq cheklanagan jihozlari bir yoki ikkala tomondagi chegarasi bо‘ylab joylashtirilishi kerak. Hududdagi maydon qoplamasi zichlangan tuproqdan bо‘lishi lozim. Erkin individual yoki jamoaviy о‘yinlar hududi maydon markazida joylashtirilishi va bolalarning syujetli – rolli о‘yinlari (“quruvchilar”, “haydovchilar” va hokazo) uchun mos jihozlangan bо‘lishi kerak.
Maktabgacha muassasalar uchastkalarida tо‘laqonli tarbiyalovchi – sog‘lomlashtiruvchi rejimni tashkil etish uchun о‘yin jihozlari nazarda tutilishi kerakki, ular bolalarning jismoniy rivojlanishiga kо‘maklashuvchi va ularning yoshga doir о‘ziga mos tushuvchi bо‘lishi lozim. Uchastkalarda tinch о‘yinlar, tezkor faoliyat, syujetli – rolli о‘yinlar, suvli о‘yinlar uchun maydonchalar va arxitektura shakllari bо‘lishi kerak.
Guruhli о‘yin maydonchalaridagi jihozlar о‘yin majmualariga jamlanadi, bu esa maydonni tezkor faoliyat uchun bо‘shatib, maydonning barcha hududidan oqilona foydalanish imkonini beradi.