Vi. Treningda psixogimnastikaliq shinig’iwlardan paydalaniw

Oyinnin’ belgileri
Oyinnin’ to’mendegi belgileri bar:

• 
  Shegaralang’anliq-ha’r qanday oyin belgili bir da’wirde ha’m waqitta oynaladi.Demek,trening waqtinda qollanilatug’in oyinlarda da shegaralang’anliq halati bar bolip,ha’r qanday oyinnin’ baslaniwi ha’m tamamlaniw waqti boladi.
  
• 
  Estetik-oying’a ta’n belgilerden ja’ne bir sol,ol go’zzaliq ushin xizmet qiladi,demek,ma’deniyat ushin xizmet qiladi.Buni sonday tu’siniw mu’mkin,oyin oynaw waqtinda qatnasiwshilarda ha’m fizikaliq,ha’m aqiliy qa’diryatlar rawajlandiriladi.
  
• 
  Iqtiyoriylik-oyindi oynaw nizam da minnet te emes.Onda ma’ju’riylik elementleri joq,demek,oyinda iqtiyarliliq bar.Hesh kimdi ma’jbu’rlep oynatip bolmaydi.Oyinda erkinlik bar bolip,mine sol na’rse qatnasiwshilardi o’zine tartadi.
  
• 
  G’ayrita’biyiylik-trening waqtindag’i ha’r bir oyin o’zinshe g’ayrita’biyiy.Yag’niy oyin arqali qatnasiwshilar belgili bir mu’ddet qandaydir haywan-o’simlik ya’ki ku’ndelik turmista o’zleri qollanatugin na’rselerge aylanip qaliwi ha’m olar atinan so’ylep,olardin’ halatina seziwlweri mu’mkin boladi.
  

Oyindag’i o’zara ta’sir”Aysberg”i
Oyinnin’ ishki pedagogikali-psixologiyaliq mazmunin tu’siniw ushin oni aysbergke uqsatiw mu’mkin.Bilemiz aysberg suwda ju’zip ju’retug’in muz tawi bolip,onin’ tek 10 % i g’ana suw ju’zinde ko’rinip turadi,qalg’an 90 % bolsa suw astinda jasirin boladi.Oyinda da tap sonday halatti gu’zetiw mu’mkin.Rossiyadag’i”trening sanaati”kompaniyasi prezidenti,pedagogika pa’nleri doktori Levanova Elena Aleksandrova ha’m onin’ ka’siplesleri oyinda bar bolg’an “aysberg”tin’ o’zine mas bo’leklerin ajiratip ko’rsetken.To’mende sol bo’lekti ko’rip shig’amiz:
1.Funktsional bo’lek-oyindag’I o’zara ta’sirinin’ en’ joqari bo’legi bolip,ha’mmege,solardan qatnasiwshilarg’a da ko’rinip turatug’I bo’lek.Bunda kim qanday oynaytug’inlig’I,trener ha’m qatnasiwshilar o’zin qanday tutip atirg’anlig’I ha’m basqalar ha’mmege ko’rinip turadi,tap sol aysbergtin’ suw u’sti bo’legi siyaqli.
2.Fiziologiyaliq bo’lek-qatnasiwshilardin’ organizimdegi fiziologiyliq protsesslerge tuwridan tuwri ta’sir etedi:ha’reketli aktivlik mu’ta’jliklerdi qanaatlandiradi,bas miy funktsiyalarinin’ tormozlang’an bo’limlerin rawajlandiradi,organizimdi kislorod penen ta’miyinleydi.Oyinnin’ bul ta’siri ayirim adamlarg’a ko’rinbeydi.
3.Psixologiyaliq bo’lim-bul bo’lekte oyinnin’ shaxs psixikasina ta’sirin ko’riw mu’mkin:Este saqlaw,Diqqat,Oylaw,Qiyal siyaqli psixik protsesslerdin’ rawajlaniwi,emotsional halatlardin’ o’zgeriwi,kommunikativ ko’nlikpelerinin’ o’zlestiriliwi h.b-bul bolsa aysbergtin’ haqiyqiy suw asti sohasidir.
4.Pedagogikaliq bo’lim-bul qa’liplestiriwshi bo’lim bolip,qatnasiwshilarda”biz”pozitsiyasin,kollektivke tiyislilik,kollektiv ushin qayg’iriw,a’tiraptag’ilarg’a qarata tolerantliq siyaqlilar qa’liplesedi-bul da aysbergtin’ haqiyqiy suw asti sohasi.
5.Shaxsiy o’zgeshelik(latent)bo’lek-oyindag’I jasirin bo’lim bolip,ol qatnasiwshilardin’ shaxsiy rawajlaniwina ta’sir etedi ha’m oyin tamamlang’anna son’g’I dodalaw waqtinda ju’z beredi-bul aysbergtin’ haqiyqiy suw asti sohasi-en’ jasirin bo’lim.