Vi. Treningda psixogimnastikaliq shinig’iwlardan paydalaniw

7.5.Oyinlardin’ tu’rleri.
Oyinlar o’z maqsetine ko’re bir qansha tu’rlerge bo’linedi.Trening protsessinde o’tkeriletug’in oyinlardi olardin’ maqsetine ko’re to’mendegi tu’rlerge ajiratiw mu’mkin:

• 
  Tanisiw
  
• 
  Dene(taktil)tosiqlardi joq qiliwshi oyinlar
  
• 
  Topardin’ keypiyatin ko’teriwshi oyinlar
  
• 
  Baqlaw ha’m esitiw oyinlari
  
• 
  Isenim ortalig’in payda qiliwshi oyinlar
  
• 
  Ahillashtiruvchi
  
• 
  Sinchkovlikni asiriwshi
  
• 
  Diqqati ja’mlewshi
  

to’mende biz a’ne sol oyin tu’rlerinin’ tiykarg’I tu’rlerine toqtalamiz:
Tanisiw oyinlari
Ha’r bir topar menen alip barilatug’in shinig’iw qanday maqsette o’tkeriliwden qa’tiy na’zer topar ag’zalari bir-birlerin jaqsiraq bilip aliwlari ushin qatnasiwshilardin’ tanisiwinan baslandi.Bul bo’limdi oyin arqali sho’lkemlestiriliwi maqsetke muwapiq.Tanisiw oyinlari-topardin’ ha’mme ag’zalari o’zlerin ha’r ta’repten qolay,dadil tutiwlari,sonday-aq,o’zara isenim payda qiliwlari ushin nirinshi ha’m a’hmiyetli esaplanadi.
Qatnasiwshilar bir-birine biytanis bolg’an toparlarda topar ag’zalari bir-biri menen mu’na’sebetke kirisiwi an’sat boliwi ha’m bir-birinin’ atlarin eslep qaliwlari ushin ja’rdem beriwshi oyin o’tkeriw lazim.Bulardan ken’ tarqalg’an oyin-“Qor uyumi” oyini.A’sirese,qatnasiwshilar tek atlarin aytiw menen sheklenip qalmastan,o’zinin’ jag’dayi,keypiyati ha’tte ha’reketinde ipadalay aliwg’a imkan beriwshi oyinlar o’tkerilse,bul ja’da’ jaqsi na’tiyje beredi.Bunday oyinlarg’a “Atlar paziyletler”,”Men hesh qashan … maganman”,”Meniin’ keypiyatim”,”Jag’dayimnin’ ren’i” siyaqli oyinlardi kiritiw mu’mkin.
Dene (taktil) tosiqlardi joq etiwshi oyinlar
Adam biytanis toparg’a tu’sip qalsa,ol a’lbette o’zin qolaysiz,qisilip qalg’anday sezedi,uyaladi.Eger biz kimnin’dur jelkesine qolimizdi qoyiwg’a,shashinin’ bir ta’replarin durislap qoyiw qolimizdan kelse,sol adam qasinda o’zimizdi dadil ha’m xotirjam sezemiz.Eger adamlar bir-birin jaqsi tanimasa,bilmese,bunday is-ha’reketlerdi orinlay almaydi ha’m o’zara qarim-qatnasta ruwxiy zorig’iw,qolaysizliq siyaqli sezimler payda boladi.Lekin sonday oyinlar bar,olar bunday tosiqlardi joq etiwge ja’rdem beredi.”Dene tosiqlardijoq qiliw” oyinlarinin’ mazmuni sonda,topar ag’zalari bir-birine “tiye aliw”larina imkan jaratadi.Topar ag’zalari ortasinda o’zara isenim ha’m isshen’lik ortalig’in ju’zege keltiriw ushin bul oyindi “Tanisiw oyinlari” o’tkizilgeninen keyin baslaw maqsetke muwapiq.Bul oyinnin’ en’ a’piwayi ha’m ken’ tarqalg’an tu’ri “Tu’yindi sheshiw” .