Vi. Treningda psixogimnastikaliq shinig’iwlardan paydalaniw

Orin almasiw
Qatnasiwshilar shen’ber bolip otiradi,trener bolsa shen’ber ortasinda turadi.
Ko’rsetpe:”Ha’zir bizde tanisiwdi dawam etiw imkaniyati boladi.Buni sonday qilamiz:shen’ber ortasinda turg’an adam (ha’zirshe men bolaman) qandayda bir uliwma belgige iye bolg’an na’rseni ha’mmege usinis etedi ha’m kimde sol belgi bolsa ol orinin almastiradi.Ma’selen,men sonday deymen:”Sin’lisi barlar orinin’izdi almastirin’” ha’m ha’mme sin’lisi barlar orinin almastiriwi kerek.Bunda shen’berdin’ orayinda turg’an adam bosag’an orinlardan birewin iyelewi kerek.Orayda orinsiz qalg’an qatnasiwshi bolsa oyinda dawam ettiredi”.
Qatnasiwshilarda sinchovlikni asiriw maqsetinde olarg’a to’mendegi oyindi usinis etiw mu’kin:
“Ha’pte ku’nleri” oyini
Ko’rsetpe:trening qatnasiwshilari shen’ber bolip otiradi,olar ha’pte ku’nlerin na’wbet penen aytiwi kerek.Sol ha’pte ku’nlerinen 2 ya’ki 3 ewin aytiw qadag’an etiledi,ma’selen,seyshenbi,peyshembi ha’m shembi ku’nleri.Onin’ ornina ha’ptenin’ qaysi ku’ni bolsa 3 ku’n bolsa 3 ma’rte pishiq,6 ku’n bolsa 6 ma’rte bedana,2 ku’n bolsa 2 ma’rte qoraz,iyt h.b. bolip dawis shig’ariwi kerek.Eger aljassa oyinnan shig’adi ha’m oyin aqirinda 2 qatnasiwshi qalg’aninsha dawam ettiriwi mu’mkin.
Qatnasiwshilardin’ diqqatin ja’mlestiriw maqsetinde de oyinlar o’tkeriw mu’mkin:Ma’selen,”Antonimler” oyinin o’tkeriw:
“Antonimler” oyini
Ko’rsetpe:bunin’ ushin qatnasiwshilar shen’ber bolip otiradi,olarg’a to’mendegishe ko’rsetpe beriledi:
“Ha’zir bir-birimizge top laqtiramiz,oni laqtiriwdan aldin qandayda bir jag’day ya’ki sezimdi aytip basqa qatnasiwshig’a laqtiradi.Topti alg’an qatnasiwshi bolsa,sol sezim ya’ki jag’daydin’ antonimin aytadi,keyin olda basqag’a top laqtiradi ha’m oyin sonday dawam etedi,ma’selen,”men” “qayg’I” dep,topti … ge laqtiraman,ol bolsa topti qaqship alip,sol so’zge antonym so’z “quwanish” dep topti ..ge yag’niy basqasina laqtiradi ha’m t.b. oyin dawaminda topti qayta-qayta topti bir adamg’a laqtirmawina itibar berin’.