Vi. Treningda psixogimnastikaliq shinig’iwlardan paydalaniw

6.4.Psixogimnastikaliq shinig’iwdi toqtatiw ha’m dodalaw
Treningler dawaminda qollanilatug’in psixogimnastikaliq shinig’iwlar qatnasiwshilar ushin qiziqli ha’m hayran qalarliq(g’ayrioddiy)bolg’ani ushin a’dette ko’pshilik qatnasiwshilar olardan’ uzaq waqit dawam etiwin qa’leydi.Biraq bul trening rejesi buziliwina ha’m trening na’tiyjeliginin’ to’menlewine alip keliwi mu’mkin.Sonin’ ushin trener ha’r bir shinig’iwdi waqtinda toqtatiw ha’m dodalaw qiliw texnikasin puxta iyelewi za’ru’r.
Trener psixogimnasrikaliq shinig’iwdin’ qanday bariwin aldinnan aytip beredi ha’m onin’ waziypasi waqtin baqlap bariwdan ibarat boladi.Usig’an tiykarlanip ol shinig’iwdin’ tamamlaniwin toparg’a ma’lim qiladi.Biraq ko’binese shinig’iwdi o’tkeriw shegarasin aldinna aniqlap bolmaydi,bunda tiykarg’i itibar topar ag’zalari o’zlerin qanday seziwin olardin’ shinig’iwdi orinlaw protsessi qanshelli berilgenligi ha’m qiziqqanlig’ da’rejesin esapqa aliwg’a qaratiladi.
Bul barada uliwma qag’iyda sonday:qatnasiwshilardin’psixogimnastikaliq shinig’iwdan qanaatlaniwi joqari da’rejege jetkende,oni juwmaqlaw kerek.Trener topar qatnasiwshilardin’ halatindag’I o’zgerislerin diqqat penen baqlawi ha’m a’ne sonday payitti bilip aliwi kerek boladi.Bunday payit sonnan ibarat,bir ta’repten shinig’iwdin’ maqseti ushin ha’m oni dodalaw ushin jeterli materiallar jiynaldi,basqa ta’repten bolsa topardin’ ko’p qatnasiwshilari shinig’iwdi orinlawdi dawam ettiriw niyetinde bolip ha’m oni tamamlawg’a razilig’in da aytadi.
Psixogimnastikaliq shinig’iwdin’ son’inda a’lbette dodalaw protsessi o’tkeriliwi sha’rt.Bunda to’memdegi usinislar a’melge asiriliwi lazim boladi:
Egerde shinig’iwdi o’tkeriwden maqset ko’irek ha’m mag’liwmat aliwg’a bag’darlang’an bolsa,demek onin’ dodalaniwina da sonsha waqit sariplanadi.Bul waqitta olardin’ shinig’iwdin’ tu’p-tiykarinda jatqan mantiqni an’law barisindag’I pikirler soraladi ha’m trener o’zi de shinig’iwdin’ negizgi niyetin aship beriwshi pikirlerdi bildiredi(ma’selen,”Miyweli salat” shinig’iwi negizinde insannin’ jasaw ushin gu’res instinkti jatiwi siyaqli).
Eger shinig’iwdin’ maqseti topar ag’zalarinin’ halati qay da’rejede o’zgergenligine qaratilg’an bolsa,ol halda dodalaw protsessinde :”Siz o’zin’izdi qanday sezip atirsiz?”,”Ha’zir keypiyatin’iz qanday?” siyaqli qisqa sorawlar beriledi.Bunday sha’ra’yatta ayirim hallarda “keypiyatim ko’terildi”,”ha’z ettim”,”zor boldi”,”tetiklestim” siyaqli unamli juwaplar beriledi ha’m sol menen shegaralanadi.Bazi hallarda bolsa qatnasiwshilardin’ aniq bir halation ko’rgen baslawshi o’zi de to’mendegishe aytiwi mu’mkin:”Ko’rip turippan ,ha’mmen’iz quwanishlisiz,demek keyingi quramali jumislarg’a da o’tiw mu’mkin”,”Men ko’rip turippan ,ha’mme miyiq tartti,menimshe keypiyatlar jaqsi,demek shinig’iwdi dawam ettiriwimiz mu’mkin”h..t.b..
Toparlarda birgelikte o’tkerilip atig’an psixogimnastikaliq shinig’iwlarda utqan ha’m utilg’an bolmaytug’inin ha’m hesh kim o’zin jalg’izlanip qalg’anday sezinbewi kerek,kerisinshe psixogimnatikaliq shinig’iwdan tiykarg’I maqset bul-waqtixoshliq qiliw ha’m ol shinig’’iw qatnasiwshilarinda birlikti ju’zege keltiriwi lazim.Psixogimnastikaliq shinig’iwlar balalarda da,u’lkenlerde de basqalarg’a isenim,diqatti ja’mlew,kirisimlilik ha’m o’zara mu’na’sebetke ko’nlikpe,ta’jriybe payda qiladi.Sol ta’rizde shinig’iwlar qatnasiwshilardin’ aqiliy ta’repten,uliwma shaxs sipatinda rawajlaniwina da u’lken ja’rdem beredi.
Sonda-aq psixogimnaslikaliq shinig’iwlar qatnasiwshilardi uzaq dawam etken zoriqtiriwshi shinig’iwlar yaki inamsiz turmisliq jag’daylardan son’ o’zin tiklep aliwg’a ja’rdem beredi.Trener yadinda tutiwi kerek bolg’an jag’daylardan ja’ne biri shinig’iwdin’ baslang’ish basqishinda topardag’I ha’mme qatnasiwshilar da shinig’iwda qatnasiwdi qa’ley bermeydi ha’m olardi ma’jbu’rlew de kerek emes.Biraq bul olardin’ qa’lewlerin qanaatlandiriw degen emes.Trener olardi tu’rli usillar menen qiziqtiriwi ha’m shinig’iwdag’I qatnasiwshini ta’miyinlew za’ru’r.A’dette ta’jriybelerde usi na’rse da’lillengen,bunday qatnasiwshilar bir psixogimnastikaliq shinig’iwda qatnassa.o’z-o’zinen keyingi shinig’iwlarda da qatnasiwdi qa’leydi eken.Sonda-aq ternerdin’ ha’mme waqitta aktiv ha’reket qiliwi qatnasiwshilardi aktiv boliwg’a u’ndep turiw menen birge,toparda xosh keypiyat,dosliq ortalig’in jaratiwg’ada ja’rdem beredi.
Psixogimnastikaliq shinig’iwdin’ aqiri ha’mme waqitta qandaydir emotsional a’hmiyetke iye boliwi kerek.Yag’niy psixogimnastikaliq shinig’iw aqirinda a’lbette eki tu’rli halat baqlaniwi za’ru’r:birinshiden,qatnasiwshilarda ko’terin’ki keypiyat baqlaniwi azim.Ekinshiden,psixogimnstikaliq shinig’iwdag’I o’zara mu’na’sebetlerden mantiqiy juwmaq kelip shig’iwi kerek.