Vi. Treningda psixogimnastikaliq shinig’iwlardan paydalaniw

Biogenetikaliq bag’dar ta’repdarlarinan Grenvill Stenli Xolldin’ pikirine ko’re,oyin-insan xizmetinin’ rudimentidur.Balalar oyini bolsa instinktiv xizmet bolip,bala o’z a’wladlarinin’ turmisliq xizmetin ta’kirarlaydi.S.Xolldin’ pikirine ko’re,oyinnin’ mazmuni sonda,ol insanlardin’ aldin’g’i ta’jriybeleri tiykarinda ha’zirgi turmisqa maslastiriwdi ta’miyinleydi.
Treninglerde qollanilatug’in oyin ha’m shinig’iwlar qatnasiwshilardin’ o’z ara mu’na’sebetlerin jaqsilaw menen birge olardin’ bir-birine maslasiwin da ta’miyinleydi.
Sotsialliq bag’dar ta’repdarlarinan K.Gross oyinnin’ sotsial mazmunin ship beriwge ha’reket qilg’an.Onin’ pikirine ko’re,oyin-insandi turmisqa tayarlaniwin ta’miyinleydi.Balalar oyinlari bolsa olarda turmisqa ko’nlikpelerin qa’liplestiriw ha’m bekkemlew qurali bolip,shaxsta psixofiziologiyaliq ha’m shaxs sipatlarinin’ rawajlaniwi ushin za’ru’r a’hmiyetke iye.Ol birinshi bolip oyinnin’ sotsial a’hmiyetin ko’rsetip beredi,yag’niy insan oyin waqtinda uliwma qag’iyda ha’m jalg’iz liderge boysiniw arqali ja’miyetke qosiliwdi u’yrenedi.Sonday-aq,oyin o’zi ushin,o’zinin’ is-ha’rekeri ushin juwapkerlikti seziwge u’yretedi.O’z topari ushin ha’reket qiliwi waqtinda o’z imkaniyatlarin ashiw ha’m u’yreniwge bolg’an qa’bilietler rawajlaniwg’a erisiledi.Oyinda balanin’ liderlik qa’bilieti de ko’rinedi,instinktiv tu’rdrgi unatiw payda boladi.U’lkenler oyininda 3 elementti ajiratip ko’rsetedi:
Fizikaliq ha’m intellectual rawajlaniw
G’a’rezsizlikti seziw insannin’ du’nya menen gormonizatsiyasin seziwi.
Treninglerde qollanilatug’in oyin ha’m shinig’iwlar arqali da qatnasiwshilarda o’z mashqalalarin sheshiw ko’nlikpe ha’m ta’jriybeleri payda qiliniwi maqset qilip qoyiladi.
Biopsixologiyaliq bag’dar ta’repdarlarinin’ pikirinshe,sotsial minez-qulqinin’ qa’legen formada oyin elementleri bar.G.Merfinnin’ pikirinshe,oyin organizimnin’ do’gerek-a’tirap penen muwapiqlig’i ta’miyinlew qurali.Qashan sirtqi a’tirap ta’siri astinda muwapiqliq buzilsa,shaxs ruwxiyatinda zorig’iw ju’zege keledi.Sog’an ko’re,parallel halda zorig’iwdin’ joq qiliw maqsetinde organizimde oyin xizmeti qa’liplesedi.
Treningler waqtinda o’z mashqalalari shen’berinde qalip ketken qatnasiwshilardi oyin arqali bul shen’berden shig’arip aliwg’a erisiledi ha’m sonday-aq,olarg’a mashqalalardin’ sheshimi ko’rsetiledi.