Vi. Treningda psixogimnastikaliq shinig’iwlardan paydalaniw

Oyinnin’ waziypalari.Trening waqtinda oyin usilin qollawdin’ trener ha’m qatnasiwshilar ushin to’mendegi unamli ta’repleri de bar bolip bulardi oyinnin’ waziyplari sipatinda da sanw mu’mkin:

• 
  Trener ushin za’ru’r bag’darda ha’reketleniw qurali;
  
• 
  Topar yaki qanday da bir qatnasiwshinin’ minez-qulqin basqariw;
  
• 
  Topar yaki qanday da bir qatnasiwshinin’ minez-qulqin o’zgertiw;
  
• 
  Topar ag’zalarin bir-biri mene tanistiriw ha’m birlestiriw;
  
• 
  Topar ag’zalarin xizmetke maslastiriw;
  
• 
  Topar ag’zalarinin’ mashqalalarinin’ sheshimin tabiwg’a tayarlaw.
  

Oyin usili trening dawaminda aling’an mag’liwmatlarin qatnasiwshilar qay ta’rizde o’zlestirip atirg’anlig’in ko’rsetedi.
7.3.Treningtе oyin arqali erisiletug’in na’tiyjeler.
Trening protsessinde qollanatug’I oyinlardin’ o’zine ta’n o’zgesheliklerinen biri sol bir oyindi ha’m ol,ha’m bul maqsette qollawg’a bola beredi.Sog’an ko’re”Trening protsessinde oyin arqali qanday na’tiyjege erisiledi?”,degen soraw tuwiladi.Bul sorawg’a juwaplar to’mendegishe boliwi mu’mkin:
1.Oyin arqali qatnasiwshilarg’a birlikti seziwge imkan beriledi,yag’niy oyin arqali ha’r bir qatnasiwshi o’zinin’ bul du’nyada jalg’iz emesligin an’lap jetedi,Bul halat o’zine pa’s baha beretug’In adamlar menen o’tkeriletug’In treninglarde u’lken a’hmiyetke iye boladi.
2.Oyin arqali qatnasiwshilarg’a o’z turmisin o’zi basqariwi mu’mkinligin seziwge imkan beriledi,yag’niy oyin arqali ol o’zinin’ turmisin baqsariwi ha’m jetiskenliklerge erisiwi mu’mkinligin an’lap jetedi bul halat tu’skinlikke tu’sken adamlar menen o’tkiziletug’n treninglerde u’lken a’hmiyetke iye boladi.
3.Oyin arqali qatnasiwshilarg’a basqalar menen qarim-qatnasqa kirisiw ma’deniyatin seziwge imkan beriledi,yag’niy oyin arqali ol o’azin ha’m basqalardi hu’rmet qiliw lazimlilig’in an’lap jetedi.Bul halat qarim-qatnasqa kirisiwshen’ligI pa’s bolg’an adamlar menen o’tkeriletug’in treninglerde u’lken a’hmiyetke iye boladi.
4.Oyin arqali qatnasiwshilar bir-birine ja’rdem beriwge u’yrenedi,yag’niy oyin arqali ol o’zi ja’g’iz hesh na’rsege erise almaytug’inlig’in an’lap jetedi.Bul halat o’zine pa’s baha beretug’in adamlar menen o’tkeriletug’In treninglerde u’lken a’hmiyetke iye boladi.
5.Oyin arqali qatnasiwshilar o’zi ushin o’zinin’ is-ha’reketleri ushin,minez-qulqi ushin juwapker ekenligin sezedi,sonday-aq basqalardin’ minez-qulqi ushin da azg’antay juwapker ekenligin an’lap jetedi.Bul halat qatnasinin’ (muloqat)pa’s bolg’an adamlar menen o’tkeriletug’in treninglerde u’lken a’hmiyetke iye boladi.
6.En’ son’inda qatnasiwshilar insanalardi u’yreniw ha’m haqiyqaytatti analiz qiliwg’a u’yrenedi,aqil ha’m sezim,o’tirik ha’m haqiyqat,jaqsiliq ha’m jaman ortasindag’I pariqlarin ko’re aliwdi u’yrene aladi.Bul halat ha’r qanday mashqalasi bolg’an adamlar menen o’tkeriletug’in treninglerde u’lken a’hmiyetke iye boladi.