Vi. Treningda psixogimnastikaliq shinig’iwlardan paydalaniw

Topardin’ keypiyatin ko’teriwshi oyinlar
Bul tiptegi oyinlarg’a quwnaq,keypiyatti ko’teriwge arnalg’an ha’zil-oyinlar kiredi.Sonday-aq olarg’a topar ag’zalari bir-birine minnetdarshiliq bildiretug’in,jilli so’zler aytatug’in,tilekler,komplimentler unamli psixologiyaliq ortaliq jaratatug’in ha’m keypiyatti ko’teretug’in oyinlardi misal qilip keltiriw mu’mkin.Bul oyinlardi ushirasiwdin’ na’tiyjeli tamamlaniwin ta’miyinlew ushin shinig’iwdin’ aqirinda o’tkeriw usinis etiledi.
“Baqlaw ha’m esitiw” oyinlari
Bul tu’rdegi oyinlar qatnasiwshilardan basqa qatnasiwshilardin’ ko’rinisi,olardin’ nelerdi so’ylep atirg’ani,neni sezip atirg’anlig’ina(ma’selen,qayjerde jasawi,qashan tuwilg’anlig’i siyaqlilarg’a) itibar beriw talap qilinadi.Yag’niy,bul oyinlardin’ qatnasiwshilari ra’smiy emes sha’rayatta,ra’smiy emes halatta bir-biri haqqinda ko’birek mag’liwmatqa iye boladi.
Isenim ortalig’in payda qiliwshi oyinlar
Bunday oyinlardin’ tiykarg’i maqseti olardin’ nomlanishidayoq sa’wlelenedi.Olar ja’rdeminde toparda o’zara isenimli mu’na’sebetlerdi qa’liplestiriw mu’mkin.Bul oyinlardi topar menen jumis baslag’an da’slepki waqitta emes,ba’lki baslawshi ha’m topar ag’zalarinda toparg’a isenim sezimi payda boliwi ushin keyin o’tkeriw maqul.Bul oyinlarda topar topar qatnasiwshilari ortasinda taktil baylanislar boliwi na’tiyjesinde olar ortasinda o’zara isenim,awizbirshilik payda boladi.Sonday-aq,bunday oyinlardi o’tkeriw protsessinde qatnasiwshilardin’ bir-birine o’ara juwapkerhilikli mu’na’sebette boliwi da sa’wlelenedi.Bunday oyinlarg’a “Elkama-elka” oyinin misal keltiriw mu’mkin.Endi bolajoq qa’nigelerdin’ oyinlardi almastirip jibermesligi ushin olardin’ ha’r birine misal keltirip o’temiz.
Tanisiwdi a’melge asiriw ushin o’tkeriletug’in oyinlardan birin misal keltiremiz:
“Alma (top)ni ber(uzat)” oyini
Qatnasiwshilar shen’ber bolip otiradi.Baslawshi “Menin’ atim …Men … ni jaqsi ko’remen (qa’legen na’rse ya’ki adamin aytiw mu’mkin) “,- ha’m alma (topti) ti qa’legen adamina qarata laqtiradi.Alma(top)ti qaqship alg’an qatnasiwshi da o’z na’wbetinde o’zin sonday tanistiradi alma(top)ti basqa qatnasiwshig’a laqtiradi.Oyin ha’mme qatnasiwshilar o’zlerin tanistirip bolaman degenshe dawam etedi.

• 
  Qatnasiwshilar tanistiriw protsessinde aytiwi mu’mkin bolg’an qatarlar(jumlalar):
  
• 
  Men … paziyletke iye bolg’an adamlardi jaqsi ko’remen
  
• 
  Balalig’imda jaqsi ko’rgen awqatim(kitabim,qosig’im)…edi.
  
• 
  Men unatqan ren’ (gu’l yaki miywe)-…
  

Birlestiriwshi oying’a missal sipatinda “Batqaqliq” oyinin keltiriw mu’mkin,bul oyin to’mendegishe o’tkeriledi:
“Batqaqliq” oyini
Bunin’ ushin kartonnan jasalg’an ortasha u’lkenlikte “tarelkelar” kerek boladi.Olardin’ sani 9 boliwi kerek.Topar ag’zalari topar bolip,izbe-iz tarelkalarg’a ayaq qoyip batqaqliqtan o’te baslaydi,a’tirapta bolsa (ekinshi topar ag’zalari) qaraqshi krokodiller ju’redi.Krokodiller tarelkani alip qoyiyiwg’a tayin turadi, maqset topardin’ ha’r bir ag’zasi tarelkalardan ayaq u’zbesligi,hesh bolmag’anda bir ayag’inin’ ushi menen olardi basip turiwi kerek.Eger topar ag’zalari birlikli tu’rde ha’reket qilsa,jen’ilissiz batqaqliatan o’tedi,hesh bir tarelkani krokodilge bermeydi.
Qatnasiwshilardi aktivlestiriwshi oyinlradan biri “Orin almasiw” bolip,ol to’mendegishe o’keriledi: