Vi. Treningda psixogimnastikaliq shinig’iwlardan paydalaniw

6.2.Psixogimnastikaliq shinig’iwlardi o’tkeriwde trenerge usinislar.
Trenerdin’ o’zi psixogimnastikaliq shinig’iwlardi orinlawda qatnasiwi kerekpe? degen sorawg’a juwap izlenetug’in bolsa,aytiw mu’mkin,bul sorawg’a qa’nigeler ta’repinen berilgen juwaplarda aniq ko’rsetpe berilgen emes.Lekin bul tuwrisinda qa’nigeler ta’repinen belgilengen ayirim ko’rsetpeler bar bolip,olardi ayiriqsha aytip o’tiw mu’mkin:

• 
  Trener ku’nnin’ 1-yariminda o’tkeriletug’in qisqa psixogimnastikaliq shinig’iwlarda imkaniyatina qarap qatnasiwi kerek,a’sirese ku’n basinda.Buni ha’tte qag’iyda sipatinda qabil qiliw da mu’mkin.Imkaniyat degende bir adam trener bolip islewi qiyinlig’i sebepli ha’r dayim ja’rdemshi trener boliwi kerekligi na’zerde tutiladi.
  
• 
  Qatnasiwshilardin’ taq yamasa jup sani talap qilinatug’in psixogimnastikaliq shinig’iwlarda topardi toldiriw ushin qatnasiwi mu’mkin.Biraq bul trener sonday halattag’i ha’mme shinig’iwlarda qatnasiwi sha’rt degeni emes.Trening psixogimnastikaliq shinig’iw protsessindegi tiykarg’I waziypasi ju’z berip atirg’an o’zgerislerdi gu’zetiwden ibaratlig’I hesh qaysi trener umitpaslig’I kerek.
  
• 
  Eger trenerden shinig’iwdi baqlap turiw talap etilise,ol shinig’iw islewde qatnaspaydi.A’sirese ko’zin jumip orinlanatug’in shinig’iwda trenerdin’ qatnaspaslig’I topar qatnasiwshilarinin’ da’dil boliwina alip keledi,sol sebepten bunday shinig’iwlarda trener qatnaspawi lazim.
  

Psixogimnastikaliq shinig’iwlardi sho’lkemlestiriwde trener to’mendegi printsiplerge a’mel qiliwi lazim:

• 
  Birinshiden,psixogimnastikaliq shinig’iwlardin’ logikaliq du’ziliwine itiar beriwi kerek.Bunda “a’piwayidan quramalig’a”printsipine a’mel qiliwi kerek.Az ha’reket shinig’iwlardin aktivlestiriwshi shinig’iwlarg’a ha’m kerisinshe halatlarg’a o’tip turiwi kerek.
  
• 
  Ekinshiden,qatnasiwshilardi psixogimnastikaliq shinig’iwlardi orinlawg’a tayarlap aliw protssesine itibar beriwi kerek.Qatnasiwshilarg’a a’piwayi”Kelin’ oynaymiz” dep psixogimnastikaliq shinig’iwlardi baslap bolmaydi.
  
• 
  U’shinshiden,trener o’zine ta’n da’rejede ju’da’ u’lken psixogimnastikaliq shinig’iwlar”zaxirasi”na iye boliwi lazim,bul og’an ha’r tu’rli jag’daylarda aqsatadi.