Vi. Treningda psixogimnastikaliq shinig’iwlardan paydalaniw

6.3.Trenerdin’ emotsional ta’sirshen’lik qa’bilieti
Trener o’zindegi qa’lewdi aniq ko’rsetiw arqali qatnasiwshilardi psixogimnastikaliq shinig’iwdi baslawg’a qiziqtiriwi lazim.Psixogimnastikaliq shinig’iwdi baslaw ushin qiling’an usinis janli,quwnaq ta’rizde aytiliwi ha’m qatnasiwshilardi ha’reketke keltiriwi kerek.Topardan psixogimnastikaliq shinig’iwdi baslawg’a bolg’an qa’lewdi soraw usinis etilmeydi,sebebi ko’pshilik qatnasiwshilar ushin bul a’dettegidey(noodatiy)emes hal bolip,olar psixogimnastikaliq shinig’iwg’a qatnasiwdan bas tartiwi mu’mkin.Sonin’ ushin topardi tan’law imkaniyati(yag’niy”qa’lesen’iz qatnasin’,qa’lemesen’iz oynamawin’iz mu’mkin”siyaqli jag’day)ti qaldirmaw kerek.”A’lbette oynaymiz” degen qarar-jalg’iz boliwi kerek!
Trener psixogimnastikaliq shinig’iwlardi o’tkeriw ha’m onin’ na’tiyjeliligine erisiw ushin to’mendegilerdi de biliw lazim.
Psixogimnastikaliq shinig’iwdin’ jedelligi ha’m tezligi(sur’ati).Trener psixogimnastikaliq shinig’iwdin’ barisin,onin’ jedelligi ha’m tezligin de aniqlap aliwi za’ru’r.Eger psixogimnastikaliq shinig’iw sozilip ketetug’in bolsa,oni tezletiwge,qatnasiwshilardi qiziqtiriw ushin bolsa shinig’iwdi ko’terin’ki ruxta tamamlawg’a ha’reket etiw za’ru’r.
Qiziqtiriw ha’m sirliliq(shinig’iwg’a u’ndew(jalb qilish).Bazi hallarda trener psixogimnastikaliq shinig’iwdi baslawdan ha’m shinig’iw qag’iydalarin tu’sindiriwden aldin qatnasiwshilardi qiziqtiriw ushin olarg’a ha’zir qiziqli shinig’iw o’tkeriliwin,oalr bunday shinig’iwdi hesh qashan islemegenliklerin sirli tu’rde ekenligin aytiw maqsetke muwapiq.
Ba’sekelesiw(bahslashish,musobaqalashish).U’lkenlerde ha’m balalar ruwxiyatinda da jarisiwg’a bolg’an meyillik gu’zetiledi.Mine usi meyillikten paydalang’an halda trener qatnasiwshilarda psixogimnastikaliq shinig’iwg’a mas keypiyatti ju’zege keltiriw ushin toparlar ortasinda qarsilasliqti oyatiwi jaqsi na’tiyje beredi.Ma’selen,”Qayta quriw”,”Mumiyo” yaki “Minara” siyqali psixogimnastikaliq shinig’iwlarda,eger trener tapsirmani jaris halatinda sho’lkemlestire alsa,(yag’niy “qa’ne qaysi topar tez orinlaydi?” usig’an uqsag’an ko’rinslerdi berse),psixogimnastikaliq shinig’iw jedel ha’m qiziqli o’tedi.A’lbette,ba’rshe psixogimnastikaliq shinig’iwlarda bul taktikani qollaw maqsetke muwapiq emes,biraq orni kelgende paydalaniw jaqsi na’tiyje beredi.