Vi. Treningda psixogimnastikaliq shinig’iwlardan paydalaniw

Ma’deniy kontseptsiya ta’repdarlarinan biri Yoxann Xayzing to’mendegi pikirlerdi bildiredi:Oyin-hesh qanday ma’deniyat penen baylanisli bolmag’an da’slepki turmisliq kategoriya.Bunda hesh qanday sirtqi ta’repten ma’jbu’rlew bolmastan,oyin insaniyatta a’ste-aqirin etik ha’m estetik sezimlerdin’ rawajlaniwina imkan bergen.Y.Xayzinnin’ pikirine ko’re,oyin-tirmisimizdi bezeydi,oni toltiradi,ol insannin’ jasinan sotsial dan’qinan qa’tiy na’zer ha’r bir adam ushin turmisliq ma’deniy za’ru’rlik esaplanadi.
Tariyxqa na’zer salinsa,a’psanalarda da,ma’resimlerde de,bayramlarda da oyin elementlarin tabiw mu’mkin.Apsana ha’ ma’resimlerde oyin quralinda ma’deniy turmistin’ ha’reketlendiriwshi ku’shi ju’zege keledi,solardan,huquq ha’m ta’rtip,qarim-qatnas ha’m jeke mu’likke iyelik,o’nermentshilik ha’m ma’deniyat,she’riyat,ha’tte pa’n ha’m insaniyattin’ oyin xizmeti arqali qa’liplesken.Oyin jiddiylikning shegarasinda turadi,yag’niy o’zi belgili bir waqitta jiddiylikka aylanadi,belgili bir waqit bolsa jiddiylikti oying’a aylandiriwi mu’mkin.
7.2.Trening protsessinde oyin usilinin’ a’hmiyeti
Trening ptotsessinde en’ ko’p qollanilatug’in usillardan biri oyin usili.Oyin usili-
za’ru’r ta’jriybe ha’m ko’nlikpelerdi payda qiliw ha’m de olardi bekkemlew ushin teoriya,a’meliy bilimlerdi sanali ra’wishte,ko’p ma’rte ta’kirarlawdan ibarat bolg’an usil.Bul usildin’ waziypasi-aling’an bilimlerden ko’nlikpe ha’m ta’jriybelerge o’tiw.
Oyinnin’ mazmuni.Oyin bizin’ turmisimizda ju’da’ za’ru’r a’hmiyetke iye.Ku’ndelik turmista “Oyin” atamasi ko’pshilik tillerde ha’zil,ku’lki,jen’il tartiw,huzur-halovat siyaqli tu’siniklerge mas keledi ha’m unamli sezimler menen baylanisli mu’na’sebetlerdi an’latadi.
Trening protsessinde o’tkerilgen ha’r qanday oyin o’zinde eki tu’rli mazmundi sa’wlelendiredi:birinshisi,qatnasiwshilar ushin belgili bolg’an –dem aliw,kewil ashiw,hardiq shig’ariw,keypiyatti ko’teriw bolsa,ekinshi ma’nisi,treningdi alip bariwshi (trener)ushin g’ana belgili bolip,bunda topar menen islew protsessinde trener o’z aldina qoyg’an belgili waziypalarin a’melge asiriw ko’zde tutiladi.Sol sebepli trening shinig’iwi da oyin-tek kewil xoshliq emes,ba’lkim topar yaki qandayda bir qatnasiwshinin’ minez-qulqin basqariw,o’zgertiw,sonday-aq trener ushin za’ru’r bag’darda ha’reketleniw qurali sipatinda ko’rinedi.