Virtual tarmoq texnologiyalari

Virtual tarmoq adapterlari
Har bir VirtualBox virtual mashinasi sakkiztagacha virtual tarmoq adapteridan foydalanishi mumkin, ularning har biri tarmoq interfeysi kontrolleri (NIC) deb ataladi. VirtualBox GUI da to'rtta virtual tarmoq adapterini sozlash mumkin. Barcha virtual tarmoq adapterlari (8 tagacha) VBoxManage modifyvm buyrug'i yordamida sozlanishi mumkin. VBoxManage – bu VirtualBox buyruq qatorini boshqarish vositasi bo'lib, undan VirtualBox ning barcha sozlamalarini, shu jumladan VirtualBox tarmoq sozlamalarini sozlash mumkin. Virtual mashina sozlamalarida VirtualBox tarmoq adapteri sozlamalariga kirishingiz mumkin (virtual mashinangizni tanlang, “Настройки” ni bosing va virtual mashinaning sozlash oynasidagi “Сеть” bo'limiga o'ting).

Adapter 1 uchun VirtualBox tarmoq sozlamalari

Bu yerda siz to'rtta adapter yorlig’ini ko'rishingiz mumkin. Virtual mashina yaratilgach, sukut bo'yicha bitta virtual tarmoq adapteri yoqiladi. Siz adapterni yoqish uchun “Включить сетевой адаптер” katagiga belgi qo'yishingiz va o'chirishni belgilashingiz mumkin (bu katakcha virtual tarmoq adapteri qurilmasi virtual mashinaga ulangan yoki yo'qligini aniqlaydi).

VirtualBox tarmoq adapteri sozlamalarini kengaytirish uchun “Дополнительно” tugmasini bosing.


VirtualBox da virtual tarmoq adapterlarining turlari
Virtual tarmoq adapteri – bu dasturiy ta'minot taqlid qiladigan jismoniy qurilma. VirtualBox olti turdagi virtual adapterlarni virtualizatsiya qilishi mumkin.

• 
  AMD PCnet-PCI II (Am79C970A). Ushbu tarmoq adapteri AMD chipiga asoslangan va ko'p holatlarda ishlatilishi mumkin. Windows mehmon OT lari uchun ushbu tarmoq adapteri Windowsning eski versiyalarida (masalan, Windows 2000) ishlatilishi mumkin, chunki Windows 7, 8 va 10 kabi yangi versiyalarida bu adapter uchun o'rnatilgan drayver yo'q. Dastlab, Am79C970A PCI qurilmasida bitta chipli 10Mbitli kontroller bor edi va DMA mexanizmi birlashtirildi. Bu tarmoq adapteri masofadan turib yoqish uchun AMD Magic Packet texnologiyasini ham qo'llab-quvvatlaydi.
  
• 
  AMD PCnet-FAST III (Am79C973). Bu virtualizatsiya qilingan tarmoq adapteri VirtualBox da ishlaydigan deyarli barcha mehmon operatsion tizimlari tomonidan qo'llab-quvvatlanadi. GRUB (bootloader) tarmoq orqali yuklash uchun ushbu adapterdan foydalanishi mumkin. Oldingi NIC singari, bu ham AMD chipidan foydalanadi.
  
• 
  Intel PRO/1000 MT Desktop (82540EM). Bu adapter Windows Vista va Windowsning yangi versiyalarida yaxshi ishlaydi. Ko'pgina Linux distributivlari ham ushbu adapterni qo'llab-quvvatlaydi.
  
• 
  Intel PRO/1000 T Server (82543GC). Windows XP bu adapterni qo’shimcha drayverlar o’rnatmasdan taniydi.
  
• 
  Intel PRO/1000 MT Server (82545EM). Ushbu adapter modeli OVF shablonlarini boshqa platformalardan import qilish uchun foydalidir va import jarayonini osonlashtirishi mumkin.
  
• 
  Paravirtualizatsiya qilingan tarmoq adapteri (virtual tarmoq) – bu alohida holat. Aksariyat operatsion tizimlar tomonidan qo'llab-quvvatlanadigan tarmoq uskunalarini virtualizatsiya qilishning o'rniga, mehmon operatsion tizimi virtualizatsiya qilingan muhit uchun maxsus dasturlash interfeysini ta'minlashi kerak. Bu yondashuv tarmoq uskunalarini taqlid qilishning murakkabligini oldini oladi va natijada tarmoq ishini yaxshilaydi.
  

VirtualBox standart virtIO tarmoq drayverlarini qo'llab-quvvatlaydi. VirtIO tarmoq drayverlari KVM loyihasining bir qismi va ochiq manba hisoblanadi. Bu drayverlar yadro 2.6.25 yoki undan yuqori bo'lgan Linux uchun, Windows uchun, shu jumladan Windows 2000, XP va Vista kabi eski versiyalarda mavjud.