Ximik-qániygeler tayarlawda analitikalıq ximiya páni áhmiyetli orın iyeleydi


Download 11.1 Kb.
Sana02.12.2019
Hajmi11.1 Kb.

Kirisiw

Ximik-qániygeler tayarlawda analitikalıq ximiya páni áhmiyetli orın iyeleydi
hám ol neorganikalıq ximiya kursınan keyin úyreniledi. Analitikalıq ximiya–sıpat
analizi hám muǵdar analizi bólimlerinen ibarat. Sıpat analizi boliminde
tekseriliwshi zattıń quramı, yaǵnıy ol qanday elementlerden quralganlıǵı anıqlanadı. Muǵdar analizinde bolsa, izertleniwshi zattıń muǵdar quramı–zat quramındaǵı sol elementtiń muǵdarı qansha bar ekenligin anıqlawǵa átedi. Kópshilik jagdayda zattıń quramı shama menen málim bolsa da, tolıq sıpat analizi otkeriledi, sebebi muǵdar analizinin ol yaki bul usıldı aniqlawda imkan beredi.

Analitikalıq ximiya identifikatsiyalaw hám zatlar duzilisin anıqlaw usılları
haqqındaǵı pán. Analitikalıq ximiya–ximiyalıq analiz usılları hám teoriyalıq
tiykarların islep shıǵıwshı pán. Analitikalıq ximiyanıń ámeliy wazıypası zattıń yaki
zatlar aralaspasınıń quramın anıqlawdan ibarat. Dáslep zattıń sıpat quramı, yaǵnıy
zat qaysı elementlerden yamasa elementler toparınan yamasa ionlardan quralganlıǵı anıqlanadı. Soń zattıń mugdar quramın anıqlawga ótedi, bunda tabılǵan element yamasa ionlar zat quramında qansha muǵdarda, olardıń bir-birine qatnası qanday ekenligi anıqlanadı. Demek, sıpat analiziniń wazıypası-zat quramında ushırasatuǵın element yamasa ionlardı tabıw (ashıw) dan ibarat bolıp, muǵdar analiziniń wazıypası úyrenilip atırǵan zattıń ayrım quram bóleklerinin muǵdarın anıqlawdan ibarat.

Ayırım úlgiler quramında qanday da bir elementtiń bar ekenligi anıq málim
boladı hám sol elementtiń % muǵdarın anıqlaw talap etiledi. Bul jaǵdayda hám sol
úlgini tolıq sıpat analizi islewge tuwra keledi, sebebi úlgi quramındaǵı málim
elementtiń % muǵdarın anıqlaw, muǵdar analiziniń ol yaki bul usılın tańlaw ushın
jáne qandayda bir elementler bar yaki joq ekenligin biliw kerek, bunnan tısqarı, sıpat reaktsiyalarının paydalanıp, sol elementiń úlgi quramındaǵı mugdarı haqqında shama menen juwmaq shıǵarıw mumkin.

Analitikalıq ximiya, solar qatarı sıpat analizi teoriyalıq hám praktikalıq
áhmiyetke iye. Máselen, ximiya zavodlarında yaki basqa tarawlarda islep shıǵarıwda ónim sıpatın ximiyalıq qadaǵalawda, awıl xojalıǵında topıraqtı, mineral
táginlerdi analiz qılıwda, paydalı qazılmalardı analiz islewde hám t.b.

Do'stlaringiz bilan baham:


Ma'lumotlar bazasi mualliflik huquqi bilan himoyalangan ©fayllar.org 2019
ma'muriyatiga murojaat qiling