Drozofildan hid sezish organi antennada joylashgan. Unda ayrim teshiklar bo’lib, uning ichiga hid molekulalari kirishi tufayli antennadagi neyronlar bosh miyaga tassurotni yetkazadi. Neyronlar 1000 ta atrofida bo’ladi, shunga ko’ra drozofila ko’p hidlarni farqlay oladi. Aldegid, efirni sezish neyronlar faoliyatining 6 ta: olfA, olfB, olfC, olfD, olfE, sbl genlar nazoratida kanligi ma’lum bo’lgan. Drozofilada jinsiy qo’shilish paytidagi fe’l-atvorning genetik asoslari ham o’rganilgan. Ma’lum bo’lishicha. Jinsiy qo’shilishga urg’ochi drozofilaning moyilligini ro’yobga chiqarish uchun erkak drozofila “o’yin” ko’rsatishi lozim. Mazkur “o’yin” urg’ochi drozofilaning qornini qitiqlash, uning atrofida aylanib uchish, jinsiy qo’shilish uchun urg’ochining qorin qismini o’ziga tortish va 50 soniya mobaynida tez-tez qanot qoqib “ashula” aytishdan iborat.
Do'stlaringiz bilan baham: |
