Янги китоб

Partiyali
Yagona

---

107
Ishlab chiqarish jarayonini tashkil qilish boshlangich xom – ashyoni ishlab
chiqarish va ish joylari bo’yicha to’xtovsiz harakatni ta’minlashi kerak, har bir ish
joyida ularga ishlov berilib tayyor mahsulotga aylantirishni taqozo qiladi. Ishlab
chiqarishdagi uzilishlar esa texnologiyaning mahsulot sifatini pasayishiga olib
kelishi mumkin. Shuning uchun ishlab chiqarishda uzluksizlikni ta’minlash kerak,
bu esa o’z navbatida ishlab chiqarish jarayoni tarkibiy qismlari o’rtasidagi
bog’liqlik va ularning ketma-ketligini ta’minlashdan kelib chiqadi. Shunday qilib,
asosiy ishlab chiqarishning tashkil qilish vazifasi faqat mahsulot hajmini
oshirishdan emas, tayyor mahsulot sifatini yaxshilashdan ham iborat. Bunday
xususiyatlar asosiy ishlab chiqarishni shakl va uslublarini qo’llashda ma’lum
talablar namoyon etadi. Bu talablarga javob berish uchun jihozlardan to’g’ri
foydalanish va ularni vaqt bo’yicha unumdorligini bog’lash lozim. Oziq-ovqat
sanoati korxonalari seriyali ishlab chiqarish turiga taalluqlidir. Bunday ishlab
chiqarishda asosiy ishlab chiqarishni tashkil qilishda texnologik jarayon potok
uslubida amalga oshiriladi. Potok uslubidan tashqari potoksiz va partiyali ishlab
chiqarishni tashkil qilish uslublari ham mavjud. M.s.: Non ishlab chiqarishda
partiyali uslub faqat boshlang’ich bosqichlar(tuzlar, shakar eritmasini tayyorlash)da
qo’llaniladi.
Potok chizig’i va uning elementlari.
Ishlab chiqarishda ko’pincha potok uslubi qo’llaniladi. Potok uslubi bir
qancha belgilar bilan xarakterlanadi. Ulardan asosiylari:
1)Ishlab chiqarish jarayonini operatsiyalarga bo’lish.
2)Har bir operatsiyani alohida ish joyiga, mashinaga biriktirish.
3)Hamma operatsiyalarning ish joylarida bir vaqtda va parallel bajarish.
4)Bir operatsiyadan boshqasiga mehnat predmetlarini tez kechikmay
uzatish.
5)Texnologik jihozlarni ishlab chiqarish texnologiyasi harakati bo’yicha
joylashtirish, ya’ni teskari harakat yo’q.
Ana shu belgilarning ishlab chiqarishda namoyon etilishi potok uslubi
mavjudligidan dalolat beradi. Ishlab chiqarish potokining asosiy bo’g’ini potok
chizig’i hisoblanadi.