Yarimo‘tkazgichli xotira mikrosxemalari

Statik  OXQlarda  yozilgan  ma’lumot  doim  unga  ajratilgan  aniq  joyda 

saqlanadi va ma’lumot o‘qilganda yo‘qolib ketmaydi. Ma’lumot faqat majburiy 

o‘chirilganda  yoki  ta’minot  manbasidan  qurilma  o‘chirilganda  yo‘qolishi 

mumkin. 

Statik  yarimo‘tkazgichli  XQlar  bipolyar  va  MDYa-tranzistorlarda 

bajarilgan xotira elementlari (triggerlardan) tashkil topadi. Bu turlarning har biri 

uning qo‘llanish sohasini belgilab beradigan afzallik va kamchiliklariga ega. 

OXQlar  ishlashi  uchun  3  ta  signal  va  mos  ravishda  3  ta  sim  qo‘llaniladi. 

Birinchi  signal  o‘qishga  ruxsat  deb  ataladi,  agar  bu  signal  qabul  qilinsa 

xotiradan bayt ko‘rinishidagi ma’lumot o‘qiladi. Ikkinchi signal yozishga ruxsat 

deb  ataladi  va  bu  signal  olingach  bayt  xotiraga  yoziladi.  Bir  vaqtning  o‘zida 

ikkala signal uzatilishi mumkin emas. Uchinchi signal – tayyorgarlik signali deb 

ataladi va xotira protsessorga murojaat qilib, buyruqlarni bajarishga tayyor yoki 

tayyor emasligini bildirish uchun ishlatiladi.