Yo‘llarda harakatlanish qoidalari ko‘cha va yo‘llarda o‘zini tutish qoidalari

YENGIL AVTOMOBILDA HARAKATLANISH QOIDALARI

• 
  Agar 12 yoshga to’lmagan bo’lsang, oldingi o’rindiqqa o’tirma. Avtomobilga o’tirganingda, xavfsizlik kamarini taqib olishni unutma.
  
• 
  Avtomobilda o’t o’chiruvchi moslama va dorilar turadigan quticha qayerda joylashganligini eslab qol.
  
• 
  Harakatlanish vaqtida ogoh bo’l, diqqat bilan yo’lni kuzatib bor.
  

Agar avtomobil to’qnashuvidan qochib qutula olmasang:

• 
  Polga oyog’ingni tirab, boshingni qo’ling bilan ushlab ol, xavfsizlik kamarini tortib ol. Orqa o’rindiqda bo’lsang yon tomoninga yot (yonboshla).
  

Agar sodir bo’lgan avtomobil to’qnashuvi natijasida tashqariga chiqa olmasang:

• 
  Oldingi va orqadagi oynani oyog’ing bilan itar yoki qattiq jism bilan sindir;
  
• 
  Tashqariga chiqqaningdan so’ng boshqalarga yordam ber, moshinadan o’t o’chiruvchi moslama va dorilar qutisini ol.
  

TEMIR YO‘L VA METRODA HARAKATLANISH QOIDALARI

TEMIR YO’LDA

• 
  Temir yo’llardan, ayniqsa, temir yo’l kesishmalarida ogohlantirish belgilari qo’yilgan joylarda yurma, o’ynama.
  
• 
  Vagonlar tagidan o’tma, piyodalar ko’priklari va o’tish joylaridan foydalan.
  
• 
  Platformaga poyezd kirib kelayotganda, platforma chekkasida turma va yugurma.
  
• 
  Poyezd batamom to’xtamaguncha vagon oynalaridan boshingni chiqarma.
  
• 
  Poyezd harakatlangan vaqtda tamburning tashqi eshiklarini ochma va sakrab tushma.
  

METRODA


Metroga kiraverishda
Aylanma g’ov (turniket) kirish-chiqish joylari orqali bepul o’tishga urinma: bu xavfli (tabaqalarning zarb bilan urishi jarohatga olib kelishi mumkin).
Eskalatorda:

• 
  Ogoh, xushmuomala va ehtiyotkor bo’l. Shovqin qilma va baland ovozda so’zlashma. Eskalatorda yugurma, uning harakatiga qarshi turma, tutqich hamda zinalarga buyumlarni qo’yma va o’tirib olma. Eskalatorda harakatlanayotganda o’ng tomondan tutqichni ushlab ol;
  
• 
  Eskalatordan tushayotganda to’xtab qolma, tiqilinch holat tug’dirma;
  
• 
  Tangalar va boshqa mayda jismlarni eskalatorga tashlama.
  

Platforma

• 
  Platforma chekkasiga yaqinlashma, belgilangan chegaradan o’tma. Poyezd batamom to’xtamaguncha vagonlar yoniga yaqinlashma.
  
• 
  Relsga tushib qolgan narsani o’zboshimchalik bilan tushib uni olma, bekatdagi navbatchini chaqir.
  
• 
  Vagonlar o’rtasiga bir inson tushib qolgan bo’lsa mashinist tomoniga yugur. Vagon ichiga kirib, haydovchiga mikrofon orqali xabar ber.
  

Vagonda

• 
  Agar poyezd yer osti yo’lida (tunelda) to’xtasa, asabiylashma, metropoliten xodimlari va mashinistning barcha ko’rsatmalarini bajar.
  
• 
  Yelkangdagi og’ir sumka yoki ryukzakni tushir. Har qanday xavfli holatda poyezd haydovchisi bilan tezkor aloqadan foydalan, tugmani bosib, vagon raqamini ayt, shoshilmasdan qanday vaziyat sodir bo’lganini tushuntir.
  

Jamoat transportida, metroda bo’lganingda ogoh bo’l!
Egasiz qoldirilgan sumka, paket va boshqa narsalarni ko’rganingda shu zahoti ichki ishlar xodimlariga yoki poyezd mashinistiga xabar ber. 22 Shu narsalar ichida portlovchi moddalar bo’lishi mumkin. Qo’ling bilan tegma, atrofingda turgan odamlarni xavf haqida ogoh qil.