Yosh psixologiyasi

Darajasi	Ballar (foiz)
Reyting
A+	95 - 100 ball	3.0	A’LO
А	90 - 94 ball	2.7
B+	85 - 89 ball	2.4	JUDA YAXSHI
B	80 - 84 ball	2.1
C+	75 - 79 ball	1.8	YAXSHI
C	70 - 74 ball	1.5
D+	65 - 69 ball	1.2	SHARTLI O‘TDI
D	60 - 64 ball	1.0
F	59 ball va undan past	0.0	O‘TMADI

Ballar taqimoti:

t/r	Nazorat turidagi topshiriqlarning nomlanishi	Maksimal yig‘ish mumkin bo‘lgan ball
I. Joriy nazoratdagi ballar taqsimoti		20 ball
Ma’ruza va amaliy mashg‘ulotlarda		Maksimal ball
1.	Talabaning ma’ruza va amaliy mashg‘ulotlardagi faolligi va o‘zlashtirish darajasi, daftarlarning yuritilishi va holati	15
2.	Mustaqil ta’lim topshiriqlarining o‘z vaqtida va sifatli bajarilishi (keys-stadilar, esse, referat, taqdimot va boshqa turdagi mustaqil ta’lim topshiriqlari)	5
Jami		20
II. Oraliq nazorat		30 ball
3.	oraliq nazorat (ma’ruzachi va amaliy mashg‘ulot o‘qituvchisi tomonidan qabul qilinadi). 20 ball-talaba yakka tartibda topshiriqlar oladi guruhga alohida topshiriqlar beriladi Guruhning faolligi, berilgan topshiriqni nazariy va amaliy jihatdan yoritilishi, xulosalarning mantiqiy bog‘liqligi, kreativ mulohazalarning mavjudligi va boshqa talablarga mosligi hisobga olinadi. Oraliq nazorat ishchi dasturlarda kursatilgan va tasdiqlangan tarzda o‘tkaziladi.	30
III. YAkuniy nazorat		50 ball
Jami:		100 ball

8. Asosiy va qo’shimcha аdаbiyotlаr hamda axborot manbaalari
Аsоsiy adabiyotlar

№	Muallif	Adabiyot nomi	Adabiyot turi	Nashr yili	Adabiyotning ARMdagi shifri	Adabiyotning ARMdagi inventar raqami	ARM dagi soni	Imzo kutubxona mudiri
1	Dusmuxamedova Sh.A, Tillashayxova X.A, Baykunusova G.Yu, Ziyavitdinova G.Z.	Umumiy psixologiya (yosh davrlari pedagogik psixologiya)	Darslik	2021	88.3я73 U 44	930441	2
2	Ivanov I., Zufarova M.	Umumiy psixologiya	Darslik	O’z.FMJ, 2008	88.3 I-98	Y-6858	100
3	Xaydarov F.I., Xalilova N.	Umumiy psixologiya	Darslik	T.: 2010	88 Zua73	922257	1
4	Югай А.Х. Мираширова Н.А.	Общая психология	Учебное пособие	T. ТГПУ им.Низами 2015	88.3 Yu 15	U-6758	1
5	Давлетшин М.Г., Мавлонов М.M, Тўйчиева С.М.	Ёш ва педагогик психология	Ўқув қўлланма	Т.: ТДПУ 2008	88.3 Yo 83	011930	4
6	Nishonova Z.T., Alimova G.К.	Bolalar psixologiyasi va uni o`qitish metodikasi	. O’quv qo’llanma	T.: TDPU, 2006	88.8 N 69	011955	2
7	Сафаев Н.С., Мираширова Н.А. Одилова Н.Г.	Умумий психология назарияси ва амалиёти	Ўқув қўлланма	Т.: ТДПУ, 2013	88.3 C 34	925110	5

Qo’shimchа аdаbiyotlаr

1. Мирзиёев Ш.М. Танқидий таҳлил, қатъий тартиб-интизом ва шахсий жавобгарлик – ҳар бир раҳбар фаолиятининг кундалик қоидаси бўлиши керак. Ўзбекистон Республикаси Вазирлар Маҳкамасининг 2016 йил якунлари ва 2017 йил истиқболларига бағишланган мажлисидаги Ўзбекистон Республикаси Президенти нутқи. // Халқ сўзи газетаси, 2017.16 январ, №11

2. Мирзиёев Ш.М. Буюк келажагимизни мард ва олийжаноб халқимиз билан бирга қурамиз. “Ўзбекистон”, 2017.
3. Ўзбекистон Республикасини янада ривожлантириш бўйича ҳаракатлар стратегияси. Ўзбекистон Республикаси Президентининг фармони. Ўзбекистон Республикаси қонун хужжатлари тўплами, 2017йил, 6-сон,70-модда.
4. Мирзиёев Ш.М. Қонун устуворлиги – инсон манфаатларини таъминлаш тараққиёти ва халқ фаровонлигининг гарови. “Ўзбекистон”, 2017.
5. Климов Е.А. «Oбщая психология». – Cпб., Питер, 2001
6. David G.Myers. “ Psychology” Michigan USA: Worth Publishers.: 2011.
7. Maxsudova M.A. Muloqot psixologiyasi. T., 2006
8. Немов Р.С. Психология. M.: Владос, 2003. 1-2-т.
9. Фридман Л.М. Психология воспитания. Kнига для тех, кто любит детей. - M.: TTС «Сфера»,1999.
10. Радугина A.A. Педагогика и психология. - M., 2007.
11. Рубинштейн С.Л. Основы общей психологии. - Спб: Питер, 2007. 12..G’oziyev E.G’. “Ontogenez psixologiyasi”.-T.: Noshir. 2010


Elеktrоn tа’lim rеsurslаri
1. www. tdpu. uz
2. www. pedagog. uz
3. www. Ziyonet. uz
4. http://books.google.co.uz/books/S.K.Mangal
5. www.childpsy.ru
6. www.edu.uz
7. www.flogiston.ru
8. www.psychology.uz
9. www. psychology.net.ru
10. www.psycatalog.ru

Fanning nazariy materiallari


1-MAVZU : YOSH VA PEDAGOGIK PSIXOLOGIYA FANINING TADQIQOT SOHASI VA MUAMMOLARI


Mavzu o‘quv maqsadi :
Ta’limiy: bo‘lajak pedagoglar tomonidan Yosh psixologiyasi va pedagogik psixologiya fanlarining predmeti, vazifalari, bo‘limlari, tadqiqot metodlari haqidagi bilimlarni o‘zlashtirilishini tashkil etish.
Tarbiyaviy: bo‘lajak pedagoglar tomonidan Yosh psixologiyasi va pedagogik psixologiya fanlarining predmeti, vazifalari, bo‘limlari, tadqiqot metodlari haqida bilim, malaka va ko‘nikmalarni shakllantirish.
Rivojlantiruvchi: mavzuning ta’limiy va tarbiyaviy o‘quv maqsadlari asosida talabalar dunyoqarashini kengaytirish.
Reja:

1. 
   Yosh psixologiyasi fanining predmeti va vazifalari.
   
2. 
   Yosh psixologiya fanining (qisqacha rivojlanish tarixi) asosiy metodologik tamoyillari.
   
3. 
   Yosh psixologiyasining tadqiqot metodlari.
   
4. 
   Psixologik tadqiqotlarni o‘tkazishga qo‘yiladigan talablar.
   

1.1.Yosh psixologiyasining predmeti va vazifalari
Hozirgi davrda mamlakatimizda, shu jumladan xalq maorifi sistemasida amalga oshirilayotgan o‘zgarishlar o‘qituvchilar, barcha pedagoglar oldiga o‘quvchining bilimlarini yuksak darajada o‘zlashtirishi; o‘quvchilar mustaqil tafakkurini, ular aktivligini rivojlantirish; ularda yuksak ahloqiy sifatlarni tarbiyalash; ularning tafakkur, muloqat, o‘qish, mehnat qilishga bo‘lgan qobiliyatlarini taraqqiy ettirish kabi murakkab va ma’suliyatli vazifalarni qo‘ymoqda.
Bu vazifalarni muvaffaqiyatli hal qilish uchun faqat pedagogika fanining nazariy asoslarini, har bir o‘qituvchi predmetni o‘qitish metodikasini, maktab o‘quvchilarining fiziologiyasi asoslari, maktab o‘quvchilari gigienasi asoslarinigina bilish emas, balki ma’lum darajada psixologik bilimlarga ham ega bo‘lish lozim. Har bir pedagog ma’lum darajada psixolog ham bo‘lishi talab etiladi, Chunki ular har biri faqat o‘ziga xos bo‘lgan, turli Yoshdagi, turli individual xususiyatlarga ega bo‘lgan o‘quvchilar bilan ish olib boradi.
Har bir bola faqat o‘ziga xos bilish faoliyati, iroda, xarakter, xulq-atvor xususiyatlariga ega. Maktabdagi ta’lim-tarbiya berish jarayonida mana shu xususiyatlarni bilish va shunga asoslanib ularga individual munosabatda bo‘lish lozim. Mana shularni hisobga olgandagina, har bir pedagog o‘zining asosiy vazifasi, ya’ni yosh avlodga ta’lim-tarbiya berish ishini muvaffaqiyatli amalga oshiradi.
Shuning uchun ham psixologiya fanining alohida sohalari bo‘lmish yosh va pedagogik psixologiya asoslarini chuqur bilish har bir pedagog uchun muhim hisoblanadi.
Psixologiya fanining bir qator tarmoqlari, sohalari mavjud. Ular orasida yosh psixologiyasi alohida ahamiyatga ega. Yosh psixologiyasi psixik rivojlanish, shuningdek, bolalik, o‘smirlik, o‘spirinlik va etuklik davrida shaxs taraqqiyotining xususiyatlarini o‘rganadi. Juda ko‘p fundamental tadqiqotlar o‘tkazilganligiga qaramay bugungi kunda inson psixikasini uning butun hayotiy yo‘li bosqichlarida rivojlanishi xususiyatlarini yaxlit holda tavsiflashga erishilmagan.
Yosh psixologiyasi har bir yosh davrining qaytarilmas xususiyatlarini, yillar o‘tgan sari, asta-sekinlik bilan bola qanday qilib inson bo‘lib shakllanishi, shaxs sifatida o‘zini ijtimoiy munosabatlarda namoyon qilishi, kasb tanlashi, muloqot jarayonida o‘zining erk, huquq va majburiyatlariga intilishi, qanday qilib sevishi, ishonchli do‘st bo‘lib tarkib topishi, o‘zi va boshqalar uchun ma’suliyatni his qilishi kabi jihatlarni tadqiq etadi.
Bilimlarning har bir sohasi o‘ziga xos nomlanishga ega. Lekin ba’zi bir bilimlar sohasi bir necha nom bilan ham atalishi mumkin. Masalan, yosh psixologiyasini boshqacha qilib, rivojlanish psixologiyasi deb nomlanishi mumkin. Ammo bu erda aynan bitta yoki bir-biriga mazmun jihatdan juda yaqin bo‘lgan bilimlar sohasi ko‘zda tutiladi va inson xulq-atvori, psixik rivojlanishning yosh xususiyatlari to‘g‘risida fikr yuritilmoqda. Rus psixologi R.S.Nemov asarlarida ular sinonim sifatida qo‘llaniladi.
Yosh psixologiyasi – turli xil yosh davrlarining psixologik xususiyatlariga e’tibor beradi. Rivojlanish psixologiyasi – inson psixologiyasining yosh jihatdan qayta tuzilishi qonunlari haqidagi bilimlar sohasi.
Yosh psixologiyasini rivojlanishdan tashqarida, o‘zgarmas deb qarash mumkin emas. Xuddi shunday, rivojlanishni yosh xususiyatlarini ajratib ko‘rsatmasdan tasavvur qilib bo‘lmaydi.
Yosh psixologiyasining bir qator muammolarini ajratib ko‘rsatish mumkin.
1.Inson psixik xususiyatlari va xulq-atvori rivojlanishining organizm va muhitga bog‘liqligi muammosi.
2.Insonning rivojlanishiga stixiyali ta’lim va tashkil etilgan ta’limning ta’siri muammosi.
3.Layoqat va qobiliyatlarning o‘zaro munosabati muammosi.
Bir tomondan psixik rivojlanish organizmga, ya’ni inson organizmining anatomik fiziologik tuzilishiga bog‘lik. Nerv sistemasi va miyaning insoniy tuzilishi uni ong egasi, nutq va yuqori darajadagi intellekt sohibi sifatida rivojlanishiga imkon beradi. Nasliy yo‘l bilan yoki jiddiy kasallik oqibatida yuzaga keluvchi organizm anatomik fiziologik holatidagi buzilishlar psixik taraqqiyotga ta’sir etishi va rivojlanishdan orqada qolishga olib kelishi mumkin. Bolaning miyasi etilib bo‘lmaguncha unda verbal nutqni va u bilan bog‘liq bo‘lgan qobiliyatlarni shakllantirish mumkin emas.
Ikkinchi tomondan, organizmning psixik rivojlanishi muhitga ham bog‘liq. Chunki psixik taraqqiyotga ta’lim-tarbiyaning ta’siri juda beqiyos. Biroq, psixik taraqqiyotning u yoki bu bosqichida bu omillardan qaysi biri ko‘proq ta’sir etishini aniq aytish qiyin.
Stixiyali ta’lim-tarbiya maxsus ta’limiy maqsadlarsiz, hech qanday dasturlarsiz, insonning jamiyatda boshqa kishilar bilan munosabatlari natijasida amalga oshadigan ta’lim-tarbiya. Tashkil etilgan ta’lim-tarbiya esa maqsadga qaratilgan holda maxsus ta’limiy tizimda olib boriladigan ta’lim-tarbiyadir.
Shak-shubhasiz, inson stixiyali va tashkil etilgan ta’sirotlar ostida psixologik jihatdan taraqqiy etadi, lekin ulardan kay biri inson xulq-atvoriga kuchliroq ta’sir etishi masalasi muammoligicha qolmoqda.
Keyingi muammo – layoqat va qobiliyatlarning o‘zaro munosabati masalasidir. Bolaning qobiliyatlari rivojlanishiga ta’sir etuvchi layokatlarning o‘zi nima? Layoqatlar tarkibi faqat organizmning nasliy xususiyatlari bilan bog‘liqmi yoki uning tarkibiga insonning orttirilgan xulq-atvor va psixik xususiyatlarini ham kiritish mumkinmi? Bola qobiliyatlarining taraqqiyoti ko‘proq mavjud layoqatlarga bog‘liqmi yoki unga to‘g‘ri tashkil etilgan ta’lim-tarbiyaning ta’siri kuchliroqmi? kabi savollar hanuzgacha to‘la-to‘kis o‘z echimini topmagan.
Yosh psixologiyasi psixika va xulq-atvorda bir yosh davridan ikkinchisiga o‘tishda yuzaga keladigan miqdoriy hamda sifatiy o‘zgarishlarni o‘rganadi. Odatda bu o‘zgarishlar hayotning muayyan bosqichlarini, 1 necha oydan (go‘daklik davri) to bir qancha yillarni (katta yosh davrida) qamrab oladi. Ushbu o‘zgarishlar “ doimiy ta’sir etib turuvchi ”omillar – biologik etilish hamda inson organizmining psixofiziologik holati, uning insonga xos bo‘lgan ijtimoiy munosabatlar tizimida tutgan o‘rni, intellektual hamda shaxs rivojlanishida erishgan darajasiga bog‘liq bo‘ladi.
Psixika va xulq-atvorda yuzaga keladigan bu turdagi yoshga xos o‘zgarishlar evolyusion o‘zgarishlar deb ataladi. Evolyusion o‘zgarishlarda miqdoriy va sifatiy qayta qurishlar nisbatan sekinlik bilan amalga oshadi.
Nisbatan qisqa vaqt oralig‘ida jadal yuz beradigan chuqur o‘zgarishlarni revolyusion o‘zgarishlar deb atash mumkin. Revolyusion o‘zgarishlar odatda bir yosh davrining tugallanishi, ikkinchi yosh davrining boshlanishi arafasida ro‘y berib, yosh taraqqiyotining inqirozlari bilan bog‘liq bo‘ladi. Yosh taraqqiyotidagi inqirozlar va ular bilan bog‘liq bo‘lgan psixika va xulq-atvorda ro‘y beradigan revolyusion qayta (qurishlar) tuzilishlar Yoshni davrlarga ajratishning asoslaridan biri sifatida qaralishi mumkin.
Rivojlanish belgilaridan biri bo‘lgan yana 1 turdagi o‘zgarishlar aniq bir ijtimoiy vaziyatning ta’siri bilan bog‘liq bo‘lib, ularni situatsion (ya’ni vaziyat bilan bog‘liq bo‘lgan) o‘zgarishlar deb atash mumkin. Bunday o‘zgarishlar inson xulq- atvori va psixikasida tashkil etilgan yoki maxsus tashkil etilmagan ta’lim-tarbiya ta’sirida vujudga keladi.
Evolyusion va revolyusion o‘zgarishlar odatda barqaror hamda qaytarilmas bo‘lib, sistematik mustahkamlashni talab qilmaydi. Situatsion o‘zgarishlar beqaror, o‘zgaruvchan, ularni mashqlar orqali mustahkamlash talab qilinadi. Evolyusion va revolyusion o‘zgarishlar inson psixologiyasini shaxs sifatida qayta o‘zgartirsa, situatsion o‘zgarishlarda xulq-atvorning ba’zi ko‘rinishlari, bilim, malaka va ko‘nikmalar hosil bo‘ladi.