Yozish uslubi va funktsionalligi Taqqoslash jadvali Birlamchi ma'lumotlarning ta'rifi

Birlamchi va ikkilamchi axborot manbalarini tanqidiy tahlil qilish
Reja:

• 
  Yozish uslubi va funktsionalligi
  
• 
  Taqqoslash jadvali
  
• 
  Birlamchi ma'lumotlarning ta'rifi
  
• 
  Ikkilamchi ma'lumotlarning ta'rifi
  
• 
  Birlamchi va ikkilamchi ma'lumotlar o'rtasidagi asosiy farqlar
  
• 
  Xulosa
  

Umuman axborot tushunchasi mahsulotlar yig’indisi bo’lib to’plash, saqlash, qayta ishlash va yetkazib berish obyekti sifatida xizmat qiladi. Iqtisodiy axborotlar asosini esa istemolchilar talabi to’g’risida ma’lumotlar tashkil etadi. Ular xaridorlar talabi hajmi, rivojlanish tendensiyalari va qonuniyatlarini, talabning o’zgarishisabablari, hamma tovar assortimentlari hamda region bo’yicha shakllanish xususiyatlarini tasvirlaydi.
Iqtisodiy axborotlar birlamchi va ikkilamchi bo’ladi.
Birlamchi axborotlar aniq masalani yechish maqsadida yangidan to’planadi. Ikkilamchi axborotlar esa mazkur muammoni yechishga to’g’ridan -to’g’ri bog’liq bo’lmagan va oldindan yigilgan axborotlardir.
Ammo marketing axborot tizimida biror aniq bozorga kirish muammosi belgilanmaguncha ikkilamchi axborotlar o’rganilmaydi. Shu bilan birga ikkilamchi axborotlar to’la o’rganilmaguncha birlamchi axborotlar o’rganilmaydi. Undan tashqari birlamchi axborotlarni yig’ish ikkilamchi ma’lumotlar yetishmay qolganligi uchun zarur bo’ladi. Nima uchun axborotlarni to’plash kerak? Chunki korxona faqat axborot to’plash orqali bozorda quyidagilarga erishadi:
- Aniq ustivorlikka erishadi;
- Moliyaviy xavfsizlikni ta’minlaydi va mavqyeyi tushib ketishini oldini oladi;
- Iste’molchilar munosabatini belgilaydi
- Strategiyani boshqaradi;
- Faoliyatni baholaydi;
- Reklamaga ishonchni oshiradi;
- Qarorlarni asoslaydi;
- Kelajakka ishonch hosil qiladi;
- Samaradorlikni yaxshilaydi.
Marketing tadqiqotlarini muvaffaqiyatli olib borish uchun birlamchi va ikkilamchi marketing axborotlarining optimal mosligi talab qilinadi. Marketolog tadqiqotchi X.Meffert axborot manbalarini tanlash matritsasini taklif etdi. Bu matritsada ichki va tashqi axborotlarni tadqiqot obyektiga qarab qo‘llanish chastotasi berilgan va ular ikki turga bo‘linadi:
- birlamchi axborotlar; - ikkilamchi axborotlar.
Iqtisodiy amaliyotda qo‘llaniladigan marketing axboroti quyidagi mezonlar bo‘yicha tasniflanishi mumkin:
Ikkilamchi axborot – bu tadqiq etilayotgan muammo bilan bog‘liq bo‘lmagan, avval boshqa maqsadlarda to‘plangan ma’lumotlar.Uni kabinet tadqiqotlari, deb nomlangan ichki va tashqi manbalardan olinadi. Ikkilamchi axborotlar ichki manbalar, ya’ni mavjud axborotlar bo‘lib, ular firma faoliyatiga tegishli statistik ma’lumotlar, tovar aylanmasi, sotuv hajmi, import, eksport hajmi, reklamaga xarajatlar, ishlab chiqarish hajmi, moddiy-texnika bazasi quvvati, asosiy fondlar, budjet hisobotlari, tashkilotning savdo xodimlari yuborgan ma’lumotlar, iste’molchilar reklamalari sharxi, ishlab chiqarish rejalari va boshqalardan iborat bo‘ladi. Bu axborotlar ichki ikkilamchi axborotlarga kiradi.
Tashqi ikkilamchi axborotlar esa quyidagi tashqi manbalardan olinadi:
– xalqaro tashkilotlar, hukumatlar, rasmiy statistika, maxsus adabiyotlar, ommaviy axborot vositalari, ilmiy tadqiqotlar, davriy matbuot, milliy va xalqaro rasmiy nashr manbalari (jurnallar, statistik to‘plamlar, bulletenlar, Davlat organlari nashrlari, vazirliklar yillik hisobotlari, hokimiyat va boshqa ma’muriy organlarning rasmiy ma’lumotlari, savdo-sanoat palatasi nashrlari va statistik ma’lumotlari, yillik statistik to‘plamlar, tarmoq firmalari va qo‘shma korxonalar axborotlari, maxsus kitoblar, jurnal va gazeta ma’lumotlari, ilmiy-tadqiqot inistitutlari, loyiha institutlari xalqaro simpoziumlar materiallari asosidagi nashrlar, narxlar ro‘yxati (price list), kataloglar va bukletlar, internet resurslarining mazmuni tahlilidan olingan va h.k. ma’lumotlar hisoblanadi.
Ikkilamchi tadqiqotlarning afzalliklari quyidagilardan iborat:
- birlamchi axborotlarni dala tadqiqotlari o‘tkazib yig‘ishga qaraganda kabinet tadqiqotlari uchun sarf- xarajatlar ko‘p marta kam;
- ikkilamchi tadqiqotlar ko‘pincha firmaning ichki holatini tadqiq qilish uchun zarur bo‘lib, bu holda birlamchi axborotlarga ehtiyoj bo‘lmaydi;
- birlamchi tadqiqotda yechilmagan masalalar va bevosita firma faoliyatiga tegishli xulosalar kabinet tadqiqotlari bilan amalga oshiriladi.
Agar ikkilamchi axborotning tahlili uning yetarli emasligidan guvohlik bersa, birlamchi axborotlarni yig‘ish to‘g‘risida qaror qabul qilinadi. Tajriba ko‘pchilik marketing tadqiqotlari birlamchi ma’lumotlarni izlash bilan olib borilishini ko‘rsatadi.
Birlamchi axborot – bu aniq bir marketing muammosini hal qilish uchun maxsus olingan ma’lumotlar hisoblanadi.
Birlamchi axborotlarning keng tarqalgan usullari bu savolnomalar tarqatib iste’molchilarning tovar va xizmat turlari haqidagi fikrini bilish, kuzatuv ma’lumotlari, tajriba va laboratoriya kuzatuvlaridir.
Birlamchi ma’lumotlar qator afzalliklarga ega: axborot tadqiq etilayotgan muammoga mos ravishda to‘planadi, eng yangi hisoblanadi va avvaldan berilgan batafsillik darajasiga ega; barcha olingan ma’lumotlarga firma yetisha oladi, zarur bo‘lganda ularni raqobatchilar uchun sir saqlanishini ta’minlay oladi; agar istalsa to‘plangan ma’lumotlarning ishonchlilik darajasi miqdoran aniqlanishi mumkin.
Birlamchi ma’lumotlarning asosiy kamchiligi shundaki, ularni yig‘ish ko‘p vaqt, mablag‘ talab qilishi, yoki firma mustaqil ravishda birlamchi ma’lumotlarni yig‘a olmasligi mumkin.Birlamchi axborotni yig‘ish so‘rovning panel usulidan foydala-nish asosida ham amalga oshirilishi mumkin.

Tadqiqotda ma'lumot to'plash uchun turli xil usullar qo'llaniladi, ularning barchasi ikkita toifaga bo'linadi, ya'ni asosiy ma'lumotlar va ikkilamchi ma'lumotlar. Nomidan ko'rinib turibdiki, birlamchi ma'lumotlar tadqiqotchi tomonidan birinchi marta to'planadigan ma'lumotdir, ikkilamchi ma'lumotlar boshqalar tomonidan to'plangan yoki ishlab chiqarilgan ma'lumotlardir.