Юрак ишемик касаллиги (юик)

1-жадвал

Юрак ишемик касаллигининг таснифи

1	Тўсатдан юз берган коронар ўлим (юракнинг бирламчи тўхташи)
2	Стенокардия 2.1 Стабил зўриқиш стенокардияси (I – IV гача бўлган функционал синфларни кўрсатиш билан) 2.2 Ностабил стенокардия – биринчи пайдо бўлган стенокардия – зўрайиб борувчи стенокардия – ангиоспастик (спонтан, вариантли, Принцметал) стенокардия – инфарктдан кейинги эрта стенокардия – операциядан кейинги эрта стенокардия
3	Миокарднинг оғриқсиз ишемияси
4	Микроваскуляр стенокардия (“Х синдром”)
5	Миокард инфаркти – Q тишчаси билан – QMI – Q тишчасиз – NQM
6	Инфарктдан кейинги кардиосклероз
7	Юрак ритмининг бузилиши (шаклини кўрсатиш билан)
	Юрак етишмовчилиги (шакли ва босқичини кўрсатиш билан)

Ушбу таснифда ностабил стенокардия турлари алоҳида келтирилган. Улар стабил стенокардия ва МИ орасидаги ҳолат бўлиб, ўлим хавфи (стабил стенокардияда 3 – 4 %, ностабилда 10 – 20 %) юқорилиги билан характерланади. Бундан ташқари замонавий таснифга киритилмаган ва ЮИК ни бир нечта турлари бошланғич даврини (ностабил стенокардия, кичик ва катта ўчоқли МИ) бирлаштирувчи аксарият холларда умумий морфологик ўзгаришлар (атеросклеротик пилакчани ўрнидан кўчиши, тож томирларда тромб ҳосил бўлиши, касалликни бир клиник турини иккинчисига ўтиши, масалан ностабил стенокардияни МИ га ёки ўлим юзага келиши) асосида ривожланувчи “ўткир коронар синдром” тўғрисида ҳам тўхталиб ўтиш лозим.