Замонавий таълим тизимида инновацион технологиялар асосида дарс жараёнини ташкил этиш самарадорлиги

ЗАМОНАВИЙ ТАЪЛИМ ТИЗИМИДА ИННОВАЦИОН ТЕХНОЛОГИЯЛАР АСОСИДА ДАРС ЖАРАЁНИНИ ТАШКИЛ ЭТИШ САМАРАДОРЛИГИ
Жалолдинов Aҳрор Aбдусаттор ўғли,
Наманган муҳандислик-қурилиш институти,
Email: [e-mail],
Тел: [phone]
Aннотация. Мақолада замонавий илғор технологиялардан фойдаланган холда дарс жараёнларини ташкил этиш ва уларни дарс жараёнларидаги самарадорлигини бахолаш, фойдаланиш зарурати борасида сўз боради.
Калит сўзлар: таълим, инновацион фаолият, кейс-стади, муаммо, ахборот.
ЭФФЕКТИВНОСТЬ ОРГАНИЗАЦИИ УЧЕБНОГО ПРОЦЕССА, СВЯЗАННАЯ С ИННОВАЦИОННЫМИ ТЕХНОЛОГИЯМИ В СОВРЕМЕННОЙ СИСТЕМЕ ОБРАЗОВАНИЯ
???
Аннотация: В статье говорится о необходимости организации учебных процессов с использованием современных передовых технологий и оценке их эффективности в учебных процессах.
Ключевые слова: образование, инновационная деятельность, кейс, проблема, информация.
EFFICIENCY OF THE ORGANIZATION OF THE EDUCATIONAL PROCESS ASSOCIATED WITH INNOVATIVE TECHNOLOGIES IN THE MODERN EDUCATION SYSTEM
Abstract: The article talks about the need to organize educational processes using modern advanced technologies and evaluate their effectiveness in educational processes.
Key words: education, innovation, case study, problem, information.
КИРИШ. Ўзбекистон Республикаси Президентининг 2019 йил 8 октябрдаги ПФ-5847-сон Олий таълим тизимини 2030 йилгача ривожлантириш концепцияси (кейинги ўринларда - Концепция) олий таълим тизимини ижтимоий соҳа ва иқтисодиёт тармоқлари эҳтиёжларидан келиб чиққан ҳолда, фан, таълим ва ишлаб чиқаришнинг мустаҳкам интеграциясини таъминлаш асосида таълим сифатини яхшилаш, рақобатбардош кадрлар тайёрлаш, илмий ва инновацион фаолиятни самарали ташкил этиш, халқаро ҳамкорликни ривожлантириш мақсадида, шунингдек Ўзбекистон Республикаси Президентининг 2019 йил 11 июлдаги ПҚ-4391-сон «Олий ва ўрта махсус таълим тизимига бошқарувнинг янги тамойилларини жорий этиш чора-тадбирлари тўғрисида»ги ижроси юзасидан ишлаб чиқилган [1].
Жумладан, Ўзбекистон Республикаси Президентининг 2018-йил 5-сентябрдаги “2018–2021 йилларда Ўзбекистон Республикаси халқ таълими тизимини янада такомиллаштириш бўйича чора-тадбирлар дастури тўғрисида”ги №ПҚ–3931-сон қарорида таълим сифатини яхшилаш ва инновацион таълим технологияларини жорий этиш вазифаси белгиланган. Унга кўра илғор жаҳон тажрибасига таяниб, янги давлат таълим стандартлари ва умумий ўрта таълим ўқув дастурларини босқичма-босқич жорий этиш ва такомиллаштириш кўзланган [2,3].
Ўқувчи ўзининг аниқ шароитлари ва имкониятларига энг кўп мос келадиган ўқув жараёнини онгли равишда танлаб олиши фойдадан холи эмас. Бу иш дарснинг муҳим томонларини танлашдаги таваккалчиликка билим кўникма ва малакаларни ўзлаштириш жараёнини бошқаришга қандайдир тасодифий ёндашишга йўл қўймайди.