Ózbekistan respublikasi joqari hám orta arnawli bilimlendiriw mekemesi

Kristall ushın Shredinger ten’lemesi

Joqarıda aytqanımızday ha’r qanday qattı dene ju’da’ ko’p atomlardan quralg’an boladı. Atomlardın’ yadroları ideal kristalda ta’rtipli tor (reshetka) payda etedi. Neytral kristalda yadrolardın’ «on’» zaryadı barlıq «teris» elektronlardın’ zaryadına ten’ boladı.

Yadrog’a jaqın elektronlar ku’shli baylanısqan boladı. Atom yadrosınan a’dewir uzaq jaylasqan elektronlar a’zzi baylanısqanlıg’ı sebepli, qattı denenin’ ishinde qozg’alısqa kelip, elektr tog’ın payda etedi. Biraq elektron o’z ha’reketi dawamında kristalda basqa elektronlar menen ushırasadı. Bunday jag’dayda bir elektronlı ma’sele emes, al ko’p elektronlı ma’seleni sheshiwge tuwra keledi. Sonın’ ushın kristaldag’ı ko’p sandag’ı yadro atomı ha’m elektronnın’ birgeliktegi

statsionar awhalın ha’m energetikalıq spektrin anıqlaw ushın Shredinger ten’lemesin sheshiwge tuwra keledi.