Ўзбекистон республикаси олий таълим, фан ва инновациялар вазирлиги мирзо улуғбек номидаги ўзбекистон миллий университети

ЎЗБЕКИСТОН РЕСПУБЛИКАСИ ОЛИЙ ТАЪЛИМ, ФАН ВА ИННОВАЦИЯЛАР ВАЗИРЛИГИ


МИРЗО УЛУҒБЕК НОМИДАГИ
ЎЗБЕКИСТОН МИЛЛИЙ УНИВЕРСИТЕТИ

“ТАСДИҚЛАЙМАН” Ўқув ишлари бўйича проректор ______________________ 2023 йил “_____”__________

“ИҚТИСОДИЁТ НАЗАРИЯСИ”
ФАНИНИНГ


ИШЧИ ЎҚУВ ДАСТУРИ

Билим соҳаси:	300000	-	Ижтимоий фанлар, журналистика ва ахборот
Таълим соҳаси:	310 000	-	Ижтимоий ва хулқ атворга мансуб фанлар
Таълим йўналишлари:	60310100	-	Иқтисодиёт (тармоқлар ва соҳалар бўйича)
	60310100	-	Иқтисодиёт (математик иқтисодиёт)
	60310300	-	Минтақавий иқтисодиёт

Ўқув соатлари хажми:	360 соат
Маъруза	90 (1-семестр 46 с. 2-семестр 44 с.)
Семинар	90 (1-семестр 44 с. 2-семестр 46 с.)
Мустақил таълим	180 (1-семестр 90 с. 2-семестр 90 с.)

Тошкент – 2023
Мазкур фаннинг ишчи ўқув дастури Ўзбекистон Миллий университети Кенгашининг 2023 йил 25 августдаги 1-сонли баённомаси билан маъқулланган. “Иқтисодиёт назарияси” фани дастури асосида тайёрланган.

Мазкур фаннинг ишчи ўқув дастури “Иқтисодиёт назарияси” кафедрасининг 2023 йил 28 августдаги йиғилишида муҳокама қилиниб, тасдиқлаш учун тавсия этилган. (1-сонли баённома).

Мазкур фаннинг ишчи ўқув дастури “Иқтисодиёт” факультети Ўқув методика кенгашининг 2023 йил 29 августдаги йиғилишида муҳокама қилиниб, тасдиқлаш учун тавсия этилган. (1-сонли баённома).

Мазкур фаннинг ишчи ўқув дастури Ўзбекистон Миллий университети Ўқув услубий кенгашининг 2023 йил 30 августдаги 1-сонли баёни билан тасдиқланган.

Тузувчилар:

Бобонов Н.Х	ЎзМУ “Иқтисодиёт назарияси” кафедраси катта ўқитувчиси
Тақризчилар:
Юлдашев Ш.Г.	- ЎзМУ “Иқтисодиёт назарияси” кафедраси профессори, иқтисодиёт фанлари доктори
Расулев А.Ф.	- ТДИУ “Фундаментал иқтисодиёт” кафедраси профессори, иқтисодиёт фанлари доктори

“Иқтисодиёт назарияси” кафедраси мудири:

Қ. Мамбетжанов

Иқтисодиёт факультети декани:

А. Умаров

Ўқув жараёнларини режалаштириш ва ташкил этиш бошқармаси бошлиғи

В. Топилдиев

Фан/модуль коди ECOTHE12

Ўқув йили 2023-2024

Семестр 1-2

ECTS - Кредитлар 12

Фан/модуль тури Мажбурий

Таълим тили Ўзбек

Ҳафтадаги дарс соатлари 6

1.

Фаннинг номи

Аудитория машғулотлари (соат)

Мустақил таълим (соат)

Жами юклама (соат)

Иқтисодиёт назарияси

180

180

360

I. Фаннинг мазмуни
Фанни ўқитишдан мақсад – талабаларга жаҳон миқёсида тўпланган ва бир тизимга келтирилган иқтисодий билимларнинг назарий асосларини, иқтисодиётнинг асосий тушунчалари, категориялари, қонунларини, тамойилларини, уларнинг амал қилиш хусусиятлари ва механизмларини ҳамда уларни амалда татбиқ этиш кўникмасини ҳосил қилишдан иборат.
Фаннинг вазифаси - талабаларни тараққиётнинг турли босқичларида ва турли мамлакатларда таркиб топиб шаклланган назарий билимлар, иқтисодий мушоҳада қилиш усуллари билан таништириш; иқтисодий ҳодиса ва жараёнлар мазмунини мантиқий мушоҳада қилиш учун зарур бўлган услубий ёндашувларни эгаллашига кўмаклашиш; улар онгига иқтисодий тараққиётда эришилган ютуқлар асосида миллий мафкуранинг асосий қоидаларини сингдириш; иқтисодиётни модернизациялаш, эркинлаштириш ва ислоҳотларни чуқурлаштириш асосида ҳозирги замон ривожланган бозор иқтисодиётини шакллантиришнинг долзарб муаммоларини очиб бериш; иқтисодиёт ва иқтисодий муносабатлар тўғрисида миллий кўникмаларни ҳосил қилиш вазифаларини бажаради.


II. Асосий назарий қисм (маъруза машғулотлари)
II.I. Фан таркибига қуйидаги мавзулар киради:
1-мавзу. “Иқтисодиёт назарияси” фанининг предмети ва билиш услублари.
Иқтисодиёт тушунчаси ва турлари. Иқтисодий фаолиятнинг мазмуни. Такрор ишлаб чиқаришнинг мазмуни ва фазалари: ишлаб чиқариш, тақсимот, айирбошлаш, истеъмол. Эҳтиёжларнинг мазмуни ва уларнинг туркумланиши. Эҳтиёжларнинг ўсиб бориши қонуни. Иқтисодий ресурсларнинг мазмуни ва туркумланиши. Иқтисодий ресурслар ва эҳтиёжларнинг қондирилиш даражаси ўртасидаги боғлиқлик. Иқтисодиёт олдидаги муаммолар.
Иқтисодиётга оид билимларнинг шаклланиши ва ривожланиши. Қадимги Шарқ ва Ғарб халқларидаги иқтисодий ғоялар. Иқтисодиёт назариясининг фан сифатида шаклланишидаги асосий оқимлар: меркантилизм, физиократлар, инглиз классик иқтисодий мактаби, марксизм ва маржинализм. Ҳозирги замон иқтисодиёт назариясидаги асосий оқимлар.
Иқтисодиёт назарияси фанининг предмети тўғрисида турлича ёндашувлар. Иқтисодиёт назарияси фанининг предмети. Иқтисодиёт назарияси фанининг вазифалари. Иқтисодиёт назариясининг бошқа фанлар билан ўзаро боғлиқлиги. Иқтисодиёт назарияси - барча иқтисодий фанларнинг услубий пойдевори ва давлат иқтисодий сиёсатининг илмий асоси эканлиги. Ҳозирги замон иқтисодий тафаккурининг шаклланишида, ижтимоий-иқтисодий ривожланиш муаммоларини таҳлил қилиш ва билишда иқтисодиёт назарияси фанининг роли. Иқтисодиёт назарияси фанининг талаба-ёшлар онгида илмий дунёқарашни шакллантиришда ва миллий истиқлол ғоясини сингдиришдаги аҳамияти.
Иқтисодий қонунлар ва категориялар. Иқтисодий қонунларнинг туркумланиши. Иқтисодий ҳодиса ва жараёнларни билиш усуллари.